ជនល្មើសគ្រឿងញៀន កើនជាង៦ពាន់នាក់ ក្នុងឆ្នាំ២០១៨

ជាតិ

សង្គមជាតិ

ជនល្មើសគ្រឿងញៀន កើនជាង៦ពាន់នាក់ ក្នុងឆ្នាំ២០១៨

03, Jan 2019 , 7:59 pm

រូបភាព

ដោយ: ឡាយ សុភាវតី

បទល្មើសគ្រឿងញៀន បានកើតឡើងជាង៨ពាន់ករណី និងមានមនុស្សជាង១,៦ម៉ឺននាក់ (ស្រីជាង១៣០០នាក់) ដែលត្រូវបានឃាត់ខ្លួន ក្នុងឆ្នាំ២០១៨។ នេះបើតាមរបាយការណ៍ប្រឆាំឆ្នាំ ពីអាជ្ញាធរជាតិប្រយុទ្ធប្រឆាំងគ្រឿងញៀន។

របាយការណ៍ បានបង្ហាញថា ក្នុងចំណោមអ្នកពាក់ព័ន្ធនឹងគ្រឿងញៀនទាំងនោះ មានជនបរទេសជាង៣០០នាក់ (ស្រី៤៨នាក់) ដោយមាន២៤សញ្ជាតិ។ ប្រភពដដែល បានឲ្យដឹងថា សារធាតុញៀន ដែលបានចាប់បានក្នុងឆ្នាំ២០១៨ មានជាង៥០០គីឡូក្រាម កញ្ឆាក្រៀម៧៤គីឡូក្រាម និងកញ្ឆាដើមជាង ១,៦សែនដើម។

បើតាមរបាយការណ៍កាលពីឆ្នាំ២០១៧ មានមនុស្សជាង១ម៉ឺននាក់ ដែលត្រូវបានឃាត់ខ្លួនពាក់ព័ន្ធគ្រឿងញៀន។ ដូច្នេះ អ្នកពាក់ព័ន្ធនឹងបទល្មើសគ្រឿងញៀន ដែលត្រូវបានចាប់ខ្លួន ក្នុងឆ្នាំ២០១៨ បានកើនឡើងជាង៦ពាន់នាក់៕