អន្តរជាតិ
×![]()
ដោយ៖ ឈួន ឈីវអ៊ីង
សុខភាពស្មារតីរបស់ប្រជាជនហុងកុង កាន់តែយ៉ាប់យ៉ឺនពីមួយថ្ងៃទៅមួយថ្ងៃ នៅក្នុងស្ថានភាពអាក្រក់នៃរយៈពេល ៨ឆ្នាំចុងក្រោយនេះ។ ការតវ៉ាប្រឆាំងនឹងរដ្ឋាភិបាលដែលកំពុងបន្ត បានបន្ថែមភាពតានតឹងផ្នែកសតិអារម្មណ៍យ៉ាងខ្លាំងដល់ប្រជាពលរដ្ឋ។ នេះបើយោងតាមការស្ទង់មតិប្រចាំឆ្នាំដែលបានចុះផ្សាយនៅថ្ងៃទី៩ ខែតុលា។
ការសិក្សាដែលធ្វើឡើងដោយសាកលវិទ្យាល័យចិនរបស់ហុងកុង បានស្ទង់មតិប្រជាជនចំនួនមួយពាន់ប្រាំបួននាក់ដែលមានអាយុចាប់ពី ១៥ ឆ្នាំឡើងទៅ លើសូចនាករចំនួន១០ ដែលរួមមានបញ្ហាការងារ ការសិក្សាស្រាវជ្រាវ គ្រួសារ និងជម្លោះក្នុងសង្គមដែលអាចប៉ះពាល់ដល់សុខភាពផ្លូវចិត្តរបស់ពលរដ្ឋ។
អ្នកស្រាវជ្រាវបានកំណត់លំដាប់ពិន្ទុពី ០ ដល់១០០ ជាមួយនឹងពិន្ទុជាប់ ៥២ មានន័យថា អ្នកមានពិន្ទុចន្លោះពី ៥២ ទៅ ៦៨ មានសុខភាពស្មារតីល្អអាចទទួលយកបាន ហើយបើលើសពី ៧២ពិន្ទុ គឺបង្ហាញថាមានសុខភាពល្អ។ លទ្ធផលជាមធ្យមដែលបង្ហាញក្នុងឆ្នាំនេះគឺ ៤៦,៤១ ដែលទាបជាងឆ្នាំណាៗ ទាំងអស់ចាប់តាំងពីការស្ទង់មតិផ្តើមធ្វើឡើងនៅឆ្នាំ ២០១២ ខណៈឆ្នាំមុនទទួលបាន ៥០,២ពិន្ទុ។
នៅឆ្នាំ ២០១៨ ប្រជាជនដែលចូលរួមការស្ទង់មតិប្រហែល១៨ ភាគរយបាននិយាយថា សុខភាពផ្លូវចិត្តរបស់ពួកគេរងផលប៉ះពាល់អវិជ្ជមានពីជម្លោះក្នុងសង្គម។ ប៉ុន្តែនៅឆ្នាំ ២០១៩ តួលេខនេះកើនឡើងទ្វេដងដល់ ៤១ ភាគរយដែលជាកំណើនខ្ពស់បំផុតសម្រាប់សូចនាករទាំង ១០ ដែលសិក្សាដោយការស្ទង់មតិ។
ក្រុមអ្នកជំនាញបានព្រមានថាការតវ៉ាពេលនេះដល់ខែទី ៤ របស់ពួកគេអាចបង្កឱ្យមានវិបត្តិសុខភាពផ្លូវចិត្តកាន់តែធ្ងន់ធ្ងរ។ កាតវ៉ាតាមដងផ្លូវវស្ទើររៀងរាល់ថ្ងៃ និងរាល់ចុងសប្ដាហ៍ដែលបង្កទៅជាអំពើហិង្សាកាន់តែខ្លាំង ក៏ដូចជាការបង្អាក់ការធ្វើដំណើរលើផ្លូវរថភ្លើង អាចជាកត្តាដែលសុខភាពផ្នែកអារម្មណ៍របស់ប្រជាជនហុងកុងធ្លាក់ចុះ៕
