អន្តរជាតិ
តើក្នុងមួយឆ្នាំៗ មនុស្សអាចជ្រុះស្បែកអស់ប៉ុន្មានគីឡូក្រាម?
× ស្បែករបស់មនុស្សជាសារីរាង្គមួយដែលមានផ្ទៃក្រឡាធំជាងគេ បើប្រៀបធៀបជាមួយសរីរាង្គដទៃទៀតដែលមានទីតាំងនៅខាងក្រៅខ្លួន។ ស្បែករបស់មនុស្សដុះ និងងាប់ទៅវិញជារៀងរាល់វិនាទី។ ស្បែកស្រទាប់ក្រៅទាំងនោះនឹងត្រូវជំនួសមកវិញជាមួយនឹងស្បែកថ្មីដែលដុះមកពីខាងក្នុង។
បើតាមការសិក្សាស្រាវជ្រាវឯកសារ Environmental Science & Technology ដែលចុះផ្សាយកាលពីឆ្នាំ២០១១ តាមរយៈគេហទំព័រ sciencefocus.com បានឲ្យដឹងជាខ្លីថា ក្នុងមួយម៉ោងៗ មនុស្សបាត់បង់ស្បែកក្នុងបរិមាណជាមធ្យមប៉ុន្មាន ០.០៣ ក្រាមទៅដល់ ០.០៩ក្រាម។ បើតាមការគណនា ក្នុងមួយឆ្នាំគឺ ក្នុងទម្ងន់ប្រមាណកន្លះគីឡូក្រាម។ ចំនួននេះអាចមើលទៅហាក់បីដូចជា តិចមែន តែក្នុងមួយជីវិតមនុស្ស មនុស្សម្នាក់ៗអាចជម្រុះស្បែកដល់ទៅ៣៥គីឡូក្រាមជាមធ្យម (បើគិតថាអ្នកនោះអាចរស់បានដល់អាយុ៨០ឆ្នាំ)។
តើស្បែកដែលជ្រុះទាំងអស់នោះធ្វើដំណើរទៅណា? ចម្លើយអាចធ្វើឲ្យអ្នកអានមួយចំនួនមានអារម្មណ៍ចម្លែក តែធូលីដែលមានក្នុងផ្ទះរបស់អ្នក ពេលខ្លះវាជាស្បែករបស់ខ្លួនអ្នកផ្ទាល់ទេ។ មិនមែនធូលីទាំងនោះ គឺមកពីដីនៅខាងក្រៅនោះទេ។
© រក្សាសិទ្ធិដោយ thmeythmey.com