ជាតិ
លោក ប្រាក់ សុខុន, លោក ឱម យ៉ិនទៀង និងលោក ខៀវ កាញារីទ្ធ ចូលរួមពិធីរំឭកខួប៤០ឆ្នាំនៃកាសែតកម្ពុជា
រូបថតដោយ លោក ខឹម សុវណ្ណារ៉ា
×![]()
ដោយ: ថ្មីៗ
មន្ត្រីជាន់ខ្ពស់រដ្ឋាភិបាលបច្ចុប្បន្ន ដែលជាអតីតអ្នកកាសែតដំបូងក្រោយរបប ប៉ុល ពត បានជួបជុំគ្នានជាមួយអតីតសហការីសារព័ត៌មានក្នុងទស្សវត្សរ៍១៩៨០ នៅថ្ងៃទី២៥ខែមករាឆ្នាំ២០១៩នេះ ក្នុងឱកាសនៃពិធីរំឭកខួប៤០ឆ្នាំនៃការបង្កើតកាសែត «កម្ពុជា»។ កាសែត «កម្ពុជា» គឺជាកាសែតដំបូងគេក្រោយការថ្ងៃដួលរលំនៃរបបខ្មែរក្រហម ដែលបានចេញផ្សាយនៅថ្ងៃទី២៥ខែ មករាឆ្នាំ១៩៧៩។
ក្រៅពីសហការីនៃកាសែត«កម្ពុជា» សហសេវិកនៃកាសែតផ្សេងទៀតក្នុងទស្សវត្សរ៍១៩៨០នោះ ក៏ត្រូវបានអញ្ជើញឲ្យចូលរួមក្នុងពិធីនោះផងដែរ រួមមាន៖ លោកឧបនាយករដ្ឋមន្ត្រី ប្រាក់ សុខុន គឺជាអតីតប្រធានកាសែតកងទ័ព និងលោកទេសរដ្ឋមន្ត្រី ឱម យ៉ិនទៀង គឺជាអតីតអគ្គនាយករងនៃកាសែតប្រជាជនកម្ពុជា។ លោក ខៀវ កាញារីទ្ធ ដែលជារដ្ឋមន្ត្រីក្រសួងព័ត៌មាន គឺជាអតីតអគ្គនិពន្ធនាយកនៃកាសែត កម្ពុជា។
រូបថតដោយ លោក ខឹម សុវណ្ណារ៉ា
© រក្សាសិទ្ធិដោយ thmeythmey.com
