នាយករដ្ឋមន្ត្រី ប្រកាសខ្លាំងៗ ឲ្យទ័ពកម្ចាត់ក្រុមណាដែលចង់ផ្តួលរំលំរដ្ឋអំណាច

ជាតិ

នយោបាយជាតិ

នាយករដ្ឋមន្ត្រី ប្រកាសខ្លាំងៗ ឲ្យទ័ពកម្ចាត់ក្រុមណាដែលចង់ផ្តួលរំលំរដ្ឋអំណាច

24, Jan 2019 , 10:08 am

រូបភាព

ដោយ: ថ្មីៗ

សម្តេច ហ៊ុន សែន នាយករដ្ឋមន្ត្រី និងមានឋានៈជានាយឧត្តមសេនីយ៍ផ្កាយ៥ផុតលេខ បានដាក់បញ្ជាទៅកាន់កងប្រដាប់អាវុធ ឲ្យកម្ចាត់ជាបន្ទាន់នូវរាល់ទង្វើណា ដែលចង់ផ្តួលរំលំរដ្ឋាភិបាល ឬក៏ដណ្តើមអំណាច ក្រៅប្រព័ន្ធបោះឆ្នោត និងផ្ទុយពីរដ្ឋធម្មនុញ្ញ។

មេដឹកនាំរូបនេះ ប្រាប់ទៅកងប្រដាប់អាវុធខ្លាំងៗយ៉ាងដូច្នេះថា៖«ត្រូវចេញធ្វើសកម្មភាពបង្ក្រាបឲ្យទាន់ពេល...។ ស្លាប់៤-៥នាក់ ប្រសើរជាងស្លាប់ប្រជាជនរាប់ម៉ឺននាក់។ ខ្ញុំមិនខ្លាចនឹងបញ្ជាទេ»។

សំឡេងនាយករដ្ឋមន្រ្តី៖

ប្រមុខរដ្ឋាភិបាល សង្កត់ធ្ងន់ថា សារនេះ មិនមែនជាការគំរាមកំហែងទេ តែដើម្បីពង្រឹងសមត្ថភាពកងទ័ព។ នាយករដ្ឋមន្ត្រី ក៏ដាស់តឿនកងកម្លាំងប្រដាប់អាវុធផងដែរ ឲ្យទប់ស្តាត់ឲ្យបាន កុំឲ្យមានអំពើភេរវកម្មណាមួយកើតឡើង។

ការថ្លែងរបស់នាយករដ្ឋមន្ត្រី គឺធ្វើឡើងក្នុងពិធីរម្លឹកខួប២០ឆ្នាំនៃការបង្កើតបញ្ជាការដ្ឋានកងទ័ពជើងគោក នៅថ្ងៃទី២៤ ខែមករា ឆ្នាំ២០១៩នេះ៕