អត្ថបទពាណិជ្ជកម្ម
SCG សម្ពោធRoofing Solution Center ផ្ដល់សេវាប្រឹក្សា និងដោះស្រាយផ្នែកដំបូលដល់ម្ចាស់គេហដ្ឋាន ដំបូងគេនៅកម្ពុជា
× ក្រុមហ៊ុន អេសស៊ីជី (SCG) ដែលជាពហុសាជីវកម្មឈានមុខគេនៅក្នុងតំបន់អាស៊ាន បានសហការជាមួយភ្នាក់ងារចែកចាយរបស់ខ្លួន បើកដំណើរការ SCG Roofing Solution Center នៅរាជធានីភ្នំពេញ។ SCG Roofing Solution Center នេះ គឺជាទីតាំងផ្ដល់សេវាកម្មប្រឹក្សាគ្រប់ជ្រុងជ្រោយ និងដំណោះស្រាយផ្នែកដំបូល ដំបូងគេនៅក្នុងប្រទេសកម្ពុជា ទៅដល់ម្ចាស់លំនៅដ្ឋាន និងម្ចាស់គម្រោងអភិវឌ្ឍន៍។ អតិថិជនអាចមកប្រើប្រាស់សេវារបស់ SCG Roofing Solution Center ដើម្បីចាប់ផ្ដើមរចនាដំបូលគេហដ្ឋានរបស់ខ្លួន ជ្រើសរើសសម្ភារសំណង់ និងស្វែងរកជាងដែលត្រឹមត្រូវ សម្រាប់ការងារប្រក់ដំបូល។
មជ្ឈមណ្ឌលផ្ដល់សេវាកម្មប្រឹក្សា និងដំណោះស្រាយផ្នែកដំបូលនេះ ស្ថិតនៅក្នុងភ្នាក់ងារចែកចាយរបស់អេសស៊ីជី ឈ្មោះថា ម៉ៅ គឹមសៀន ត្រេឌីង ខូ អិលធីឌី ដែលជួយផ្ដល់ដំណោះស្រាយល្អប្រពៃ សម្រាប់ការងារសាងសង់ដំបូល។ សេវាកម្មនេះ ត្រូវបានបង្កើតឡើង ដោយគិតគូរលើការចង់បានរបស់អតិថិជន ដែលបង្ហាញថា ម្ចាស់លំនៅដ្ឋាន និងម្ចាស់គម្រោងអភិវឌ្ឍន៍អចលនទ្រព្យ ចង់បានអ្នកជំនាញជួយដល់ពួកគេ ក្នុងការចាត់ចែងដំណើរការសាងសង់ដំបូល។ សេវាកម្មនេះ នឹងជួយដល់អតិថិជនតាំងពីការចាប់ផ្ដើមការងាររចនាប្លង់ដំបូល ការណែនាំសម្ភារដែលគួរប្រើប្រាស់ ការរចនាគ្រោងដំបូល ការណែនាំជាងដែលគួរប្រើប្រាស់ និងការគាំទ្រផ្នែកបច្ចេកទេសផ្សេងៗ។
លោក ពង់ថាណា ដេវីតាយ៉ាផន (Pongdhana Dejvittayaporn) នាយកផ្នែកលក់ និងទីផ្សាររបស់ក្រុមហ៊ុន អេសស៊ីជី បានបញ្ជាក់ថា ការងារប្រក់ដំបូល គឺជាដំណាក់កាលមួយដែលមានភាពស្មុគស្មាញខ្លាំង នៅក្នុងការសាងសង់លំនៅដ្ឋាន។ ដូច្នេះក្នុងនាមជាអ្នកជំនាញ យើងបង្កើត «SCG Roofing Solution Center» ដើម្បីផ្ដល់សេវាកម្មវាប្រឹក្សា និងដំណោះស្រាយផ្នែកដំបូលទាំងស្រុង សម្រាប់ការងារប្រក់ដំបូល។ នេះបើតាមលោក ពង់ថាណា ដេវីតាយ៉ាផន។
