អត្ថបទពាណិជ្ជកម្ម
Vietjet ផ្តល់សំបុត្រតម្លៃចាប់ពី ០ដុល្លារចំនួន១,១លានសន្លឹក ដើម្បីអបអរការដំណើការផ្លូវហោះហើរថ្មីចំនួន៥ខ្សែ ពីទីក្រុង Can Tho
×![]()
ដោយ: ថ្មីៗ
ភ្នំពេញ ថ្ងៃទី២ ខែមេសា ឆ្នាំ២០១៩៖ក្រុមហុនអាកាសចរណ៍ Vietjet (វៀតជេត) បានបើកលក់សំបុត្រ សម្រាប់ផ្លូវហោះហើរក្នុងស្រុកថ្មីចំនួន២ខ្សែរបស់ខ្លួន ពីអាកាសយានដ្ឋាន Can Tho ស្ថិតក្នុងតំបន់ប្រសព្វទន្លេមេគង្គ (Mekong Delta)។ ផ្លូវហោះហើរថ្មីនេះ នឹងត្រូវចូលរួមជាមួយផ្លូវហើរចំនួន៣ខ្សែទៀត ពីទីក្រុង Can Tho ដែលបានប្រកាសដំណើរការ កាលពីខែមីនាកន្លងទៅ។ ដើម្បីអបអរផ្លូវហោះហើរថ្មីនេះ សំបុត្របែបសន្សំសំចៃ ចំនួន១,១លានសន្លឹក សម្រាប់រាល់ផ្លូវហោះហើរក្នុងស្រុក ទូទាំងប្រទេសវៀតណាម ដែលមានតម្លៃចាប់ពី ០ (សូន្យ) ដុល្លារអាមេរិក នឹងត្រូវដាក់លក់ ចាប់ពីថ្ងៃទី៣ ដល់ទី៥ ខែមេសា ឆ្នាំ២០១៩។ សំបុត្រក្នុងប្រូមូសិននេះ អាចរកជាវបានតាមរយៈគេហទំព័រ www.vietjetair.com។
ចាប់ពីថ្ងៃទី២៦ ខែមេសានេះ ការហោះហើររបស់ក្រុមហ៊ុន Vietjet នឹងភ្ជាប់ទីក្រុង Can Tho ទៅកាន់ទីក្រុង Nha Trang, Da Lat, Hai Phong, Vinh និង Thanh Hoa ដែលជាខ្សែហោះហើរច្រើនជាងក្រុមហ៊ុនអាកាសចរណ៍ណាៗទាំងអស់ ទាំងចេញពីវៀតណាម និងទៅកាន់ទីក្រុង Can Tho។
ជាមួយនឹងការមានបណ្តាញមួយ ដែលមានផ្លូវហោះហើរក្នុងស្រុកចំនួន៣៩ និងអន្តរជាតិចំនួន៦៩ ក្រុមហ៊ុន Vietjet ប្រតិបត្តិការហោះហើរប្រកបដោយសុវត្ថិភាព ជាមួយនឹងអត្រានៃភាពដែលអាចជឿជាក់បាន លើបច្ចេកទេសចំនួន ៩៩,៦៤% ដែលជាអត្រាខ្ពស់ជាងគេបំផុត ក្នុងតំបន់អាស៊ីប៉ាស៊ីហ្វិក។ ក្នុងនាមជាសមាជិកពេញសិទ្ធិ របស់សមាគមដឹកជញ្ជូនផ្លូវអាកាសអន្តរជាតិ (IATA) ក្រុមហ៊ុន Vietjet បានទទួលវិញ្ញាបនបត្រសវនកម្មសុវត្ថិភាព នៃប្រតិបត្តិការ (IOSA) ពីសមាគមដដែលនេះ និងទទួលបានចំណាត់ថ្នាក់ពិន្ទុផ្កាយ៧ ដែលជាចំណាត់ថ្នាក់ខ្ពស់ជាងគេបំផុត ពីគេហទំព័រអង្កេតលើផលិតផល និងសុវត្ថិភាពរបស់ពិភពលោក AirlineRatings.com។
