ជាតិ
នឹងមានភ្លៀងធ្លាក់ទូទាំងប្រទេស ពីថ្ងៃទី២៩ កញ្ញា ដល់ទី៧ តុលា
× ភ្នំពេញ៖ កម្ពុជា នឹងមានភ្លៀងធ្លាក់ពីតិចទៅច្រើនទូទាំងប្រទេស ចាប់ពីថ្ងៃទី២៩កញ្ញា រហូតដល់ថ្ងៃទី៧តុលា ដោយសារប្រព័ន្ធសម្ពាធទាបបន្តអូសកាត់លើកម្ពុជា។ នេះបើយោងតាមការព្យាករណ៍អាកាសធាតុរបស់ក្រសួងធនធានទឹក និងឧតុនិយម ថ្ងៃទី២៨កញ្ញា។
តាមការព្យាករណ៍នេះ ចាប់ពីថ្ងៃទី២៩-៣០កញ្ញា កម្ពុជានឹងមានភ្លៀងធា្លក់ពីតិច ទៅបង្គួរ និងមានភ្លៀងធ្លាក់ពីបង្គួរទៅច្រើន ចាប់ពីថ្ងៃទី១ដល់ថ្ងៃទី៧ ខែតុលាឆ្នាំ២០១៨ ក្នុងក្របខណ្ឌទូទាំងប្រទេស។
ជាមួយគ្នានេះ ក្រសួងធនធានទឹក និងឧតុនិយម បានប្រកាសឲ្យប្រជាពលរដ្ឋ នៅតំបន់ទំនាបកណ្តាល និងតំបន់ខ្ពង់រាប មានការប្រុងប្រយ័ត្ន នឹងចំនួនភ្លៀងធា្លក់ច្រើន ដែលអាចបង្កជាជំនន់ទឹកភ្លៀង៕
© រក្សាសិទ្ធិដោយ thmeythmey.com