អន្តរជាតិ
×![]()
ដោយ: VOA
មានមនុស្សចំនួនជាង១៥០នាក់បានស្លាប់ និងរាប់រយនាក់ត្រូវបាត់ខ្លួនបន្ទាប់ពីខ្យល់ព្យុះ Idai បានវាយបោកបក់កាត់តំបន់អាគ្នេយ៍ប្រទេសអាហ្វ្រិក ហើយទីក្រុងបេរ៉ា ប្រទេស ម៉ូសំប៊ិកត្រូវវាយប្រហារធ្ងន់ធ្ងរជាងគេបំផុត។
ក្រុមបុគ្គលិកសង្គ្រោះបន្ទាន់របស់អង្គការកាកបាទក្រហម និងអឌ្ឍចន្ទក្រហមអន្ដរសហព័ន្ធ (IFRC) បានធ្វើដំណើរទៅដល់ទីក្រុងដែលមានមហន្តរាយនោះហើយ កាលពីថ្ងៃអាទិត្យដើម្បីវាយតម្លៃស្ថានការណ៍។ នេះបើតាមសេចក្តីថ្លែងការណ៍របស់អង្គការនេះកាលពីថ្ងៃចន្ទ។
អ្នកដឹកនាំក្រុមរបស់អង្កការ IFRC លោក Jamie LeSueur បានថ្លែងថាបន្ទាប់ពីបានធ្វើការវាយតម្លៃពីលើយន្តហោះ បានបង្ហាញថាតំបន់នៃទីក្រុងបេរ៉ាប្រមាណ៩០ភាគរយត្រូវបំផ្លាញខ្ទេចខ្ទី។ ស្ថានការណ៍នេះអាក្រក់ណាស់ ទំហំនៃការខូចខាតមានធំធេងណាស់។
អង្គការសហប្រជាជាតិបានប៉ាន់ប្រមាណថាពលរដ្ឋជាង១លាន៥សែន នាក់នៅក្នុងប្រទេស ម៉ូសំប៊ិក ម៉ាឡាវី ស៊ីមបាវ៉េ រងគ្រោះដោយខ្យល់ព្យុះនេះ។ ពលរដ្ឋរាប់ម៉ឺននាក់ត្រូវរងគ្រោះដោយសារមានកាត់ផ្តាច់ផ្លូវថ្នល់ បណ្តាញទូរសព្ទ ជាពិសេសនៅតំបន់ក្រីក្រនិងជនបទ។ ខ្យល់ព្យុះនេះបានបង្កឲ្យមានការបាក់ដីកាលពីថ្ងៃព្រហស្បតិ៍នៅជិតទីក្រុងបេរ៉ាជាប់មាត់សមុទ្រ នៃប្រទេស ម៉ូសំប៊ិក ដែលបានរងការវាយបោកបក់ដោយខ្យល់ព្យុះដែលមានល្បឿនជិត ២០០គីឡូម៉ែត្រក្នុង១ម៉ោង។ ខ្យល់ព្យុះនេះក្រោយមកបានបក់បោកឆ្ពោះទៅកាន់ប្រទេសម៉ាឡាវី និងស៊ីមបាវ៉េ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
16 ម៉ោង
