ជាតិ
EDC នឹងផ្អាកចរន្តភ្លើងក្នុងសង្កាត់មួយចំនួននៅភ្នំពេញ ពីថ្ងៃទី២៦-២៨តុលា បង្គោលភ្លើងមួយកន្លែង នៅក្នុងសង្កាត់ទួលទំពូង១
× ភ្នំពេញ៖ អគ្គិសនីកម្ពុជា(EDC) នឹងផ្អាកចរន្តភ្លើងបណ្តោះអាសន្នចំនួន៣ថ្ងៃ ក្នុងសង្កាត់មួយចំនួននៅក្រុងភ្នំពេញ ដើម្បីអនុវត្តការងារជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញដល់ការការដ្ឋានពង្រើកផ្លូវ។ ការផ្អាកចរន្តភ្លើងនេះ ធ្វើឡើងចាប់ពីថ្ងៃទី២៦-២៨តុលា វេលាម៉ោង៩ព្រឹក ដល់ម៉ោង៥ល្ងាច។
តំបន់មួយចំនួន ដែលEDCផ្អាកចរន្តភ្លើងនោះរួមមាន តំបន់ភ្លើងលេខ P០៥១ ក្នុងសង្កាត់ទួលសង្កែទី២ ,តំបន់ភ្លើងលេខP១០៣៥ ក្នុងសង្កាត់អូរបែកក្អម ,តំបន់ភ្លើងលេខP០០៨, P៦៣០ ក្នុងសង្កាត់និរោធ ,តំបន់ភ្លើងលេខP១២៨៩, PT១៣៣៦ ក្នុងសង្កាត់បឹងកក់១ និងតំបន់ភ្លើងមួយចំនួនទៀត ក្នុងសង្កាត់វាលស្បូវ សង្កាត់ព្រែកឯង សង្កាត់ក្បាលកោះ។ តំបន់ទាំងនេះ ត្រូវផ្អាកចរន្តភ្លើង នៅថ្ងៃទី២៦តុលា។
ថ្ងៃទី២៧តុលា EDCផ្អាកតំបន់ភ្លើងលេខ ប.ត១២០ ក្នុងសង្កាត់វត្តភ្នំ តំបន់ភ្លើងលេខP៦៣០ ក្នុងសង្កាត់និរោធ និងតំបន់ភ្លើងមួយចំនួនក្នុងសង្កាត់ទឹកថ្លា និងសង្កាត់កាកាបទី២។
ដោយឡែក តំបន់ភ្លើងលេខ ប.ត២៨៣ ក្នុងសង្កាត់ផ្សារដើមគរ ,តំបន់ភ្លើងលេខ ប.ត២៩៣ ក្នុងសង្កាត់បឹងកក់ទី២ និងតំបន់ភ្លើងមួយចំនួនក្នុងសង្កាត់ទួលសង្កែទី២ សង្កាត់ភ្នំពេញថ្មី សងា្កត់ទឹកថ្លា សង្កាត់អូរបែកក្អម សង្កាត់ស្ទឹងមានជ័យទី១-ទី៣ សង្កាត់ចោមចៅទី២-ទី៣ សង្កាត់សំរោងក្រោម និងសង្កាត់ត្រពាំងក្រសាំង គឺត្រូវផ្អាកចរន្តភ្លើង នៅថ្ងៃទី២៨ តុលា។ នេះបើតាម EDC ចេញសេចក្តីជូនដំណឹង ៕
© រក្សាសិទ្ធិដោយ thmeythmey.com