ជាតិ
នយោបាយជាតិ
សម្តេច ហ៊ុន សែន ទម្លាយថា «ខ្ញុំនិងលោក ប៉ុល សារឿន ធ្លាប់គេចាប់ខ្លួន កាលឆ្នាំ៩៣»
× សម្តេចនាយករដ្ឋមន្ត្រី ហ៊ុន សែន ទម្លាយអាថ៌កំបាំងថា សម្តេច និងលោក ប៉ុល សារឿន ធ្លាប់ត្រូវបានគេចាប់ឃុំក្នុងផ្ទះរបស់អ្នកដទៃ នៅថ្ងៃទី២ ខែមិថុនា ឆ្នាំ១៩៩៣។ សម្តេច ហ៊ុន សែន បន្តថា អ្នកចាប់ខ្លួនសម្តេចនាពេលនោះ គឺដើម្បីប្រឆាំងនឹងលទ្ធផលបោះឆ្នោត ហើយចង់ឲ្យសម្តេច លាលែងពីតំណែងនាយករដ្ឋមន្ត្រី។
សម្តេច ហ៊ុន សែន ប្រាប់សាធារណជនយ៉ាងដូច្នេះថា៖«ដើម្បីកុំឲ្យមានការបង្ហូរឈាម ខ្ញុំប្រាប់ថា ខ្ញុំសុខចិត្តលាលែងពីតំណែងជានាយករដ្ឋមន្ត្រី នៅល្ងាចនេះតែម្តង (រម្លឹកសម្តីកាលពីថ្ងៃទី២ខែមិថុនា ឆ្នាំ១៩៩៣)។ តែពេលនោះ សម្តេច ទៀ បាញ់ និង ឯកឧត្តម កែ គឹមយ៉ាន បានប្រតិកម្មខ្លាំងណាស់ ហើយខ្ញុំក៏សូមអរគុណសម្តេច ទៀ បាញ់ និង ឯកឧត្តម កែ គឹមយ៉ាន ដែលបានជួយជីវិតខ្ញុំ នាពេលនោះ»។
សម្តេច ហ៊ុន សែន អះអាងថា រឿងអាថ៌កំបាំងនេះ គ្មានអ្នកណា ធ្លាប់បានដឹងឡើយ ក្រៅតែពីមនុស្ស៤នាក់ ដែលរួមមាន សម្តេចខ្លួនឯង សម្តេច ទៀ បាញ់ លោក កែ គឹមយ៉ាន និង លោក ប៉ុល សារឿន។ ការថ្លែងរបស់នាយករដ្ឋមន្ត្រី គឺធ្វើឡើងក្នុងពិធីរម្លឹកខួប២០ឆ្នាំ នៃការបង្កើតបញ្ជាការដ្ឋានកងទ័ពជើងគោក នៅថ្ងៃទី២៤ ខែមករា ឆ្នាំ២០១៩នេះ៕
© រក្សាសិទ្ធិដោយ thmeythmey.com