ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
របបអាហារដើរតួនាទីយ៉ាងសំខាន់ក្នុងការបង្កើនម៉ាសសាច់ដុំនិងភាពសកម្មរបស់រាងកាយ។ ប៉ុន្តែថាអាហារអ្វីខ្លះទៅដែលអាចជួយឱ្យឡើងសាច់ដុំបានឆាប់រហ័សនិងល្អចំពោះសុខភាព?
កុំបារម្ភ! ខាងក្រោមនេះយើង នឹងបង្ហាញឱ្យដឹងពីអាហារដែលអ្នកគួរទទួលទានដើម្បីបង្កើនម៉ាសនៃសាច់ដុំឆាប់ ៖
កុំបារម្ភ! ខាងក្រោមនេះយើង នឹងបង្ហាញឱ្យដឹងពីអាហារដែលអ្នកគួរទទួលទានដើម្បីបង្កើនម៉ាសនៃសាច់ដុំឆាប់ ៖
១. ទឹកដោះគោស្រស់
ជាប្រភពដ៏ប្រសើរនៃប្រូតេអ៊ីន រួមទាំងកាល់ស្យូម និងវិតាមីនល្អៗ។ ការសិក្សាស្រាវជ្រាវជាច្រើនបានបង្ហាញថាការទទួលទានទឹកដោះគោគ្មានជាតិខ្លាញ់ ក្រោយធ្វើលំហាត់ប្រាណជួយបង្កើនសាច់ដុំឱ្យកាន់តែមានប្រសិទ្ធិភាព។ ប្រសិនបើអ្នកមិនហាត់ប្រាណអ្វីទេនោះ គ្រាន់តែទទួលទានទឹកដោះគោស្រស់ ១ ឬ ២ កែវជាមួយអាហារក៏បានដែរ។
២. ផ្លែបឺរ
មានផ្ទុកសម្បូរទៅដោយជាតិខ្លាញ់សុខភាពល្អ និងសារធាតុចិញ្ចឹមដែលផ្ដល់អត្ថប្រយោជន៍ប្រសើរបំផុតសម្រាប់សុខភាព។ វាគ្មានផ្ទុកជាតិកាល់ឡូរីច្រើនទេ ប៉ុន្តែនៅតែជាអាហារដ៏ល្អបំផុតមួយជួយឱ្យឡើងទម្ងន់។ ផ្លែបឺរក៏មានផ្ទុកសម្បូរទៅដោយវីតាមីនចាំបាច់ដូចជា C E និង K ជួយរក្សាសុខភាពសាច់ដុំល្អប្រសើរ។
៣. ម្ទេសផ្លោក
មិនថាម្ទេសផ្លោកពណ៌អ្វីនោះទេ គឺសុទ្ធតែមានផ្ទុកនូវជាតិប្រូតេអ៊ីននិងវីតាមីន C ដែលចាំបាច់សម្រាប់សុខភាពសាច់ដុំ ក៏ដូចជាប្រព័ន្ធភាពស៊ាំនៃរាងកាយ។
៤. សាច់ក្រហម
ជាអាហារដែលប្រសើរបំផុតជួយឱ្យកើនទម្ងន់ និងឡើងសាច់ដុំឆាប់រហ័ស។ សាច់ក្រហមមានផ្ទុក leucine និង creatine ដែលជាសារធាតុចិញ្ចឹមចាំបាច់សម្រាប់សាច់ដុំ និងការកើនឡើងនូវជាលិកាសាច់ដុំថ្មី។ ទោះជាយ៉ាងណា ការទទួលទានច្រើនពេកក៏មិនល្អដែរសម្រាប់សុខភាព។
៥. សណ្ដែកសៀង
ជាប្រភពដ៏ប្រសើរនៃវីតាមីន K, ជាតិដែក និងផូស្វ័រ។ ជាតិដែកជួយរក្សាទុក និងដឹកនាំអុកស៊ីសែនឆ្លងកាត់ឈាម និងសាច់ដុំ។ សណ្ដែកសៀងក៏មានផ្ទុកសម្បូរទៅដោយសារធាតុប្រឆាំងអុកស៊ីតកម្មដ៏មានឥទ្ធិពល និងជួយបង្កើនសុខភាពរាងកាយ ក៏ដូចជាកម្លាំងឡើងវិញក្រោយលំហាត់ប្រាណ។
៦. ជីវ៉ាន់ស៊ុយ
មានផ្ទុកសម្បូរទៅដោយសារធាតុចិញ្ចឹមសំខាន់ៗ រួមទាំងអាស៊ីតអាមីណូចាំបាច់បំផុតមួយ គឺ lysine
ដែលមិនត្រឹមតែជួយបង្កើនម៉ាសនៃសាច់ដុំប៉ុណ្ណោះទេ ប៉ុន្តែក៏រក្សាសុខភាពសាច់ដុំល្អប្រសើរផងដែរ។
៧. តៅហ៊ូ
តៅហ៊ូធ្វើឡើងពីសណ្ដែកសៀងដែលមានឥទ្ធិពលគួរឱ្យកត់សម្គាល់សម្រាប់មុខងារសាច់។ តៅហ៊ូក៏ជាប្រភពដ៏ប្រសើរនៃប្រូតេអ៊ីន, leucine និងកាល់ស្យូមដែលសាច់ដុំត្រូវការចាំបាច់ដើម្បីបង្កើន និងរក្សាមុខងារត្រឹមត្រូវ។
៨. ត្រីសាលម៉ុន និងត្រីសម្បូរខ្លាញ់
ប្រភពដ៏ល្អបំផុតមួយនៃប្រូតេអ៊ីនគុណភាពខ្ពស់ និងជាតិខ្លាញ់សុខភាពល្អនោះ គឺត្រីសម្បូរខ្លាញ់។ ត្រីដូចជា ត្រីសាលម៉ុន និងធូណា មិនត្រឹមតែជួយក្នុងការបង្កើនសាច់ដុំប៉ុណ្ណោះទេ ប៉ុន្តែផ្ដល់អត្ថប្រយោជន៍ចំពោះរាងកាយទាំងមូលតាមរយៈអាស៊ីតខ្លាញ់អូមេហ្គា ៣ ដែលវាមានផ្ទុក។ រួមបញ្ចូលវាជាមួយបាយ និងបន្លែ។
៩. ស៊ុត
ស៊ុត ជាប្រភេទនៃអាហារដ៏ប្រសើរបំផុតសម្រាប់ការកសាងបង្កើនសាច់ដុំមានសុខភាពល្អ។ ស៊ុតមានផ្ទុកសម្បូរទៅដោយជាតិប្រូតេអ៊ីនគុណភាពខ្ពស់ និងជាតិខ្លាញ់សុខភាពល្អ។ ដូច្នេះដើម្បីអាចកើនទម្ងន់ និងឡើងសាច់ដុំឆាប់រហ័ស ក៏ដូចជារក្សាបាននូវសុខភាពរាងកាយរឹងមាំ ចូរទទួលទានស៊ុតឱ្យបាន ៣ គ្រាប់ក្នុងមួយថ្ងៃ។
១០. ទឹកដូង
ទឹកដូងត្រឹម ១ ពែងអាចផ្ដល់ឲ្យរាងកាយនូវជាតិប៉ូតាស្យូមដល់ទៅ ២៩៥ មីលីក្រាមឯណោះ។ហើយប៉ូតាស្យូម គឺជាជាតិរ៉ែចាំបាច់បំផុតដែលជួយធ្វើឲ្យមុខងារសាច់ដុំកាន់តែមានភាពប្រសើរឡើង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
