ដើម្បីអោយកូនៗរបស់យើងទទួលបានជោគជ័យក្នុងជីវិតរៀងៗខ្លួន អាណាព្យាបាលត្រូវតែដឹងពីតួនាទីរបស់ខ្លួនឯង កូនៗត្រូវតែដឹងពីតួនាទីរបស់ខ្លួនឯង និងសាលាត្រូវតែដឹងពីតួនាទីរបស់ខ្លួនឯង។ ក្នុងអត្ថបទនេះខ្ញុំនិងលើកឡើងតែតូនាទីរបស់អាណាព្យាបាលតែមួយមុខប៉ុណ្ណោះ។ ប៉ុន្តែសម្រាប់អត្ថបទក្រោយខ្ញុំនឹងបង្ហាញពីតួនាទីរបស់កូនៗ និងសាលា។
១. ធ្វើជាគំរួល្អ។បង្ហាញកូនៗរបស់អ្នក ប្រភេទមនុស្សដែលអ្នកចង់អោយធ្វើតាមពិតប្រាកដដើម្បីជាផ្លូវដ៏ល្អមួយដើម្បីតំឡើងគុណតម្លៃល្អៗសម្រាប់ពួកគាត់។
២. អនុវត្តសំដីដែលល្អៗ។ ពុកម្ដាយគួរប្រើពាក្យគួរសមអោយក្លាយទៅជាទម្លាប់ទោះក្នុងករណីពួកគាត់នៅជិតអ្នកក៏ដោយ។ វីធីនេះនឹងបង្កើតទៅជាទម្លាប់ល្អសម្រាប់ពួកគាត់ក្នុងការនិយាយពាក្យល្អៗនៅជុំវិញមនុស្ស។
៣. កុំអនុញ្ញាតអោយកូនៗរបស់អ្នកដើរផ្លូវកាត់ ឬផ្លូវងាយចេញពីឧបសគ្គ។ ការជួយឧបត្ថម្ភ ឬជ្រោមជ្រែងកូនៗរបស់អ្នកក្នុងខ្សែជីវិតរបស់ពួកគេគឺជាគំនិតល្អមួយ។ វានឹងធ្វើអោយពួកគេពឹងផ្អែកទៅលើអ្នកទាំងស្រុង។ យើងស្នើអោយអ្នកអនុញ្ញាតឱ្យគេបញ្ចប់នូវអ្វីដែលពូកគេចាប់ផ្ដើម ដូចជាកិច្ចការផ្ទះឬគម្រោងផ្សេងៗ។ អ្នកអាចបង្ហាញត្រឹមតែការគាំទ្រដោយផ្ដល់យោបល់ឬគំនិតខ្លះៗដល់ពួកគេ។ អនុញ្ញាតអោយពួកគាត់រៀនស្វែងយល់នៅពេលដែលពួកគាត់បរាជ័យ។
៤. គ្រប់គ្រងការប្រើប្រាស់ឧបករណ៍។ គ្មានអ្វីដែលអាចជជែកបានទេនៅទីនេះព្រោះនេះជាបញ្ហាទូទៅក្នុងចំណោមឪពុកម្ដាយ។
៥.ទទួលការចូលរួម។ ចំណាយពេលវេលាប្រកបដោយគុណភាពជាមួយគ្រួសាររបស់អ្នក។ ទទួលការចូលរួមរាល់សកម្មភាពជាមួយបទពិសោធន៍ផ្ទាល់ខ្លួនជាច្រើនរបស់ពួកគេ។ ចែករំលែក ការកើតទុក ការរីករាយ ការរំភើបចិត្តជាដើមដើម្បីធ្វើអោយចំណងរបស់អ្នកកាន់តែរឹងមាំជាងមុនបន្ថែមទៀត។
៦. កោតសរសើរនូវអាកប្បកិរិយាល្អ។
៧. សូមសួរកូនៗរបស់អ្នកជាទៀងទាត់ អំពីបញ្ហារបស់សាលា អត្ថបទនេះមិនគាំទ្រលោកគ្រូអ្នកគ្រូទាំងស្រុងនោះទេ។ ពេលខ្លះពួកគាត់បង្កើតកំហុសខ្លះក្នុងការដោះស្រាយបញ្ហាចំពោះសិស្សផងដែរ។ដូច្នេះជាចាំបាច់ណាស់ដែលឪពុកម្ដាយ ត្រូវសួរកូនៗរបស់ពួកគាត់អំពីអ្វីដែលនៅជុំវិញសាលារៀនរបស់គាត់។ វិធីនេះកុមារក៏អាចមានអារម្មណ៏ថាពួកគាត់កំពុងត្រូវបានគេយកចិត្តទុកដាក់។ នេះប្រាកដជាអាចនិងជួយអោយពួកគាត់មានអារម្មណ៏ជម្រុញខ្លាំងជាងមុននៅសាលារៀន ដោយផ្ដល់នូវអ្វីដែលខ្លាំងចេញទាំងអស់ពីសមត្ថភាពរបស់គាត់រាល់ពេល។
៨.ចំណាយពេលបន្តិចដើម្បីដឹងពីសកម្មភាពរបស់សាលារៀននិងធ្វើការតាមដាន។ វាជាការពិតរបស់ឪពុកម្ដាយដែលត្រូវដឹងអំពីអ្វីដែលកំពុងកើតឡើងនៅសាលារៀនដើម្បីអាចតាមដានសកម្មភាពរបស់ពួកគាត់។ ពេលខ្លះអាណាព្យាបាលមកសាលារៀនត្អូញត្អែរអំពីកូនរបស់ពួកគាត់ត្រឡប់មកផ្ទះយឺតឬរវល់និងកិច្ចការងាររបស់សាលារៀនដែលមិនចេះដាច់មិនចេះចប់។ តាមពិតទៅវាអាចជាការដោះសារ ឬក៏លេសរបស់កូនៗដើម្បីចេញពីផ្ទះ និងធ្វើសកម្មភាពផ្សេងទៀតដែលមិនទាក់ទងទៅនឹងការសិក្សា។