លោកបន្តទៀតថា អ្នកជំនាញដែលទទួលការបណ្ដុះបណ្ដាលពី អេសស៊ីជី នឹងជួយដល់អតិថិជន ក្នុងការគ្រប់គ្រងដំណើរការប្រក់ដំបូលទាំងមូល ដែលរាប់ចាប់តាំងពីការរចនាប្លង់ រហូតដល់ការណែនាំជាង និងការគាំទ្របច្ចេកទេស។ ការធ្វើធ្វើដូច្នេះ គឺធានាថា អតិថិជននឹងទទួលបានដំបូលផ្ទះល្អស្អាតបំផុត និងបង្ហាញឲ្យឃើញពីការយកចិត្តទុកដាក់របស់អេសស៊ីជី ចំពោះអតិថិជន និងបំណងរបស់ក្រុមហ៊ុន ក្នុងការផ្ដល់ដំណោះស្រាយផ្សេងៗ ដែលជួយឲ្យអតិថិជន អាចទទួលបានដោយងាយ នូវលទ្ធផលការងារដែលគេចង់បាន។ លោក ពង់ថាណា ដេវីតាយ៉ាផន នាយកផ្នែកលក់ និងទីផ្សាររបស់ក្រុមហ៊ុន អេសស៊ីជី បញ្ជាក់ថា៖ «យើងបានសិក្សាលើតម្រូវការរបស់អតិថិជន ហើយបានរកឃើញថា ពួកគាត់ភាគច្រើនត្រូវការសេវាកម្ម និងដំណោះស្រាយលើការងារសាងសង់ ជាពិសេសដំណោះស្រាយដែលជួយឲ្យពួកគេអាចគ្រប់គ្រងដំណើរការសាងសង់បានកាន់តែងាយស្រួលជាងមុន»។
លោកស្រី ម៉ៅ គឹមសៀន ជាភ្នាក់ងារចែកចាយ ម៉ៅ គឹមសៀន ត្រេឌីង ខូ អិលធីឌី បានបង្ហាញនូវក្តី រំភើបរីករាយចំពោះការសម្ពោធដាក់ឲ្យប្រើប្រាស់នូវមជ្ឈមណ្ឌល SCG Roofing Solution Center នេះឡើង។ លោកស្រី ម៉ៅ គឹមសៀន បញ្ជាក់ថា៖«មជ្ឈមណ្ឌលផ្ដល់សេវាកម្មប្រឹក្សា និងដំណោះស្រាយផ្នែកដំបូលនេះ នឹងផ្ដល់ប្រយោជន៍សម្រាប់អតិថិជន ដែលកំពុងស្វែងរកសេវាសាងសង់ដំបូល។ ពេលនេះ ពួកគាត់អាចចាប់ផ្ដើមការរចនា និងសាងសង់ដំបូលលំនៅដ្ឋានរបស់ខ្លួន កាន់តែងាយស្រួល និងមានគុណភាពខ្ពស់ជាងមុន។ អ្នកជំនាញមកពីអេសស៊ីជីអាចជួយពួកគេនៅក្នុងគ្រប់ដំណាក់កាលនៃការសាងសង់ដំបូល»។
ក្រុមហ៊ុន អេសស៊ីជី ផ្ដល់ជូននូវសម្ភារសំណង់ និងសេវាជាច្រើន សម្រាប់វិស័យសំណង់នៅកម្ពុជា ហើយបានគាំទ្រយ៉ាងសកម្មលើការងារអភិវឌ្ឍន៍ជំនាញជាងសំណង់ នៅក្នុងប្រទេសថែមទៀតផង។ កម្មវិធីប្រកួតជាងសំណង់ដែលកំពុងរៀបចំជាហូរហែ និងជាផ្នែកមួយនៃកម្មវិធីបណ្ដុះបណ្ដាលជាងសំណង់ ដែលចាប់ដំណើរការកាលពីខែកុម្ភៈកន្លងទៅ បានព្យាយាមស្វែងរក និងផ្សព្វផ្សាយជាងបូក និងជាងប្រក់ដំបូលដែលល្អបំផុត នៅក្នុងប្រទេសកម្ពុជា។ តាមរយៈការសហការជាមួយក្រសួងការងារ និងបណ្ដុះបណ្ដាលវិជ្ជាជីវៈ ការប្រកួត និងការបណ្ដុះបណ្ដាលនេះ មានគោលបំណងអភិវឌ្ឍន៍ជំនាញរបស់ជាងសំណង់ លើកកម្ពស់គុណភាពសំណង់ និងអភិវឌ្ឍវិស័យសំណង់ជារួម៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com