កីឡាជាតិ
ជាតិ
លោក Koji Gyotoku គ្រូបង្វឹកឈុត U19 កម្ពុជា។ រូបថត FFC
×![]()
ដោយ: រួបរួម
ក្រុមកីឡាបាល់ទាត់ជម្រើសជាតិអាយុក្រោម១៩ឆ្នាំ កម្ពុជា មិនទាន់ទទួលបានកៅអីជាផ្លូវសម្រាប់ព្រឹត្តិការណ៍ AFC U19 Championship 2020 នៅប្រទេសអ៊ូសបេគីស្ថានឡើយ។ បច្ចុប្បន្នកម្ពុជាស្ថិតក្នុងប្រអប់ក្រុមលេខ២ល្អបំផុតលំដាប់ទី៥ ប៉ុន្តែរង់ចាំមើលលទ្ធផលនៃក្រុមលេខ២ពូល A ដោយពូលនេះ មិនទាន់មានការប្រកួតនោះឡើយ។
U19 កម្ពុជា បានធ្វើជាម្ចាស់ផ្ទះសម្រាប់ការប្រកួតជម្រុះពូល G ដោយបញ្ចប់ក្នុងចំណាត់ថ្នាក់លេខ២ ខណៈម៉ាឡេស៊ី ដែលឈ្នះទាំង៤ប្រកួត ទទួលបានកៅអីទៅវគ្គបន្តដោយស្វ័យប្រវត្តិ។ ដោយសារពូល G មាន៥ក្រុម លទ្ធផលនៃជំនួបជាមួយកោះម៉ារីយ៉ាណា ដែលជាក្រុមបាតតារាង មិនត្រូវបានរាប់បញ្ចូលឡើយ សម្រាប់ការប្រៀបធៀបក្រុមលេខ២ល្អបំផុតជាមួយ១០ពូលទៀត។
ការប្រកួតចំនួន៤លើករបស់កម្ពុជានៅក្នុងពូល G គឺចាញ់ម៉ាឡេស៊ី ៥-៤ ឈ្នះកោះម៉ារីយ៉ាណា ៩-០ ឈ្នះថៃ ២-១ និងឈ្នះព្រុយណេ ៣-០ ដោយទទួលបានចំណាត់ថ្នាក់លេខ២។ រីឯការប្រៀបធៀបចំណាត់ថ្នាក់លេខ២វិញ គឺកម្ពុជា មាន៦ពិន្ទុ (+៣) ផ្អែកលើលទ្ធផលឈ្នះថៃ ព្រុយណេ និងចាញ់ម៉ាឡេស៊ី។
កម្ពុជាក្រោមការដឹកនាំរបស់គ្រូបង្វឹកជប៉ុន Koji Gyotoku រង់ចាំអ៊ុតមើលលទ្ធផលនៃការប្រកួតរបស់ហ្ស៊កដានី និងយ៉េមែន នៅក្នុងពូលរៀងៗខ្លួនរបស់ពួកគេ។ ហ្ស៊កដានី បានរងនូវការខកចិត្តក្រោយបញ្ចប់លទ្ធផលត្រឹមស្មើ ១-១ ជាមួយបារ៉ែន ដែលធ្វើឲ្យពួកគេបានបាត់ឱកាសប្រជែងយកកៅអីលេខ២ល្អបំផុត តែយេម៉ែន បានរារាំងឱកាសរបស់កម្ពុជា ដោយពួកគេបានយកយកស្មើកាតា ១-១ ដើម្បីរក្សាការមានប្រៀបលើកម្ពុជា។
ឡាវ វៀតណាម យេម៉ែន និងអ៊ូសបេគីស្ថាន ជាក្រុមលេខ២ល្អបំផុតដែលទទួលបានកៅអីទៅវគ្គបន្ត រីឯកម្ពុជាឈរនៅលេខរៀងទី៥ជាបណ្តោះអាសន្ន ដោយរង់ចាំមើលលទ្ធផលនៃការប្រកួតនៅក្នុងពូល A ដែលត្រូវបានផ្លាស់ប្តូរទីកន្លែងប្រកួតពីអ៊ីរ៉ាក់ ទៅអូម៉ង់។ ដំបូងឡើយ អ៊ីរ៉ាក់ត្រូវធ្វើជាម្ចាស់ផ្ទះតាមកម្មវិធីប្រកួតដូចពូលដទៃ ប៉ុន្តែក្រោយចលនាបាតុកម្មនយោបាយនៅអ៊ីរ៉ាក់ ការប្រកួតត្រូវបានប្តូរទៅកាន់ទឹកដី អូម៉ង់វិញ ដែលប្រព្រឹត្តទៅចន្លោះពីថ្ងៃទី២២ ដល់ថ្ងៃទី៣០ ខែវិច្ឆិកា។