៩. សូមចូលរួមរាល់ការប្រជុំរវាងអាណាព្យាបាលនិងគ្រូ
ប្រសិនបើខាងសាលាអញ្ចើញអាណាព្យាបាលចូលរួមការប្រជុំរវាងអាណាព្យាបាលនិងគ្រូ សូមប្រាកដថាអ្នកទទួលពេលរឺក៏បង្កើតពេលអោយទៅខាងសាលាដើម្បីអោយគ្រូមានឱកាសដើម្បីប្រាប់រឿងទាក់ទងនិងរឿងសិក្សារឺក៏រឿងសំខាន់ៗដែលពាក់ព័ន្ធទៅនឹងកូនរបស់អ្នក។
១០.បង្រៀនកូនៗអោយគោរពគ្រូ។ ភាគច្រើនរបៀបដែលកូនប្រព្រឹត្តចំពោះគ្រូរបស់គាត់ និយាយច្រើនអំពីអ្នកជាឪពុកម្ដាយបែបណា។ បើសាលាមានស្តង់ដាមិនអីទេ ប៉ុន្តែអ្នកមិនអាចរំពឹងថាកូនរបស់អ្នកនិងអនុវត្តវិន័យនិងគោរពនៅសាលារៀនទេប្រសិនបើអ្នកមិនបង្រៀនវាដោយខ្លួនឯងនៅផ្ទះ។ ត្រូវប្រាកដថាកូនរបស់អ្នករៀនអនុវត្តរឿងសំខាន់ទាំងពីរនេះសម្រាប់ជាផ្លូវដ៏សំខាន់ដើម្បីទទួលបានជោគជ័យក្នុងឆាកជីវិតរបស់ពួកគាត់។
១១. ត្រូវប្រាកដថាកូនៗរបស់អ្នកដឹងថាការប្រព្រឹត្តខុសមានផលវិបាក។ នេះពិតជាសំខាន់ណាស់សំរាប់អាណាព្យាបាល។ កូនរបស់យើងនឹងមិនដែលដឹង ហើយនឹងមិនអនុវត្តវិន័យទេប្រសិនបើអ្នកមិនដោះស្រាយនិងចង្អុលបង្ហាញការប្រព្រត្តិខុសរបស់ពួកគេនោះទេ។ ពួកគេត្រូវតែយល់ថាមានតម្លៃស្មើគ្នាដែលពួកគេត្រូវបង់សម្រាប់រាល់ឥរិយាបថដែលមិនអាចទទួលយកបានដែលពួកគេអនុវត្តហើយពួកគែតែងតែទទួលខុសត្រូវចំពោះសកម្មភាពរបស់ពួកគេ។
បន្ទាប់ពីដឹងអំពីការដាក់គុណតម្លៃនិងជាគំរូដំបូងបង្អស់ដល់កូនៗខ្លួនឯងនិងតួនាទីខ្លះៗដែលធ្វើអោយកូនទទួលបានជោគជ័យ នៅក្នុងផ្នែកនេះដែលខ្ញុំសូមធ្វើបទបង្ហាញអំពីកំហុសឆ្គងមួយចំនួនដែលមានការយល់ច្រលំនិងទង្វើខុសឆ្គងមួយចំនួនរបស់អាណាព្យាបាល។ ឧទាហរណ៍ទី១-ឪពុកម្ដាយដែលអត់ធ្មត់និងអាកប្បកិរិយាមិនត្រឹមត្រូវរបស់កូនៗរបស់ពួកគេ ជាពិសេសនៅចំពោះមុខគ្រូ។ ឧទាហរណ៍ទី២-ឪពុកម្តាយដែលមិនខ្វល់ពីការសម្ដែងរបស់កូនៗពូកគេនៅក្នុងសាលារៀន។ ឧទាហរណ៍ទី៣-ឪពុកម្ដាយដែលមិនសហការជាមួយសកម្មភាពរបស់សាលារៀន។ ឧទាហរណ៍ទី៤-ឪពុកម្ដាយដែលមានក្ដីរំពឹងខ្ពស់ពីកូនៗរបស់ពួកគេហើយដែលមិនអាចទទួលយកការកម្រិតកូនរបស់ពួកគេ ដូច្នេះនាំអោយកុមារធ្វើខុសឬអនុវត្តអាក្រក់។
ជាទីបញ្ចប់ការដែលដឹងអំពីតួនាទីរបស់ខ្លួនជាអាណាព្យាបាលនៅក្នុងវិស័យអប់រំវាជាចលករមួយដ៏ធំសម្រាប់កូនៗរបស់យើងទទួលបានជោគជ័យនៅក្នុងឆាកជីវិតរបស់ពួកគេដើម្បីខ្លួនគាត់ ក្រុមគ្រួសារ សង្គម ប្រទេសជាតិ និងពិភពលោកទាំងមូល។ បន្ថែមពីនេះទៅទៀតនោះត្រូវជៀសវាងការយល់ច្រលំមួយចំនួនដែលបានរៀបរាប់នៅក្នុងឧទាហណ៍ខាងលើហើយ។
ដោយ លោក ជុំ សន្យា ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃសាលាកុលសម្ព័ន្ធ