អត្ថបទពាណិជ្ជកម្ម
ក្រុមហ៊ុនភេសជ្ជៈកម្ពុជា កូកា-កូឡា ប៉មចម្រោះទឹកស្អាតទី២០ ក្នុងស្រុកជីក្រែង ដើម្បីឆ្លើយតបនឹងតម្រូវការទឹកស្អាតប្រើប្រាស់
×![]()
ដោយ: ថ្មីៗ
សៀមរាប ថ្ងៃព្រហស្បតិ៍ ទី២៧ ខែមិថុនា ឆ្នាំ២០១៩៖ ក្រុមហ៊ុនភេសជ្ជៈកម្ពុជា កូកា-កូឡា និងអាជ្ញាធរពាក់ព័ន្ធ បានរួមគ្នាបន្តប៉មចម្រោះទឹកស្អាតថ្មីមួយកន្លែង ស្ថិតនៅក្នុងបរិវេណវិទ្យាល័យហ៊ុនសែនព្រះធាតុ នៃស្រុកជីក្រែង ខេត្តសៀមរាប។ ប៉មចម្រោះទឹកស្អាតថ្មីនេះ អាចផ្តល់នូវទឹកស្អាត ដល់សិស្សានុសិស្ស លោកគ្រូ អ្នកគ្រូជាង ៦០០នាក់ ក៏ដូចជាប្រជាពលរដ្ឋដែលរស់នៅក្នុងសហគមន៍ជុំវិញនោះផងដែរ។
នៅក្នុងពិធីសម្ពោធ មានការចូលរួមជាអធិបតីពីលោក ប្រាក់ សោភ័ណ ប្រធានស្តីទីសហភាពសហពន្ធ័យុវជនកម្ពុជាខេត្តសៀមរាប និងលោក រស់ សោភា នាយកផ្នែកច្បាប់ និងកិច្ចការសាធារណៈ ប្រចាំប្រទេសនៃក្រុមហ៊ុនភេសជ្ជៈកម្ពុជា កូកា-កូឡា។
លោក រស់ សោភា បានមានប្រសាសន៍នៅក្នុងពិធីនោះថា៖«ការប្តេជ្ញាចិត្តរបស់យើង មិនបញ្ឈប់នៅត្រឹមតែការដំឡើងប៉មចម្រោះទឹកស្អាតថ្មី ក្នុងថ្ងៃនេះប៉ុណ្ណោះទេ ប៉ុន្តែយើង នឹងបន្តគាំទ្រ និងសហការយ៉ាងពេញទំហឹង ជាមួយអង្គការ Planet Water ដើម្បីអនុវត្តកម្មវិធីអប់រំសុខភាព ការប្រើប្រាស់ទឹកស្អាតប្រកបដោយប្រសិទ្ធភាព ការថែរក្សាអនាម័យបរិស្ថាន ការអប់រំ បណ្តុះបណ្តាលប្រជាសហគមន៍ អំពីការថែរក្សាការពារប៉មចម្រោះទឹកនេះ រួមទាំងការធ្វើលំហែទាំ រយៈពេល ៥ឆ្នាំ។ អង្គការ Planet Water នឹងត្រួតពិនិត្យតាមដានគុណភាពទឹក និងធ្វើលំហែទាំប្រព័ន្ធចម្រោះទឹកជាប្រចាំ ទៅតាមកាលវិភាគកំណត់»។
លោក រស់ សោភា បានបន្តទៀតថា ក្រុមហ៊ុន កូកា-កូឡា មានមោទកភាព ដែលបានចូលរួមចំណែក ក្នុងការបង្កើតគម្រោងដ៏មានសារៈសំខាន់មួយនេះ ដែលបានកំពុងតែនាំយកទឹកស្អាតមកកាន់សាលារៀន និងសហគមន៍ជាច្រើននៅទូទាំងពិភពលោក។
សូមជម្រាបថា នេះគឺជាប៉មចម្រោះទឹកស្អាតទី២០ ដែលបានដំឡើងដោយក្រុមហ៊ុន កូកា-កូឡា ជាមួយស្ថាប័នដៃគូនៅទូទាំងប្រទេសកម្ពុជា ចាប់តាំងពីឆ្នាំ២០១៦ ក្រោមកិច្ចសហការជាមួយអង្គការ Planet Water ដែលមានការដំឡើងប៉មចម្រោះទឹកស្អាត នៅតាមបណ្ដាសហគមន៍នានា នៃប្រទេសកម្ពុជា ដែលកំពុងតែប្រឈមនឹងការខ្វះទឹកស្អាត សម្រាប់ទទួលទាន។
ក្រុមហ៊ុនកូកា-កូឡាបានឱ្យដឹងថា ប៉មចម្រោះទឹកស្អាតចំនួន ២ទៀត នឹងត្រូវដំឡើងនៅទូទាំងប្រទេសកម្ពុជា ក្នុងឆ្នាំ២០១៩នេះ ហើយប៉មចម្រោះទឹកស្អាតជាច្រើនទៀត នឹងមានវត្តមាននៅក្នុងឆ្នាំបន្ទាប់ៗទៀត។ ក្រុមហ៊ុនភេសជ្ជៈកម្ពុជា កូកា-កូឡា បានឱ្យដឹងទៀតថា ប៉មចម្រោះទឹកស្អាតចំនួន១៩ ដែលក្រុមហ៊ុនបានដំឡើងនៅកម្ពុជា តាំងពីឆ្នាំ២០១៦ បានផ្តល់ទឹកស្អាតចំនួន ៤៤,៩៩០,២៨៦ លីត្រ សម្រាប់ប្រជាសហគមន៍ប្រមាណជាង ៤០,០០០នាក់។ តួលេខនេះ ត្រូវបានរំពឹងថា នឹងកើនឡើង១,៥ ដងក្នុងឆ្នាំនេះ តាមរយៈការប៉មចម្រោះទឹកស្អាតចំនួន ២បន្ថែមទៀត ក្នុងឆ្នាំ ២០១៩នេះ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
