ជាតិ
សេដ្ឋកិច្ច
SME ក្នុងវិស័យអាទិភាពដែលចង់បានលើកទឹកចិត្តផ្នែកពន្ធ ត្រូវដាក់ពាក្យមកអគ្គនាយកដ្ឋានពន្ធដារ
×![]()
ភ្នំពេញ៖ សហគ្រាសខ្នាតតូច និងមធ្យម (SME) ក្នុងវិស័យអាទិភាព ត្រូវដាក់ពាក្យស្នើសុំទៅអគ្គនាយកដ្ឋានពន្ធដារ ដើម្បីឲ្យអគ្គនាយកដ្ឋានងាយស្រួលអនុវត្តផ្ដល់ការលើកទឹកចិត្តផ្នែកពន្ធ។ នេះបើតាមសេចក្ដីណែនាំរបស់អគ្គនាយកដ្ឋានពន្ធដារ ចុះថ្ងៃទី២១ខែធ្នូឆ្នាំ២០១៨ និងត្រូវបានផ្សព្វផ្សាយនៅលើទំព័រហ្វេសប៊ុកក្នុងពេលថ្មីៗនេះ។
ចំពោះសហគ្រាសដែលដាក់ពាក្យស្នើសុំលើកលែងពន្ធលើប្រាក់ចំណូល ប្រាក់រំដោះពន្ធលើប្រាក់ចំណូល និងពន្ធអប្បបរមា ត្រូវភ្ជាប់មកជាមួយឯកសារដូចជាលក្ខន្តិកៈសហគ្រាស លិខិតអនុញ្ញាតប្រកបអាជីវកម្ម កិច្ចសន្យាទិញទំនិញ កិច្ចសន្យាជួល ជាដើម។ មួយទៀត គឺការស្នើសុំការលើកទឹកចិត្តសម្រាប់ចំណាយដែលអាចកាត់កងបាន ក៏ត្រូវដាក់ឯកសារប្រហាក់ប្រហែលការស្នើសុំខាងលើនេះដែរ។
ការលើកទឹកចិត្តពន្ធដារនេះ នឹងផ្ដល់ឲ្យសហគ្រាសក្នុងវិស័យអាទិភាព។ វិស័យអាទិភាពត្រូវបានកំណត់ទៅលើផលិតកម្មកសិកម្ម ឬកសិ-ឧស្សាហកម្ម ផលិតផល និងកែច្នៃម្អូបអាហារ កម្មន្តសាលផលិតទំនិញប្រើប្រាស់ក្នុងស្រុក កែច្នៃកាកសំណល់ និងផលិតទំនិញសម្រាប់វិស័យទេសចរណ៍ កម្មន្តសាលដែលផលិតនូវផលិតផលសម្រេច ឬគ្រឿងបង្គុំសម្រាប់ផ្គត់ផ្គង់កម្មន្តសាលដទៃទៀត ស្រាវជ្រាវ និងអភិវឌ្ឍន៍បច្ចេកវិទ្យាព័ត៌មាន សហគ្រាសដែលស្ថិតក្នុងតំបន់ប្រមូលផ្ដុំសហគ្រាស។ នេះបើយោងតាមអនុក្រឹត្យស្ដីពីការលើកទឹកចិត្តផ្នែកពន្ធដារសម្រាប់សហគ្រាសធុនតូច និងមធ្យម ក្នុងវិស័យអាទិភាព នៅខែតុលាឆ្នាំ២០១៨ ៕
Tag:
ពន្ធ
SME
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
