អត្ថបទពាណិជ្ជកម្ម
បើកហើយៗ!!! ហាងដឹ ភីហ្សាខមផេនី (THE PIZZA COMPANY) សាខាផ្សារឈូកមាសផ្លាហ្សា
× ក្រុមហ៊ុន អ៊ិចប្រេស ហ្វូដ គ្រុប (EFG) ដែលជាក្រុមហ៊ុនឈានមុខគេផ្នែក ចំណីអាហារ នៅក្នុងព្រះរាជាណាចក្រកម្ពុជា បានកំពុងបើកពង្រីកសាខារបស់ខ្លួនជាបន្តបន្ទាប់ ស្របពេលដែលសេដ្ឋកិច្ចក្នុងប្រទេស កំពុងរីកចម្រើនយ៉ាងឆាប់រហ័ស។ ជាក់ស្ដែងណាស់ កាលពីល្ងាចថ្ងៃសុក្រ ទី៣១ ខែសីហា ក្រុមហ៊ុន អ៊ិចប្រេស ហ្វូដ គ្រុប (EFG) បានបើកសម្ភោធហាងដឹ ភីហ្សា ខមផេនី (The Pizza Company) សាខាទី៣០ ដែលស្ថិតនៅផ្សារឈូកមាសផ្លាស្សា ដើម្បីបម្រើសេវាកម្ម និងភាពងាយស្រួលជូនដល់អតិថិជនដែលរស់នៅក្នុងតំបន់ក្បែរនោះផងដែរ។
កម្មវិធីសម្ពោធនេះ បានប្រារព្ឋឡើងដោយមានកម្មវិធីកម្សាន្តជាច្រើន ដែលមានវត្តមាន ក្រុមរាំស្រី OMG dance crews, ក្រុម Classic band, ការសម្តែងសៀករហ័សកម្ម, និងមានកម្មវិធីលេងហ្គេមសប្បាយៗ ដែលធ្វើអោយកម្មវិធីនេះកាន់តែអ៊ូអរ និងអធិកអធម។ ជាពិសេសជាងនេះទៅទៀត ក៏មានប្រូម៉ូសិនពិសេសៗ និងមានការចែកជូនភីហ្សា ដោយឥតគិតថ្លៃទៅដល់អតិថិជនចំនួន៣០០នាក់ដំបូងបង្អស់ ដែលបានអញ្ជើញមកតម្រង់ជួរនៅមុខហាងមុនគេ។
ឆ្លៀតក្នុងឱកាសនេះ លោក អ៊ូ គីមហូវ ដែលជាប្រធានប្រតិបត្តិ របស់ហាងដឹ ភីហ្សា ខមផេនី (The Pizza Company) បានមានប្រសាសន៍ថា៖ «យើងខ្ញុំនឹងព្យាយាម ស្វែងរកនូវរសជាតិថ្មីប្លែកៗបន្ថែមទៀត ដើម្បីបំពេញតម្រូវការរបស់អតិថិជន ដោយផ្តោតសំខាន់លើឱជារស សុវត្ថិភាពចំណីអាហារ និងស្តង់ដាសេវាកម្ម»។
ហាង ដឹ ភីហ្សា ខមផេនី (The Pizza Company) សាខាផ្សារឈូកមាសផ្លាស្សា បានបង្កើតឡើងដោយមានការរចនាហាងកាន់តែប្លែក និង ទាក់ទាញ។ លើសពីនេះទៅទៀត គ្រប់សាខាទាំងអស់របស់ហាងដឹ ភីហ្សា ខមផេនី(The Pizza Company) បានរចនាបថហាងតាមបែបអ៊ីតាលី ទាំងផ្ទៃខាងក្នុង និង ខាងក្រៅ ដោយបំពាក់រូបគំនូរជាមួយនឹងបរិយាយកាសរ៉ូមែនទិក ដើម្បីអោយអតិថិជន មានភាពសប្បាយរីករាយក្នុងការពិសាអាហារ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com