ជាតិ
សេដ្ឋកិច្ច
អាល្លឺម៉ង់ និងស្វីសផ្តល់ថវិកាជាង៨លានអឺរ៉ូ សម្រាប់អភិវឌ្ឍន៍សេដ្ឋកិច្ចកម្ពុជា front(រូបភាពពី AKP)
× រដ្ឋាភិបាលអាល្លឺម៉ង់ និងស្វីស បានផ្តល់ថវិកាចំនួន ៨.៤៦៥ លានអឺរ៉ូ ដល់កម្ពុជាសម្រាប់អភិវឌ្ឍសេដ្ឋកិច្ច នៅខេត្តចំនួន៤ គឺខេត្តបន្ទាយមានជ័យ ឧត្តរមានជ័យ ព្រះវិហារ និងសៀមរាប។ នេះបើតាមទីភ្នាក់ងារសារព័ត៌មានកម្ពុជា(AKP)។
ទឹកប្រាក់ ៨.៤៦៥ លានអឺរ៉ូ ដែលជាជំនួយរបស់រដ្ឋាភិបាលអាល្លឺម៉ង់ និងស្វីស នឹងត្រូវផ្តល់ឲ្យរដ្ឋាភិបាលកម្ពុជា សម្រាប់គម្រោងអនុវត្តកម្មវិធីអភិវឌ្ឍសេដ្ឋកិច្ចមូលដា្ឋនដំណាក់កាលទី៤ ក្នុងរយៈពេល៣ឆ្នាំ ចាប់ពីឆ្នាំ២០១៨ ដល់២០២១ នៅខេត្ត៤ រួមមាន ខេត្តបន្ទាយមានជ័យ ឧត្តរមានជ័យ ព្រះវិហារ និងសៀមរាប។
ជំនួយរបស់រដ្ឋាភិបាលទាំងពីរនេះ ត្រូវបានចុះហត្ថលេខា ដោយលោក ឈៀង យ៉ាណារ៉ា អគ្គលេខាធិការគណៈកម្មាធិការនីតិសម្បទា និងអភិវឌ្ឃន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា និង លោក Gu¨nter W. Riethmacher ប្រធានទីភ្នាក់ងារ សហប្រតិបត្តិការបច្ចេកទេសអាល្លឺម៉ង់ និងលោក Stenfan Hanselmann ប្រធានដឹកនាំកម្មវិធីអភិវឌ្ឍន៍សេដ្ឋកិច្ចមូលដ្ឋានដំណាក់កាលទី៣។
តាម AKP ទឹកប្រាក់ចំនួន ៨.៤៦៥ លានអឺរ៉ូ ត្រូវបានភាគីអាល្លឺម៉ង់ផ្តល់ឲ្យចំនួន ៥.១៤ លានអឺរ៉ូ និងភាគីស្វីសចំនូន ៣.២២៥លានអឺរ៉ូ សម្រាប់លើកកម្ពស់ស្ថានភាពសេដ្ឋកិច្ច វិស័យទេសចរណ៍ និងវិស័យកសិកម្ម ដើម្បីបង្កើនឱកាសការងារដល់ប្រជាពលរដ្ឋនៅតាមជនបទផងដែរ៕
Tag:
អាល្លឺម៉ង់
ស្វីស
កម្ពុជា
ជំនួយ
© រក្សាសិទ្ធិដោយ thmeythmey.com