អត្ថបទពាណិជ្ជកម្ម
សិស្សនិស្សិតជាង ៨០០នាក់ បានចូលរួមកម្មវិធីពិព័រណ៍ការសិក្សា និង អាហារូបករណ៍នៅអូស្ត្រាលី
×![]()
ដោយ: ថ្មីៗ
កម្មវិធីពិរព័ណ៍ការសិក្សា និងអាហារូបករណ៍នៅអូស្ត្រាលី ដែលរៀបចំឡើងដោយស្ថាប័នអប់រំ IDP កម្ពុជា បាននាំមកនូវស្ថាប័នអប់រំ ចំនួន ៣៩ ទូទាំងប្រទេសអូស្ត្រាលី។ កម្មវិធីនេះបានប្រព្រឹត្តឡើងនៅថ្ងៃទី ០៧ ខែមីនា ឆ្នាំ ២០១៩ នៅសណ្ឋាគារ The Great Duke ភ្នំពេញ (អតីតសណ្ឋាគារអាំងទែកុងទីណង់តាល់) ដើម្បីផ្តល់ការប្រឹក្សាផ្ទាល់ និងបង្ហាញនៅជម្រើសសិក្សានានានៅប្រទេសអូស្ត្រាលីទៅកាន់ សិស្សានុសិស្ស និងមាតាបិតា។
IDP Education គឺជាស្ថាប័នធំជាងគេបង្អស់លើពិភពលោកដែលបានដើរតួនាទីក្នុងការបញ្ជូនសិស្ស និស្សិត ទៅសិក្សានៅប្រទេសអូស្ត្រាលី អង់គ្លេស ណូវែលហ្សេឡង់ កាណាដា អាមេរិច និងអៀរឡង់ជាមួយនឹងការិយាល័យជាង ១០០ នៅច្រើនជាង ៣២ប្រទេសជុំវិញពិភពលោក។
«ជាច្រើនទសវត្សមកហើយ ដែលប្រទេសអូស្ត្រាលី ជាទិសដៅសិក្សាមួយដែលមានប្រជាប្រិយភាពសម្រាប់សិស្ស និស្សិត និងអាណាព្យាបាលកម្ពុជា សម្រាប់អោយពួកគេជ្រើសរើសទៅបំពេញក្តីស្រមៃការសិក្សា និង ត្រួសត្រាយផ្លូវឆ្ពោះទៅរក អាជីពដែលពួកគេប្រាថ្នា នៅពេលពួកគេត្រឡប់មកប្រទេសកម្ពុជាវិញ។ ប្រទេសអូស្ត្រាលីផ្តល់អោយសិស្ស និស្សិតនៅការអប់រំប្រកបដោយស្តង់ដាពិភពលោកគ្រប់កម្រិត និងត្រូវបានគេទទួលស្គាល់ជាអន្តរជាតិ»។ នេះជាប្រសាសន៍លោក ម៉ៅ ស្រេង នាយកស្ថាប័នអប់រំ IDP ប្រចាំប្រទេសកម្ពុជា។
កម្មវិធីពិព័រណ៍ពីការសិក្សា និងអាហារូបករណ៍ នៅអូស្ត្រាលី គឺជាវេទិកាការសិក្សាដ៏ធំមួយប្រចាំឆ្នាំនៅប្រទេសកម្ពុជា ដែលមានការចូលរួមពីស្ថាប័នអប់រំអូស្ត្រាលីចំនួន ៣៩ និងមានសិស្សិ និស្សិត និងអាណាព្យាបាលច្រើនជាង ៨០០នាក់ បានមកជួបពិភាក្សាផ្ទាល់ជាមួយស្ថាប័នអប់រំអូស្ត្រាលី ដើម្បីស្វែងយល់ព័ត៌មានអំពីជម្រើសសិក្សាគ្រប់កម្រិតចាប់ពីថ្នាក់វិទ្យាល័យ ថា្នក់អប់រំវិជ្ជាជីវៈវគ្គខ្លី និងកម្មវិធីសិក្សាថ្នាក់សាកលវិទ្យាល័យ ក៏ដូចជាព័ត៌មានអំពីអាហារូបករណ៍ដែលពាក់ព័ន្ធ និងតម្រូវការទិដ្ឋាការផ្សេងៗ។ ការផ្តល់ប្រឹក្សាទៅសិក្សានៅបរទេសរបស់ស្ថាប័ន IDP គឺមិនតម្រូវអោយបង់ប្រាក់ទេ។
«ខ្ញុំបាទមានកិត្តិយសសូមធ្វើការថ្លែងអំណរគុណដល់ស្ថាប័ន IDP ក្នុងការរៀបចំកម្មវិធីបែបនេះឡើង។កម្មវិធីបែបនេះ នៅតែបន្តជាឱកាសល្អប្រសើរសម្រាប់សិស្ស និស្សិតកម្ពុជា និងអាណាព្យាបាល ក្នងការជួបជាមួយនឹងតំណាងស្ថាប័នជាច្រើន។ ខ្ញុំក៏សូមអរគុណដល់អ្នកតំណាងស្ថាប័នអប់រំដែលមានវត្តមាននៅទីនេះ ពីព្រោះកម្មវិធីនេះនឹងមិនអាចប្រព្រឹត្តទៅបាន ប្រសិនបើគ្មានការបន្តគាំទ្រ និងចូលរួមរបស់អ្នកតំណាងស្ថាប័នអប់រំ»។ ប្រសាសន៍របស់លោក Luke Arnold, ឯកអគ្គរដ្ឋទូតរងអូស្ត្រាលីប្រចាំនៅកម្ពុជានៅក្នុងកម្មវិធីបើកដំណើរការនៃកម្មវិធីពិព័រណ៍ពីការសិក្សា និងអាហារូបករណ៍ នៅអូស្ត្រាលី។
ដោយឡែក មជ្ឈមណ្ឌលអូស្រា្តលីសម្រាប់ការបណ្តុះបណ្តាល (ACE) ក៏មានវត្តមានក្នុងកម្មវិធីនេះដែរ និងបានផ្តល់នូវព័ត៌មានទាក់ទងនឹងការសិក្សាភាសាអង់គ្លេស ដើម្បីត្រៀមខ្លួនបំពេញលក្ខខណ្ឌ របស់ស្ថាប័នអប់រំអូស្ត្រាលី។ មន្ត្រីមណ្ឌលប្រលង IELTS ប្រចាំប្រទេសកម្ពុជា ក៏បានចូលរួម ផ្តល់ប្រឹក្សាពី ការចុះឈ្មោះប្រលង និងប្រព័ន្ធតេស្ត IELTS CDI ថ្មី។
ជាមួយនឹងប្រព័ន្ធថ្មីនេះ សាធារណជនអាចធ្វើការជ្រើសរើសធ្វើតេស្ត IELTS តាមប្រព័ន្ធកុំព្យូទ័រ។ប្រព័ន្ធតេស្ត IELTS CDI នេះ ត្រូវបានគេរំពឺងទុកថានឹងក្លាយជាជម្រើសតេស្តងាយស្រួលដែល ធ្វើអោយតម្រូវការតេស្ត IELTS កើនឡើងជុំវិញពិភពលោក ក៏ដូចជាធ្វើអោយបេក្ខជនប្រលង មានសមត្ថភាពប្រើប្រាស់បចេ្ចកវិទ្យាដែលកំពុងរីកចម្រើន។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
16 ម៉ោង
