សម្តេច ហ៊ុន សែន ប្រាប់ឲ្យថ្នាក់ដឹកនាំ យកចិត្តទុកដាក់លើអតីតយុទ្ធជន

ជាតិ

សង្គមជាតិ

សម្តេច ហ៊ុន សែន ប្រាប់ឲ្យថ្នាក់ដឹកនាំ យកចិត្តទុកដាក់លើអតីតយុទ្ធជន

25, Jan 2019 , 8:39 am

រូបភាព

រូបពីក្រសួងមហាផ្ទៃ

ដោយ: ថ្មីៗ

សម្តេច ហ៊ុន សែន នាយករដ្ឋមន្ត្រីកម្ពុជា និងជានាយឧត្តមសេនីយ៍ផ្តាយ៥ផុតលេខ បានជំរុញឲ្យថ្នាក់ដឹកនាំកងទ័ព យកចិត្តទុកលើជីវភាពកងទ័ព ដូចជាជម្រកស្នាក់នៅ ចំណីអាហារ សម្ភារៈ និងត្រូវផ្គត់ផ្គង់សព្វបែបយ៉ាងសម្រាប់កងទ័ព ជាពិសេស ត្រូវបង្កើនការសាងសង់ផ្ទះដល់កងទ័ព ដែលកំពុងឈរជើងតាមព្រំដែន ផ្តល់សេវាថែទាំសុខភាព រួមទាំងបង្កើនការយកចិត្តទុកដាក់ចំពោះអតីតយុទ្ធជនផងដែរ។

សម្តេច ហ៊ុន សែន លើកអនុសាសន៍នេះ នៅក្នុងពិធីរម្លឹកខួប២០ឆ្នាំ នៃការបង្កើតបញ្ជាការដ្ឋានកងទ័ពជើងគោក នៅថ្ងៃទី២៤ ខែមករា ឆ្នាំ២០១៩នេះ។

ឆ្លៀតក្នុងការឱកាសនោះ ប្រមុខរដ្ឋាភិបាល ក៏ប្រាប់ឲ្យកងទ័ពទាំងអស់ ចូលរួមជាមួយប្រជាពលរដ្ឋ ដែលជួបការលំបាក និងខ្វះខាត ហើយមិនត្រូវធ្វើទង្វើអាក្រក់អ្វីមួយ លើប្រជាពលរដ្ឋឡើយ។