បញ្ជាក់៖ មិនរាប់បញ្ចូលពន្ធ និងតម្លៃផ្សេងៗមិនរាប់បញ្ចូលថ្ងៃសម្រាកវិស្សមកាលរបស់វៀតណាម។ សំបុត្រអាចរកជាវបាន នៅចន្លោះម៉ោង១២ថ្ងៃត្រង់ និងម៉ោង២រសៀល ហើយពេលវេលានៃការធ្វើដំណើរ គឺចាប់ពីថ្ងៃទី៤ ខែមិថុនា ដល់ថ្ងៃទី៣១ធ្នូ ឆ្នាំ២០១៩។
អំពីក្រុមហ៊ុន Vietjet:
វៀតជេត គឺជាក្រុមហ៊ុនអាកាសចរណ៍ដំបូងគេរបស់វៀតណាម ដែលប្រតិបត្តិក្នុងនាមជាក្រុមហ៊ុនអាកាសចរណ៍ជំនាន់ថ្មីមួយ ដែលផ្តល់ជូនតម្លៃសំបុត្របែបសន្សំសំចៃតាមតម្រូវការ និងសេវាកម្មយ៉ាងទូលំទូលាយ ដើម្បីឆ្លើយតបនឹងតម្រូវការអតិថិជន។ ក្រុមហ៊ុននេះ មិនត្រឹមតែ ផ្តល់ឲ្យនូវសេវាកម្មដឹកជញ្ជូនប៉ុណ្ណោះទេ ប៉ុន្តែក៏ប្រើប្រាស់បច្ចេកវិទ្យាពាណិជ្ជកម្មអេឡិចត្រូនិក (e-commerce)ធំជាងគេបំផុត ដើម្បីផ្តល់ជូននូវសេវាកម្មជាច្រើន និងផលិតផលផ្សេងៗជាច្រើនសម្រាប់អតិថិជន។ Vietjet គឺជាសមាជិកសមាគមដឹកជញ្ជូនផ្លូវអាកាសអន្តរជាតិ (IATA) និងបានទទួលវិញ្ញាបនបត្រសវនកម្មសុវត្ថិភាពប្រតិបត្តិការ (IOSA) ពីសមាគមដដែលនេះ។ Vietjet ក៏បានជាប់ឈ្មោះជា ក្រុមហ៊ុនអាកាសចរណ៍ដែលយកកម្រៃសេវាទាបដ៏ល្អបំផុតនៅអាស៊ី ឆ្នាំ២០១៨ (Best Ultra Low-Cost Airline 2018) និងទទួលបានចំណាត់ថ្នាក់ខ្ពស់ជាងគេបំផុត សម្រាប់សុវត្ថិភាពជាមួយនឹងពិន្ទុផ្កាយ៧ ក្នុងឆ្នាំ២០១៨ ពីគេហទំព័រអង្កេតលើផលិតផល និងសុវត្ថិភាពរបស់ពិភពលោក AirlineRatings.com។ ក្រុមហ៊ុនអាកាសចរណ៍នេះ ក៏ត្រូវបានបញ្ចូលឈ្មោះ ក្នុងបញ្ជីក្រុមហ៊ុនអាកាសចរណ៍ដ៏ល្អបំផុតផ្តាច់គេទាំង៥០ របស់ពិភពលោក សម្រាប់ការប្រើហិរញ្ញវត្ថុដ៏មានផាសុកភាព និងប្រតិបត្តិការផ្សេងៗ ដោយអង្គភាពវិភាគលើក្រុមហ៊ុនអាកាសចរណ៍ Airfinance Journal ក្នុងឆ្នាំ២០១៨។
បច្ចុប្បន្ន ក្រុមហ៊ុនអាកាសចរណ៍ Vietjet ប្រតិបត្តិការហោះហើរប្រចាំថ្ងៃច្រើនជាង៤០០លើក ដោយដឹកអ្នកដំណើរច្រើនជាង៦៥លាននាក់ មកទល់ពេលនេះ ជាមួយនឹងផ្លូវហោះហើរចំនួន១០៦ ដែលគ្របដណ្តប់ក្នុងគោលដៅជាច្រើនទូទាំងវៀតណាម និងគោលដៅអន្តរជាតិនានា ដូចជាជប៉ុន ហុងកុង សិង្ហបុរី កូរ៉េខាងត្បូង តៃវ៉ាន់ ប្រទេសចិន ថៃ មីយ៉ាន់ម៉ា ម៉ាឡេស៊ី និងកម្ពុជា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
