ភ្នំពេញក្រោនរក្សាជំហរទាមទារសំណងអភិវឌ្ឍន៍ និងការដោះស្រាយតាមច្បាប់ FIFA

កីឡាជាតិ

ជាតិ

ភ្នំពេញក្រោនរក្សាជំហរទាមទារសំណងអភិវឌ្ឍន៍ និងការដោះស្រាយតាមច្បាប់ FIFA

20, Dec 2018 , 5:02 pm

រូបភាព

ដោយ: ថ្មីៗ

គ្មានអ្វីប្រែប្រួលនោះឡើយសម្រាប់ជំហររបស់ភ្នំពេញក្រោន បន្ទាប់ពីលោក ឬទ្ធី សំណាង ដែលជាប្រធានក្លិប បានជួបពិភាក្សាជាមួយថ្នាក់ដឹកនាំសហព័ន្ធកីឡាបាល់ទាត់កម្ពុជា (FFC) នារសៀលថ្ងៃទី២០ ខែធ្នូ ឆ្នាំ២០១៨នេះ។ តាមរយៈគេហទំព័រផ្លូវការរបស់ខ្លួន ភ្នំពេញក្រោនរក្សាជំហរដូចសេចក្តីថ្លែងការណ៍របស់ខ្លួនកាលពីថ្ងៃទី១៧ ខែធ្នូ។

អត្ថបទទាក់ទង

លោក កែវ សារ៉េត៖ សហព័ន្ធកំពុងដោះស្រាយករណីផ្ទេរកីឡាករដ៏ចម្រូងចម្រាស

ភ្នំពេញក្រោនព្រមានដកខ្លួន បើគ្មានដំណោះស្រាយលើបញ្ហាផ្ទេរកីឡាករដែលខ្លួនខំបណ្តុះបណ្តាល

កីឡាករភ្នំពេញក្រោន កក្កដា, សូដាវីដ, សុវណ្ណ, ចាន់សុភ័ក្ត, ឆៃយ៉ា ទៅរួមរស់ជាមួយវិសាខា

ភ្នំពេញក្រោន បានដាក់លក្ខខណ្ឌពីរចំណុច ក្នុងនោះ ទីមួយ គឺការទាមទារឱ្យមានការទូទាត់សំណងថ្លៃអភិវឌ្ឍន៍លើយុវជនទាំង៥ និងទីពីរ ដំណោះស្រាយគឺត្រូវឈរលើច្បាប់របស់ FIFA ដូចការលើកឡើងរបស់អគ្គលេខាធិការសហព័ន្ធ លោក កែវ សារ៉េត។

ភ្នំពេញក្រោនបានប្រកាសយ៉ាងម៉ឺងម៉ាត់ថា៖«ក្លិបនឹងមិនចេញលិខិតអនុញ្ញាតិសម្រាប់កីឡាករណាម្នាក់ដែលស្ថិតក្នុងគម្រោងនៃការបណ្តុះបណ្តាលថ្នាលរបស់ភ្នំពេញក្រោនទៅកាន់ក្លិបដទៃ ដោយគ្មានតម្លៃសំណងអភិវឌ្ឍន៍នោះឡើយ ហើយប្រសិនបើបញ្ហានេះមិនត្រូវបានដោះស្រាយដោយសមស្របទេ ក្លិបបាល់ទាត់ភ្នំពេញក្រោន នឹងបញ្ឈប់សកម្មភាពអភិវឌ្ឍបាល់ទាត់ថ្នាលទាំងអស់ ហើយនឹងប្រកាសដកខ្លួនចេញពីការប្រកួតលីគកំពូលកម្ពុជា ឬមិត្តហ្វូនខេមបូឌានលីគ»៕