ខ្មែរក្រហម
ជាតិ
ផ្តើមសវនាការបិទបញ្ចប់សំណុំរឿង០០២/០១ ខណៈសាលក្រមទី១អាចប្រកាសនៅឆ្នាំក្រោយ
×![]()
×![]()
ដោយ: ថ្មីៗ
សវនាការធ្វើសេចក្តីសន្និដ្ឋានបិទបញ្ចប់ការពិភាក្សាដេញដោលលើភស្តុតាងក្នុងសំណុំរឿង០០២/០១ បានចាប់ផ្តើមនៅថ្ងៃទី១៦ ខែតុលា ឆ្នាំ ២០១៣នេះ ដើម្បីឈានដល់ការបញ្ចប់ការជំនុំជម្រះក្តី និងប្រកាសសាលក្រមទី១លើសំណុំរឿងនេះដែលត្រូវគេរំពឹងថានឹងធ្វើឡើងនៅពាក់កណ្តាកឆ្នាំ២០។
មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជា លោក នេត្រ ភក្ត្រា បានថ្លែងថា សវនាការនេះគឺជាដំណាក់កាលសំខាន់មួយដែលភាគីពាក់ព័ន្ធនានានឹងត្រូវធ្វើសេចក្តីសន្និដ្ឋានរបស់ខ្លួនលើដំណើរការជំនុំជម្រះក្តីកន្លងមក ហើយក៏នឹងមានការធ្វើសេចក្តីសន្និដ្ឋានឆ្លើយតបរបស់ជនជាប់ចោទ និង មេធាវីរបស់ខ្លួនទៅលើបទចោទ
ប្រកាន់ទាំងឡាយប្រឆាំងនឹងជនជាប់ចោទផងដែរ។
លោក នេត្រ ភក្ត្រា បានឲ្យដឹងថា ការជំនុំជម្រះក្តីដែលកំពុងតែដំណើរការនេះផ្តោតទៅលើបទចោទនានាទាក់ទងនឹងឧក្រិដ្ឋកម្មប្រឆាំងនឹងមនុស្សជាតិដែលបានប្រព្រឹត្តឡើងនៅអំឡុងពេលជម្លៀសប្រជាជនដោយបង្ខំចំនួនពីរលើកពីទីក្រុងភ្នំពេញទៅកាន់តំបន់នានា ក៏ដូចជាការសម្លាប់រង្គាលលើសមាជិកនៃរបបលន់ ណុល នៅទួលពោធិ៍ជ្រៃនៅស្រុកកណ្តៀង ក្នុងខេត្តពោធិ៍សាត់។
លោកបន្តថា ការជំនុំជម្រះក្តីនេះក៏ពិចារណាផងដែរអំពីតួនាទីរបស់ជនជាប់ចោទនៅក្នុងរបបកម្ពុជាប្រជាធិបតេយ្យ រាប់បញ្ចូលទាំងការបង្កើត និងការដាក់ឲ្យអនុវត្តនូវគោលនយោបាយរបស់របបនេះ ដែលបានលើកឡើងទាក់ទងនឹងការចោទប្រកាន់ ដែលមាននៅក្នុងដីកាដំណោះស្រាយ។
ការជំនុំជម្រះក្តីផ្នែកទី ១ នៅក្នុងសំណុំរឿង ០០២ ដែលគេស្គាល់ថា ជាសំណុំរឿង ០០២/០១ បានចាប់ផ្តើមឡើងនៅថ្ងៃទី២១ ខែវិច្ឆិកា ឆ្នាំ ២០១១ ជាមួយការធ្វើសេចក្តីសន្និដ្ឋានបើកការសួរដេញដោលធ្វើឡើងដោយសហព្រះរាជអាជ្ញា និងមេធាវីតំណាងដើមបណ្តឹងរដ្ឋប្បវេណី និងជនជាប់ចោទ។
ដំណើរការជំនុំជម្រះក្តីនេះបានប្រើរយៈពេល ២០ ខែដោយផ្តោតលើសវនាការលើភ័ស្តុតាង ដែលបានបញ្ចប់កាលពីថ្ងៃទី២៣ ខែកក្កដា ឆ្នាំ២០១៣ ។ ឥឡូវការជំនុំជម្រះក្តីនេះត្រូវបានរំពឹងថានឹងអាចបញ្ចប់ជាមួយការធ្វើសេចក្តីសន្និដ្ឋាន បិទបញ្ចប់ ការសួរដេញដោលនៅអំឡុងខែតុលា ឆ្នាំ ២០១៣ ហើយការប្រកាសសាលក្រមរំពឹងថា នឹងធ្វើឡើងនៅពាក់កណ្តាលឆ្នាំ ២០១៤ ខាងមុខនេះ។