ក្រុមនៅក្នុងពូល A រួមមាន អ៊ីរ៉ាក់ អូម៉ង់ ប៉ាឡេស្ទីន គូវ៉ែត និងប៉ាគីស្ថាន។ ក្រុមលេខ១ នឹងឡើងទៅវគ្គបន្ត ខណៈក្រុមលេខ២ នឹងត្រូវយកទៅប្រៀបធៀបជាមួយកម្ពុជា។ ដោយសារពូលនេះ មាន៥ក្រុម ដូច្នេះលទ្ធផលជាមួយក្រុមបាតតារាង នឹងមិនត្រូវរាប់បញ្ចូលឡើយសម្រាប់តំណែងក្រុមលេខ២ល្អបំផុត។
ក្រុមដែលឡើងទៅរង់ចាំនៅជុំចុងក្រោយរួមមាន ក្រុមលេខ១ក្នុងពូលនីមួយៗ ដូចជា កាតា (ពូល B), តាហ្ស៊ីគីស្ថាន (ពូល C), អ៊ីរ៉ង់ (ពូល D), បារ៉ែន (ពូល E), អារ៉ាប៊ីសាអូឌីត (ពូល F), ម៉ាឡេស៊ី (ពូល G), អូស្ត្រាលី (ពូល H), កូរ៉េខាងត្បូង (ពូល I), ជប៉ុន (ពូល J), ឥណ្ឌូណេស៊ី (ពូល K)។ ឡាវ វៀតណាម យ៉េមែន និងអ៊ូសបេគីស្ថាន ជាក្រុមលេខ២ល្អបំផុត។ ដោយសារអ៊ូសបេគីស្ថានដែលជាម្ចាស់ផ្ទះស្ថិតក្នុងចំណោមក្រុមលេខល្អ ទើបចំនួនក្រុមត្រូវតម្លើងទៅចំនួន៥ ហើយលំដាប់ទី៥កំពុងគ្រប់គ្រងដោយកម្ពុជា ជាមួយនឹង៦ពិន្ទុ (+៣)៕
U19 កម្ពុជា បានធ្វើជាម្ចាស់ផ្ទះសម្រាប់ការប្រកួតជម្រុះពូល G ដោយបញ្ចប់ក្នុងចំណាត់ថ្នាក់លេខ២ ខណៈម៉ាឡេស៊ី ដែលឈ្នះទាំង៤ប្រកួត ទទួលបានកៅអីទៅវគ្គបន្តដោយស្វ័យប្រវត្តិ។ ដោយសារពូល G មាន៥ក្រុម លទ្ធផលនៃជំនួបជាមួយកោះម៉ារីយ៉ាណា ដែលជាក្រុមបាតតារាង មិនត្រូវបានរាប់បញ្ចូលឡើយ សម្រាប់ការប្រៀបធៀបក្រុមលេខ២ល្អបំផុតជាមួយ១០ពូលទៀត។
ការប្រកួតចំនួន៤លើករបស់កម្ពុជានៅក្នុងពូល G គឺចាញ់ម៉ាឡេស៊ី ៥-៤ ឈ្នះកោះម៉ារីយ៉ាណា ៩-០ ឈ្នះថៃ ២-១ និងឈ្នះព្រុយណេ ៣-០ ដោយទទួលបានចំណាត់ថ្នាក់លេខ២។ រីឯការប្រៀបធៀបចំណាត់ថ្នាក់លេខ២វិញ គឺកម្ពុជា មាន៦ពិន្ទុ (+៣) ផ្អែកលើលទ្ធផលឈ្នះថៃ ព្រុយណេ និងចាញ់ម៉ាឡេស៊ី។
