អត្ថបទពាណិជ្ជកម្ម
លោក G-Devith ចូលរួមសម្ដែងក្នុងការប្រគំតន្ត្រី«Reborn»ជាមួយកម្មវិធីតន្ត្រី Pleng by Smart
× ភ្នំពេញ ថ្ងៃទី២៥ ខែសីហា ឆ្នាំ២០១៩៖ ដើម្បីផ្ដល់នូវភាពសប្បាយរីករាយបន្ថែម ពីលើអាល់ប៊ុមបទចម្រៀងទី១ របស់ខ្លួនឈ្មោះថា «Reborn» ជាមួយកម្មវិធីតន្ត្រី Pleng by Smart តារាចម្រៀងរ៉េប និងជាតារាល្បីខាងម៉ូតសម្លៀកបំពាក់ លោក ងួន ចាន់ដេវីត ឬគេស្គាល់ដោយខ្លីថា G-Devith បានចូលរួមសម្ដែង ក្នុងការប្រគំតន្ត្រីឈ្មោះថា «Reborn»។ ការប្រគំតន្ត្រីនេះ ធ្វើឡើងនៅផ្សារទំនើប អ៊ីអន សែនសុខ ដោយមានអ្នកគាំទ្រវ័យក្មេងជាច្រើនចូលរួម។
អាល់ប៊ុមបទចម្រៀង «Reborn» ត្រូវបានប្រកាសចេញជាលើកដំបូង កាលពីខែកក្កដា ដោយមានបទចម្រៀងថ្មីចំនួន៩បទ ដែលឆ្លុះបញ្ចាំងពីអាជីព ក្នុងវិស័យតន្ត្រីរបស់ G-Devith ហើយបទចម្រៀងនេះ កំពុងតែទាក់ទាញចំណាប់អារម្មណ៍យ៉ាងខ្លាំង ពីអ្នកគាំទ្រវ័យក្មេងដែលចូលចិត្តតន្ត្រី ។
លោក G-Devith បាននិយាយថា៖«ខ្ញុំសូមថ្លែងអំណរគុណដល់អ្នកគាំទ្រទាំងអស់ ដែលបានចូលរួមក្នុងការប្រគំតន្ត្រីនៅថ្ងៃនេះ។ ការចេញអាល់ប៊ុមបទចម្រៀង និងការប្រគំតន្ត្រី«Reborn» ទី១នេះ គឺជាស្នាដៃដ៏សំខាន់មួយសម្រាប់ខ្ញុំ។ ស្នាដៃនេះ ឆ្លុះបញ្ចាំងពីដំណើរជីវិតផ្ទាល់ខ្លួនរបស់ខ្ញុំ រហូតមកដល់ពេលនេះ។ ខ្ញុំពិតជារំភើបរីករាយ ក្នុងការចែករំលែកបទពិសោធន៍តន្ត្រីថ្មីទាំងអស់នេះ ជាមួយអ្នកគាំទ្ររបស់ខ្ញុំ តាមរយៈកម្មវិធី Pleng by Smart»។
អាល់ប៊ុមនេះ ត្រូវបាននិពន្ធឡើង និងបានចាប់ផ្ដើមថតកាលពីដើមឆ្នាំ ២០១៩ បន្ទាប់ពីលោក G-Devith បានចុះហត្ថលេខាលើកិច្ចសន្យាមាតិកាចម្រៀងផ្ដាច់មុខ ជាមួយក្រុមហ៊ុន Smart Axiata នៅកាលពីខែវិច្ឆិកា ឆ្នាំ២០១៨។
កម្មវិធី Pleng by Smart ដែលត្រូវបានដាក់ឲ្យដំណើរការ កាលពីខែកុម្ភៈ ឆ្នាំ ២០១៩ គឺជាបណ្ណាល័យកម្សាន្តឌីជីថលដ៏ធំបំផុតក្នុងប្រទេសកម្ពុជា ដោយមានបទចម្រៀងខ្មែរ និងអន្តរជាតិច្រើនជាង ១ លានបទ ហើយផ្ដល់ភាពងាយដល់អ្នកប្រើប្រាស់។
លើសពីនេះទៅទៀត ការភ្ជាប់ជាមួយកម្មវិធី Pleng by Smart Pro ផ្តល់ជូនការទាញយកបទចម្រៀង ដោយគ្មានដែនកំណត់ ក៏ដូចជាអាចស្ដាប់បទចម្រៀងលំដាប់ពិភពលោក តាមអនឡាញបានដោយសេរី ឬក៏អាចស្តាប់ការផ្សាយផ្ទាល់ តាមកម្មវិធីវិទ្យុផងដែរ។ កម្មវិធី Pleng by Smart ត្រូវបានធ្វើឲ្យល្អប្រសើរជាប្រចាំ លើចំណុចជាច្រើនដូចជា ផ្នែកបច្ចេកទេស ធ្វើឲ្យមានល្បឿនកាន់តែលឿន ឆ្លើយតបកាន់តែរហ័ស និងងាយស្រួលក្នុងការប្រើប្រាស់ បន្ទាប់ពីប្តូរឈ្មោះពី Smart Music ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com