បើតាមមន្ត្រីនាំពាក្យសាលាក្តីខ្មែរក្រហម នៅក្នុងអំឡុងពេលនៃការជំនុំជម្រះក្តីផ្នែកទី១ នៃសំណុំរឿង ០០២ អង្គជំនុំជម្រះសាលាដំបូងបានបើកសវនាការរយៈពេល ២១២ ថ្ងៃ ដោយបានស្តាប់ការផ្តល់សក្ខីកម្ម មនុស្ស ចំនួន ៩២រូប ដែលរួមមានអ្នកជំនាញចំនួន ៣ រូប សាក្សីចំនួន ៥៣រូប សាក្សីអត្តចរិតចំនួន ៥ រូប និងដើម បណ្តឹងរដ្ឋប្បវេណីចំនួន ៣១ រូប ហើយក៏បានពិនិត្យទៅលើសំណុំឯកសារជាច្រើនពាន់ទំព័រ ទាក់ទងនឹងប្រវត្តិ រចនាសម្ព័ន្ធរដ្ឋបាល និងទំនាក់ទំនងការងារនៃរបបកម្ពុជាប្រជាធិបតេយ្យ រចនាសម្ព័ន្ធយោធាខ្មែរក្រហម ការ ជម្លៀសប្រជាជនដោយបង្ខំ និងការសម្លាប់លើអតីតមន្ត្រីរដ្ឋការ លន់ ណុល។
នៅសវនាការថ្ងៃទី១៦ ខែតុលា ភាគីដើមបណ្តឹងរដ្ឋប្បីបានធ្វើសេចក្តីសន្និដ្ឋានរបស់ខ្លួនមុនគេដោយបានលើកឡើងពីការរងទុក្ខវេទនារបស់ប្រជាជនខ្មែរនៅក្រោមរបបខ្មែរក្រហម។ មេធាវីតំណាងដើមបណ្តឹង រដ្ឋប្បវេណីក៏បានរៀបរាប់អំពីឆាកឈុតនៃការធ្វើទារុណ ការសម្លាប់ ការសម្លាប់របស់ប្រជាពលរដ្ឋខ្មែរ និង ការរងទុក្ខវេទនាដោយសារតែការជម្លៀសប្រជាជនចេញពីទីក្រុងភ្នំពេញ ការអត់អាហារ ការធ្វើទុក្ខបុកម្នេញ លើសាសនានៅកម្ពុជា ព្រមទាំងការបង្ខំឲ្យធ្វើការងារ។ ទន្ទឹមនឹងលើកឡើងការរងទុក្ខ និងផលប៉ះពាល់ចេញ ពីការដឹកនាំរបស់ក្រុមខ្មែរក្រហម ក្រុមមេធាវីដើមបណ្តឹងរដ្ឋប្បវេណីបានស្នើសុំឲ្យអង្គជំនុំជម្រះផ្តន្ទាទោសជន ជាប់ចោទ នួន ជា និងខៀវ សំផន។
លោក នេត្រ ភក្ត្រា បានថ្លែងឲ្យដឹងថា ក្រុមមេធាវីការពារក្តីឲ្យដើមបណ្តឹងរដ្ឋប្បវេណីនឹងស្នើសុំសំណងទៅកាន់អង្គជំនុំជម្រះសាលាដំបូង។ បន្ទាប់ពីភាគីដើមបណ្តឹងរដ្ឋប្បវេណី គឺសហព្រះរាជអាជ្ញានឹងធ្វើសេចក្តី សន្និដ្ឋានរបស់ខ្លួន ដែលក្នុងឱកាសនោះ ព្រះរាជអាជ្ញានឹងស្នើសុំដល់អង្គជំនុំជម្រះធ្វើការថ្កោលទោសចំពោះ ជនជាប់ចោទ។
រីឯភាគីជនជាប់ចោទ និងក្រុមមេធាវីការពារក្តីនឹងធ្វើសេចក្តីសន្និដ្ឋានឆ្លើយតបទៅលើការលើក ឡើងរបស់ភាគីដើមបណ្តឹងរដ្ឋប្បវេណី និងសហព្រះរាជអាជ្ញា។ លោកនេត្រ ភក្ត្រា បានបន្ថែមថា ជនជាប់ចោទ នួន ជា ដែលមានអាយុ ៨៧ ឆ្នាំ និងខៀវ សំផន មានអាយុ ៨២ ឆ្នាំ ត្រូវបានគេរំពឹងថានឹងអាចធ្វើសេចក្តីថ្លែងការណ៍ដោយផ្ទាល់ផងដែរទៅកាន់ អង្គជំនុំជម្រះសាលាដំបូង៕
មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជា លោក នេត្រ ភក្ត្រា បានថ្លែងថា សវនាការនេះគឺជាដំណាក់កាលសំខាន់មួយដែលភាគីពាក់ព័ន្ធនានានឹងត្រូវធ្វើសេចក្តីសន្និដ្ឋានរបស់ខ្លួនលើដំណើរការជំនុំជម្រះក្តីកន្លងមក ហើយក៏នឹងមានការធ្វើសេចក្តីសន្និដ្ឋានឆ្លើយតបរបស់ជនជាប់ចោទ និង មេធាវីរបស់ខ្លួនទៅលើបទចោទ
ប្រកាន់ទាំងឡាយប្រឆាំងនឹងជនជាប់ចោទផងដែរ។
លោក នេត្រ ភក្ត្រា បានឲ្យដឹងថា ការជំនុំជម្រះក្តីដែលកំពុងតែដំណើរការនេះផ្តោតទៅលើបទចោទនានាទាក់ទងនឹងឧក្រិដ្ឋកម្មប្រឆាំងនឹងមនុស្សជាតិដែលបានប្រព្រឹត្តឡើងនៅអំឡុងពេលជម្លៀសប្រជាជនដោយបង្ខំចំនួនពីរលើកពីទីក្រុងភ្នំពេញទៅកាន់តំបន់នានា ក៏ដូចជាការសម្លាប់រង្គាលលើសមាជិកនៃរបបលន់ ណុល នៅទួលពោធិ៍ជ្រៃនៅស្រុកកណ្តៀង ក្នុងខេត្តពោធិ៍សាត់។
លោកបន្តថា ការជំនុំជម្រះក្តីនេះក៏ពិចារណាផងដែរអំពីតួនាទីរបស់ជនជាប់ចោទនៅក្នុងរបបកម្ពុជាប្រជាធិបតេយ្យ រាប់បញ្ចូលទាំងការបង្កើត និងការដាក់ឲ្យអនុវត្តនូវគោលនយោបាយរបស់របបនេះ ដែលបានលើកឡើងទាក់ទងនឹងការចោទប្រកាន់ ដែលមាននៅក្នុងដីកាដំណោះស្រាយ។
ការជំនុំជម្រះក្តីផ្នែកទី ១ នៅក្នុងសំណុំរឿង ០០២ ដែលគេស្គាល់ថា ជាសំណុំរឿង ០០២/០១ បានចាប់ផ្តើមឡើងនៅថ្ងៃទី២១ ខែវិច្ឆិកា ឆ្នាំ ២០១១ ជាមួយការធ្វើសេចក្តីសន្និដ្ឋានបើកការសួរដេញដោលធ្វើឡើងដោយសហព្រះរាជអាជ្ញា និងមេធាវីតំណាងដើមបណ្តឹងរដ្ឋប្បវេណី និងជនជាប់ចោទ។
ដំណើរការជំនុំជម្រះក្តីនេះបានប្រើរយៈពេល ២០ ខែដោយផ្តោតលើសវនាការលើភ័ស្តុតាង ដែលបានបញ្ចប់កាលពីថ្ងៃទី២៣ ខែកក្កដា ឆ្នាំ២០១៣ ។ ឥឡូវការជំនុំជម្រះក្តីនេះត្រូវបានរំពឹងថានឹងអាចបញ្ចប់ជាមួយការធ្វើសេចក្តីសន្និដ្ឋាន បិទបញ្ចប់ ការសួរដេញដោលនៅអំឡុងខែតុលា ឆ្នាំ ២០១៣ ហើយការប្រកាសសាលក្រមរំពឹងថា នឹងធ្វើឡើងនៅពាក់កណ្តាលឆ្នាំ ២០១៤ ខាងមុខនេះ។