កម្ពុជាក្រោមការដឹកនាំរបស់គ្រូបង្វឹកជប៉ុន Koji Gyotoku រង់ចាំអ៊ុតមើលលទ្ធផលនៃការប្រកួតរបស់ហ្ស៊កដានី និងយ៉េមែន នៅក្នុងពូលរៀងៗខ្លួនរបស់ពួកគេ។ ហ្ស៊កដានី បានរងនូវការខកចិត្តក្រោយបញ្ចប់លទ្ធផលត្រឹមស្មើ ១-១ ជាមួយបារ៉ែន ដែលធ្វើឲ្យពួកគេបានបាត់ឱកាសប្រជែងយកកៅអីលេខ២ល្អបំផុត តែយេម៉ែន បានរារាំងឱកាសរបស់កម្ពុជា ដោយពួកគេបានយកយកស្មើកាតា ១-១ ដើម្បីរក្សាការមានប្រៀបលើកម្ពុជា។
ឡាវ វៀតណាម យេម៉ែន និងអ៊ូសបេគីស្ថាន ជាក្រុមលេខ២ល្អបំផុតដែលទទួលបានកៅអីទៅវគ្គបន្ត រីឯកម្ពុជាឈរនៅលេខរៀងទី៥ជាបណ្តោះអាសន្ន ដោយរង់ចាំមើលលទ្ធផលនៃការប្រកួតនៅក្នុងពូល A ដែលត្រូវបានផ្លាស់ប្តូរទីកន្លែងប្រកួតពីអ៊ីរ៉ាក់ ទៅអូម៉ង់។ ដំបូងឡើយ អ៊ីរ៉ាក់ត្រូវធ្វើជាម្ចាស់ផ្ទះតាមកម្មវិធីប្រកួតដូចពូលដទៃ ប៉ុន្តែក្រោយចលនាបាតុកម្មនយោបាយនៅអ៊ីរ៉ាក់ ការប្រកួតត្រូវបានប្តូរទៅកាន់ទឹកដី អូម៉ង់វិញ ដែលប្រព្រឹត្តទៅចន្លោះពីថ្ងៃទី២២ ដល់ថ្ងៃទី៣០ ខែវិច្ឆិកា។
ក្រុមនៅក្នុងពូល A រួមមាន អ៊ីរ៉ាក់ អូម៉ង់ ប៉ាឡេស្ទីន គូវ៉ែត និងប៉ាគីស្ថាន។ ក្រុមលេខ១ នឹងឡើងទៅវគ្គបន្ត ខណៈក្រុមលេខ២ នឹងត្រូវយកទៅប្រៀបធៀបជាមួយកម្ពុជា។ ដោយសារពូលនេះ មាន៥ក្រុម ដូច្នេះលទ្ធផលជាមួយក្រុមបាតតារាង នឹងមិនត្រូវរាប់បញ្ចូលឡើយសម្រាប់តំណែងក្រុមលេខ២ល្អបំផុត។
ក្រុមដែលឡើងទៅរង់ចាំនៅជុំចុងក្រោយរួមមាន ក្រុមលេខ១ក្នុងពូលនីមួយៗ ដូចជា កាតា (ពូល B), តាហ្ស៊ីគីស្ថាន (ពូល C), អ៊ីរ៉ង់ (ពូល D), បារ៉ែន (ពូល E), អារ៉ាប៊ីសាអូឌីត (ពូល F), ម៉ាឡេស៊ី (ពូល G), អូស្ត្រាលី (ពូល H), កូរ៉េខាងត្បូង (ពូល I), ជប៉ុន (ពូល J), ឥណ្ឌូណេស៊ី (ពូល K)។ ឡាវ វៀតណាម យ៉េមែន និងអ៊ូសបេគីស្ថាន ជាក្រុមលេខ២ល្អបំផុត។ ដោយសារអ៊ូសបេគីស្ថានដែលជាម្ចាស់ផ្ទះស្ថិតក្នុងចំណោមក្រុមលេខល្អ ទើបចំនួនក្រុមត្រូវតម្លើងទៅចំនួន៥ ហើយលំដាប់ទី៥កំពុងគ្រប់គ្រងដោយកម្ពុជា ជាមួយនឹង៦ពិន្ទុ (+៣)៕
© រក្សាសិទ្ធិដោយ thmeythmey.com
