ក្រសួងយុត្តិធម៌ ចែកសៀវភៅច្បាប់ជាង១ម៉ឺនក្បាល ដល់ពលរដ្ឋ

ជាតិ

ក្រសួងយុត្តិធម៌ ចែកសៀវភៅច្បាប់ជាង១ម៉ឺនក្បាល ដល់ពលរដ្ឋ

04, Jan 2019 , 7:59 am

រូបភាព

រូបពីក្រសួងព័ត៌មាន

ដោយ: ឡាយ សុភាវតី

ក្នុងឱកាសនៃការតាំងពិព័រណ៍ ក្នុងពិធីសម្ពោធវិមានឈ្នះឈ្នះ រយៈពេលបីថ្ងៃ ចាប់ពីថ្ងៃទី២៩ដល់ថ្ងៃទី៣១ធ្នូ ឆ្នាំ២០១៨ ក្រសួងយុត្តិធម៌ បានរៀបចំផ្ដល់សៀវភៅច្បាប់ជាង១ម៉ឺនក្បាល ដល់ប្រជាពលរដ្ឋ។ ក្រសួងព័ត៌មាន បានចុះផ្សាយថា ការចែកសៀវភៅនេះ គឺដើម្បីចូលរួមអបអរពិធីសម្ពោធវិមានឈ្នះឈ្នះ និងអបអរទិវាខួប២០ឆ្នាំ នៃការបញ្ចប់សង្គ្រាមស៊ីវិលទាំងស្រុងនៅកម្ពុជា។

បើតាមក្រសួងព័ត៌មាន មន្រី្តរាជការ និស្សិត ព្រះសង្ឃ និងប្រជាពលរដ្ឋទូទៅ បានចូលរួមទទួលសៀវភៅច្បាប់ទាំងនោះ។ ប្រភពដដែល អះអាងថា កន្លងមក ធ្លាប់មានតែការចែកសៀវភៅជូនមន្ត្រី អ្នកអនុវត្តច្បាប់ និងនិស្សិតមួយចំនួនប៉ុណ្ណោះ ដោយមិនធ្លាប់មានការចែកទ្រង់ទ្រាយធំបែបនេះឡើយ៕