ជាតិ
លោក វេង សាខុន រម្លឹកមន្ត្រីថា«កុំចាំចោទប្រកាន់គ្នាទៅវិញទៅមក ហើយចុងក្រោយគឺអស់ឈើ»
× ភ្នំពេញ៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដាស់តឿនមន្ត្រីក្រោមឱវាទ ឲ្យអនុវត្តតួនាទីការពារព្រៃឈើឲ្យបានល្អ ចៀសវាងការចាំដាក់បន្ទុកទៅអ្នកផ្សេង ឬស្ថាប័នផ្សេង ដែលលទ្ធផលចុងក្រោយនឹងធ្វើឲ្យអស់ព្រៃឈើ។ លោក វេង សាខុន ថ្លែងបែបនេះក្នុងសិក្ខាសាលាពិគ្រោះយោបល់ថ្នាក់ជាតិស្ដីពីផែនការយុទ្ធសាស្ត្រគ្រប់គ្រងព្រៃផ្ដល់ផល នៅថ្ងៃទី៣០ខែសីហា។
សូមស្ដាប់ប្រសាសន៍ លោក វេង សាខុន ខាងក្រោមនេះ៖
ជុំវិញបញ្ហាព្រៃឈើនេះ គេមើលឃើញថា ទោះជាមានការណែនាំ និងដាក់បទបញ្ជាពីថ្នាក់ដឹកនាំរដ្ឋាភិបាល និងក្រសួងពាក់ព័ន្ធ កន្លងមកក៏ដោយ ក៏នៅតែមានសកម្មភាពកាប់បំផ្លាញព្រៃឈើជាហូរហែមកដល់សព្វថ្ងៃនេះ។ ការចុះផ្សាយរបស់សារព័ត៌មាន នាពេលកន្លងមក មានការទម្លាក់កំហុសទៅមន្ត្រីរដ្ឋបាលព្រៃឈើ កងកម្លាំងប្រដាប់អាវុធ និងអ្នកពាក់ព័ន្ធផ្សេងទៀត នៅតំបន់មួយចំនួន ដែលបានឃុបឃិតបើកផ្លូវ និងបណ្ដែតបណ្ដោយឲ្យប្រព្រឹត្តបទល្មើសព្រៃឈើនេះ៕
© រក្សាសិទ្ធិដោយ thmeythmey.com