សម្តេច ហ៊ុន សែន ក្លាយជាសាស្ត្រាចារ្យកិត្តិយសផ្នែកទំនាក់ទំនងអន្តរជាតិរបស់សាកលវិទ្យាល័យប៉េកាំង

ជាតិ

សម្តេច ហ៊ុន សែន ក្លាយជាសាស្ត្រាចារ្យកិត្តិយសផ្នែកទំនាក់ទំនងអន្តរជាតិរបស់សាកលវិទ្យាល័យប៉េកាំង

26, Apr 2019 , 6:29 am

រូបភាព

ដោយ: ថ្មីៗ

សម្តេចនាយករដ្ឋមន្ត្រី ហ៊ុន សែន កាលពីរសៀល ថ្ងៃទី២៥ ខែមេសា ឆ្នាំ២០១៩ បានទទួលគោរមងារសាស្ត្រាចារ្យកិត្តិយសផ្នែកទំនាក់ទំនងអន្តរជាតិ ពីសាកលវិទ្យាល័យប៉េកាំង ដែលជាសាកលវិទ្យាល័យដ៏ធំនិ ងចំណាស់ជាងគេនៅទីក្រុងប៉េកាំង ប្រទេសចិន។

ថ្នាក់ដឹកនាំក្រសួងអប់រំ និងក្រុមប្រឹក្សាភិបាល នៃ សាកលវិទ្យាល័យប៉េកាំង បានកោតសរសើរចំពោះ សកម្មភាពដឹកនាំរបស់សម្តេច ហ៊ុន សែន។ ការផ្តល់គោរមងារកិត្តិយសផ្នែកទំនាក់ទំនងអន្តរជាតិ តាមរយៈលិខិតបញ្ជាក់ផ្លូវការរបស់សាកលវិទ្យាល័យ និងសញ្ញាសំគាល់របស់សាកលវិទ្យាល័យ មានន័យថា សម្តេច ហ៊ុន សែន គឺជាសាស្ត្រាចារ្យកិត្តិយសផ្លូវការ របស់សាកលវិទ្យាល័យប៉េកាំង។

ផ្នែកមួយនៃការជូនគោរមងារនេះដែរ ក៏បានវាយតម្លៃខ្ពស់ផងដែរ ចំពោះសកម្មភាពរបស់ប្រមុខរដ្ឋាភិបាល ដែលបានគាំទ្រដល់គោលនយោបាយរបស់ប្រទេសចិន ដែលទាក់ទិនទៅនិង ខ្សែ ក្រវ៉ាត់ និងផ្លូវ ដែលជាគំនិតផ្តួចផ្តើមរបស់ឯកឧត្តម ស៊ី ជីនពីង ប្រធានាធិបតី នៃសាធារណរដ្ឋប្រជាមានិតចិន ដែលរហូតមកដល់ពេលបច្ចុប្បន្ននេះ មានប្រទេសជាច្រើនលើសកលលោក បានចូលរួមគាំទ្រចំពោះគំនិតផ្តួចផ្តើមដ៏មានសារសំខាន់នោះ។