អត្ថបទពាណិជ្ជកម្ម
រូបភាពបីសន្លឹក បង្ហាញពីសមត្ថភាពដ៏អស្ចារ្យរបស់ស្មាតហ្វូន OPPO Reno
× ដំណើរស្វែងរករូបភាពដ៏អស្ចារ្យ របស់ក្រុមការងារ OPPO Photography Academy បានបញ្ចប់ទៅដោយជោគជ័យ និងបាននាំមកនូវអនុស្សាវរីយ៍ជាច្រើនជាមួយគ្នា គួបផ្សំនឹងទិដ្ឋភាពប្លែកភ្នែក, ប្លែកអារម្មន៍ជាមួយសម្រស់ធម្មជាតិសុទ្ធសាធ។ អ្វីដែលកាន់តែពិសេសនោះ គឺក្រុមការងារ បានផ្តិតយករូបភាពដ៏ល្អឯកជាច្រើនសន្លឹក ដែលទាក់ទងទៅនឹងចំណុចទាំងបី ដែលពួកគេធ្លាប់បានបង្ហើបជាសាធារណៈ រួមមានរូបភាពប្រាង្គប្រាសាទបុរាណខ្មែរ សម្រស់ធម្មជាតិ និងស្ថានភាពរស់នៅជាក់ស្តែងរបស់ប្រជាពលរដ្ឋខ្មែរ នៅតាមតំបន់ដាច់ស្រយាល ដែលមានអក្សរកាត់ថា TEP (Temple, Environmental, People)។
រូបភាពបីសន្លឹកដែលក្រុមការងារ OPPO Photography Academy បានបញ្ចេញនៅពេលនេះ ឮថាជាស្នាដៃរបស់ លោក
កឹម សុវណ្ណា អ្នកជំនាញថតរូបបែបសិល្បៈច្នៃប្រឌិត និងអ្នកជំនាញថតរូបពីរនាក់ទៀត ដែលបានសហការគ្នា ជាមួយក្រុមហ៊ុន OPPO ប្រចាំនៅកម្ពុជា។ អ្នកជំនាញថតរូបទាំងបី បានបង្រៀនពីការថតរូបដោយទូរស័ព្ទទំនើប OPPO Reno និងថតរូបដោយកាមេរ៉ាធម្មតាផងដែរ ទៅដល់ក្រុមតារាតំណាងទូរស័ព្ទ OPPO និងអ្នកចូលរួមផ្សេងទៀត។
ពួកគាត់បានទៅដល់តំបន់ប្រាសាទកោះកែរ ប្រាសាទអង្គរវត្ត ប្រាសាទបាយ័ន ឡើងភ្នំបាក់ខែង និងទៅភូមិកំពង់ភ្លុក នៅផ្ទៃបឹងទន្លេសាប ក្នុងស្រុកកំពង់ភ្លុកផងដែរ ដើម្បីផ្តិតយករូបភាពជាក់ស្តែងប្រកបដោយទេពកោសល្យច្នៃប្រឌិតខ្ពស់ មកបង្ហាញជាសាធារណៈថា កូនខ្មែរអាចធ្វើបាន និងអាចធ្វើបានល្អគួរជាទីមោទកទៀតផង។ តាមរយៈរូបភាពបឋមបីសន្លឹកនេះ វាពិតជាបានចូលរួមចំណែក អន្ទងចិត្តកូនខ្មែរ ឲ្យកាន់តែស្រលាញ់វប្បធម៌ អរិយធម៌ ទំនៀមទម្លាប់ ដ៏ល្អផូរផង់ដែលបន្សល់ទុក ដោយបុព្វបុរសខ្មែរយើងកាន់តែខ្លាំងថែមទៀត។
ដូចអ្វីដែលក្រុមហ៊ុន OPPO ធ្លាប់បានលើកឡើង គឺក្រុមហ៊ុននេះ នឹងចូលរួមចំណែកតូចមួយ ក្នុងការផ្សព្វផ្សាយរូបភាពវប្បធម៌ខ្មែរដែលមិនអាចកាត់ថ្លៃបាន ទាំងនៅក្នុងស្រុក និងនៅលើឆាកអន្តរជាតិឲ្យទាល់តែបាន តាមរយៈសមាគមផ្លូវការ
OPPO Photography Academy មួយនេះ។ ម្យ៉ាងវិញទៀត សមាគមនេះគឺមានសុទិដ្ឋិនិយម មិនត្រឹមតែជួយលើកស្ទួយស្នាដៃអ្នកជំនាញថតរូបកម្ពុជាប៉ុណ្ណោះទេ ពួកគេនឹងជួយបណ្តុះបណ្តាលដល់យុវជនខ្មែរជំនាន់ក្រោយ ដែលស្រលាញ់ការថតរូប មានឆន្ទៈថតរូបពិតប្រាកដ ដើម្បីទទួលបានឱកាសផ្សព្វផ្សាយរូបថត ដែលជាស្នាដៃរបស់ពួកគេ ទៅកាន់ពិភពលោក ឲ្យកាន់តែទូលំទូលាយ។ ដូច្នេះបងប្អូនដែលចូលចិត្តថតរូប នៅចាំអីទៀត ចូលទៅកាន់ Page ផ្លូវការនេះទាំងអស់គ្នា ដើម្បីទទូលបានចំណេះដឹង និងបទពិសោធន៍ថ្មីៗបន្ថែម ពីក្រុមអ្នកជំនាញថតរូបមួយនេះ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com