សុខភាពស្មារតីរបស់ប្រជាជនហុងកុង កាន់តែយ៉ាប់យ៉ឺនពីមួយថ្ងៃទៅមួយថ្ងៃ នៅក្នុងស្ថានភាពអាក្រក់នៃរយៈពេល ៨ឆ្នាំចុងក្រោយនេះ។ ការតវ៉ាប្រឆាំងនឹងរដ្ឋាភិបាលដែលកំពុងបន្ត បានបន្ថែមភាពតានតឹងផ្នែកសតិអារម្មណ៍យ៉ាងខ្លាំងដល់ប្រជាពលរដ្ឋ។ នេះបើយោងតាមការស្ទង់មតិប្រចាំឆ្នាំដែលបានចុះផ្សាយនៅថ្ងៃទី៩ ខែតុលា។
ការសិក្សាដែលធ្វើឡើងដោយសាកលវិទ្យាល័យចិនរបស់ហុងកុង បានស្ទង់មតិប្រជាជនចំនួនមួយពាន់ប្រាំបួននាក់ដែលមានអាយុចាប់ពី ១៥ ឆ្នាំឡើងទៅ លើសូចនាករចំនួន១០ ដែលរួមមានបញ្ហាការងារ ការសិក្សាស្រាវជ្រាវ គ្រួសារ និងជម្លោះក្នុងសង្គមដែលអាចប៉ះពាល់ដល់សុខភាពផ្លូវចិត្តរបស់ពលរដ្ឋ។
អ្នកស្រាវជ្រាវបានកំណត់លំដាប់ពិន្ទុពី ០ ដល់១០០ ជាមួយនឹងពិន្ទុជាប់ ៥២ មានន័យថា អ្នកមានពិន្ទុចន្លោះពី ៥២ ទៅ ៦៨ មានសុខភាពស្មារតីល្អអាចទទួលយកបាន ហើយបើលើសពី ៧២ពិន្ទុ គឺបង្ហាញថាមានសុខភាពល្អ។ លទ្ធផលជាមធ្យមដែលបង្ហាញក្នុងឆ្នាំនេះគឺ ៤៦,៤១ ដែលទាបជាងឆ្នាំណាៗ ទាំងអស់ចាប់តាំងពីការស្ទង់មតិផ្តើមធ្វើឡើងនៅឆ្នាំ ២០១២ ខណៈឆ្នាំមុនទទួលបាន ៥០,២ពិន្ទុ។
នៅឆ្នាំ ២០១៨ ប្រជាជនដែលចូលរួមការស្ទង់មតិប្រហែល១៨ ភាគរយបាននិយាយថា សុខភាពផ្លូវចិត្តរបស់ពួកគេរងផលប៉ះពាល់អវិជ្ជមានពីជម្លោះក្នុងសង្គម។ ប៉ុន្តែនៅឆ្នាំ ២០១៩ តួលេខនេះកើនឡើងទ្វេដងដល់ ៤១ ភាគរយដែលជាកំណើនខ្ពស់បំផុតសម្រាប់សូចនាករទាំង ១០ ដែលសិក្សាដោយការស្ទង់មតិ។
ក្រុមអ្នកជំនាញបានព្រមានថាការតវ៉ាពេលនេះដល់ខែទី ៤ របស់ពួកគេអាចបង្កឱ្យមានវិបត្តិសុខភាពផ្លូវចិត្តកាន់តែធ្ងន់ធ្ងរ។ កាតវ៉ាតាមដងផ្លូវវស្ទើររៀងរាល់ថ្ងៃ និងរាល់ចុងសប្ដាហ៍ដែលបង្កទៅជាអំពើហិង្សាកាន់តែខ្លាំង ក៏ដូចជាការបង្អាក់ការធ្វើដំណើរលើផ្លូវរថភ្លើង អាចជាកត្តាដែលសុខភាពផ្នែកអារម្មណ៍របស់ប្រជាជនហុងកុងធ្លាក់ចុះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