បើតាមមន្ត្រីនាំពាក្យសាលាក្តីខ្មែរក្រហម នៅក្នុងអំឡុងពេលនៃការជំនុំជម្រះក្តីផ្នែកទី១ នៃសំណុំរឿង ០០២ អង្គជំនុំជម្រះសាលាដំបូងបានបើកសវនាការរយៈពេល ២១២ ថ្ងៃ ដោយបានស្តាប់ការផ្តល់សក្ខីកម្ម មនុស្ស ចំនួន ៩២រូប ដែលរួមមានអ្នកជំនាញចំនួន ៣ រូប សាក្សីចំនួន ៥៣រូប សាក្សីអត្តចរិតចំនួន ៥ រូប និងដើម បណ្តឹងរដ្ឋប្បវេណីចំនួន ៣១ រូប ហើយក៏បានពិនិត្យទៅលើសំណុំឯកសារជាច្រើនពាន់ទំព័រ ទាក់ទងនឹងប្រវត្តិ រចនាសម្ព័ន្ធរដ្ឋបាល និងទំនាក់ទំនងការងារនៃរបបកម្ពុជាប្រជាធិបតេយ្យ រចនាសម្ព័ន្ធយោធាខ្មែរក្រហម ការ ជម្លៀសប្រជាជនដោយបង្ខំ និងការសម្លាប់លើអតីតមន្ត្រីរដ្ឋការ លន់ ណុល។
នៅសវនាការថ្ងៃទី១៦ ខែតុលា ភាគីដើមបណ្តឹងរដ្ឋប្បីបានធ្វើសេចក្តីសន្និដ្ឋានរបស់ខ្លួនមុនគេដោយបានលើកឡើងពីការរងទុក្ខវេទនារបស់ប្រជាជនខ្មែរនៅក្រោមរបបខ្មែរក្រហម។ មេធាវីតំណាងដើមបណ្តឹង រដ្ឋប្បវេណីក៏បានរៀបរាប់អំពីឆាកឈុតនៃការធ្វើទារុណ ការសម្លាប់ ការសម្លាប់របស់ប្រជាពលរដ្ឋខ្មែរ និង ការរងទុក្ខវេទនាដោយសារតែការជម្លៀសប្រជាជនចេញពីទីក្រុងភ្នំពេញ ការអត់អាហារ ការធ្វើទុក្ខបុកម្នេញ លើសាសនានៅកម្ពុជា ព្រមទាំងការបង្ខំឲ្យធ្វើការងារ។ ទន្ទឹមនឹងលើកឡើងការរងទុក្ខ និងផលប៉ះពាល់ចេញ ពីការដឹកនាំរបស់ក្រុមខ្មែរក្រហម ក្រុមមេធាវីដើមបណ្តឹងរដ្ឋប្បវេណីបានស្នើសុំឲ្យអង្គជំនុំជម្រះផ្តន្ទាទោសជន ជាប់ចោទ នួន ជា និងខៀវ សំផន។
លោក នេត្រ ភក្ត្រា បានថ្លែងឲ្យដឹងថា ក្រុមមេធាវីការពារក្តីឲ្យដើមបណ្តឹងរដ្ឋប្បវេណីនឹងស្នើសុំសំណងទៅកាន់អង្គជំនុំជម្រះសាលាដំបូង។ បន្ទាប់ពីភាគីដើមបណ្តឹងរដ្ឋប្បវេណី គឺសហព្រះរាជអាជ្ញានឹងធ្វើសេចក្តី សន្និដ្ឋានរបស់ខ្លួន ដែលក្នុងឱកាសនោះ ព្រះរាជអាជ្ញានឹងស្នើសុំដល់អង្គជំនុំជម្រះធ្វើការថ្កោលទោសចំពោះ ជនជាប់ចោទ។
រីឯភាគីជនជាប់ចោទ និងក្រុមមេធាវីការពារក្តីនឹងធ្វើសេចក្តីសន្និដ្ឋានឆ្លើយតបទៅលើការលើក ឡើងរបស់ភាគីដើមបណ្តឹងរដ្ឋប្បវេណី និងសហព្រះរាជអាជ្ញា។ លោកនេត្រ ភក្ត្រា បានបន្ថែមថា ជនជាប់ចោទ នួន ជា ដែលមានអាយុ ៨៧ ឆ្នាំ និងខៀវ សំផន មានអាយុ ៨២ ឆ្នាំ ត្រូវបានគេរំពឹងថានឹងអាចធ្វើសេចក្តីថ្លែងការណ៍ដោយផ្ទាល់ផងដែរទៅកាន់ អង្គជំនុំជម្រះសាលាដំបូង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
