សម្តេច ហ៊ុន សែន លុបចោលអង្គភាព «កាំសាប» ដែលបង្កើតតាំងពីឆ្នាំ១៩៧៩

ជាតិ

សម្តេច ហ៊ុន សែន លុបចោលអង្គភាព «កាំសាប» ដែលបង្កើតតាំងពីឆ្នាំ១៩៧៩

25, Jan 2019 , 9:31 am

រូបភាព

ដោយ: ថ្មីៗ

សម្តេច នាយករដ្ឋមន្ត្រីហ៊ុន សែន នៅព្រឹកថ្ងៃសុក្រ ទី២៥ ខែមករា នេះ បានប្រកាសលុបចោល ភ្នាក់ងារកម្ពុជានាវាចរ «កាំសាប» (KAMSAP) ដោយសម្តេចអះអាងថា អង្គភាពមួយនេះ មិនមានភាពចាំបាច់ទៀតឡើយ ទាក់ទងនឹងការងារពាណិជ្ជកម្មតាមនាវា ជាពិសេសនៅសម័យបច្ចេកវិទ្យា។

កាំសាប (KAMSAP: Kampuchea Shipping Agency and Brokers) ជាអង្គភាពស្វ័យតរបស់រដ្ឋដែលត្រូវបានបង្កើតឡើងតាំងពីឆ្នាំ១៩៧៩ ដើម្បីសម្រួលដល់ពាណិជ្ជកម្មតាមនាវា។ បើតាមការលើកឡើងរបស់សម្តេច ហ៊ុន សែន ក្នុងតំបន់អាស៊ាន អង្គភាពបែបនេះ នៅសល់តែកម្ពុជា និងមីយ៉ាន់ម៉ា ប៉ុណ្ណោះ។

អង្គភាពនេះ មានការិយាល័យកណ្តាលនៅរាជធានីភ្នំពេញ ហើយមានសាខានៅខេត្តព្រះសីហនុ ស្រែអំបិល ខេត្តកោះកុង និងផែឧកញ៉ាម៉ុង។

សម្រាប់មន្ត្រីរាជការទាំងអស់នៅក្នុងអង្គភាពនេះ ត្រូវបម្រើការងារក្នុងក្របខណ្ឌក្រសួងសាធារណការ និងដឹកជញ្ជូន៕