COVID-19
ជាតិ
COVID-19៖ សម្តេច ហ៊ុន សែន ស្នើអាស៊ានសិក្សាពីភាពជោគជ័យរបស់ចិន និងកូរ៉េខាងត្បូង
×![]()
ដោយ: ថ្មីៗ
ក្រោមការរៀបចំរបស់លោកនាយករដ្ឋមន្ត្រីវៀតណាម ង្វៀន សួនហ្វុក ប្រមុខរដ្ឋាភិបាលអាស៊ាន បានបន្តកិច្ចប្រជុំកំពូលបូកបីពិសេសបន្ថែមទៀតនារសៀលថ្ងៃទី១៤ ខែមេសា នេះ ជាមួយថ្នាក់ដឹកនាំចិន កូរ៉េខាងត្បូង និងជប៉ុន។ ក្នុងកិច្ចប្រជុំតាមប្រព័ន្ធវីដេអូ (Video-Conference) មេដឹកនាំអាស៊ាន និងប្រទេសដៃគូបីទៀត បន្តផ្តោតលើយុទ្ធនាការប្រយុទ្ធប្រឆាំងកូវីដ-១៩។
ពីវិមានសន្តិភាព សម្តេចនាយករដ្ឋមន្ត្រី ហ៊ុន សែន បានគូសបញ្ជាក់ពីកិច្ចប្រឹងប្រែងរបស់បណ្តាមេដឹកនាំប្រជាជាតិអាស៊ីអាគ្នេយ៍ អង្គការសុខភាពពិភពលោក ក៏ដូចជាចិន កូរ៉េខាងត្បូង និងជប៉ុន លើការទប់ស្កាត់ការរាលដាលនៃជំងឺកូវីដ-១៩។
សម្តេចបានកត់សម្គាល់ពីការងារប្រកបដោយវិជ្ជាជីវៈរបស់តំណាង WHO ប្រចាំនៅកម្ពុជា ហើយថ្លែងការអរគុណដល់រដ្ឋាភិបាលចិន និងជប៉ុន ដែលបានជួយដល់កម្ពុជា។ បើតាមសម្តេច ចិនបានបញ្ជូនជំនាញការសុខាភិបាលទាំងស៊ីវិល និងយោធា រួមទាំងបរិក្ខារពេទ្យ និងម៉ាស់ រីឯជប៉ុន បានសន្យាផ្តល់ហិរញ្ញប្បទានឥតសំណងប្រមាណ២០លានដុល្លារអាមេរិក ដែលនឹងផ្តោតលើការទិញសម្ភារបរិក្ខារពេទ្យ ថ្នាំ និងរថយន្តសង្គ្រោះបន្ទាន់។
ជាមួយគ្នានេះ ប្រមុខរដ្ឋាភិបាលកម្ពុជា បានស្នើដល់មេដឹកនាំអាស៊ានសិក្សាពីភាពជោគជ័យលើការទប់ស្កាត់ការរាលដាល COVID-19 របស់ចិន និងកូរ៉េខាងត្បូង។ ចិនដែលផ្ទុះករណីដំបូងគេ បានធ្លាក់ចំណាត់ជាលំដាប់លើករណីឆ្លង និងស្លាប់ រីឯកូរ៉េខាងត្បូង ក៏កាន់តែបោះជំហានទៅមុខគួរឲ្យកត់សម្គាល់ផងដែរ។
គិតត្រឹមវេលាម៉ោង៦ល្ងាចថ្ងៃអង្គារ ទី១៤ ខែមេសា នេះ ប្រទេសទាំង១០នៅអាស៊ាន រួមទាំងទីម័រខាងកើត មានករណីឆ្លងជាង២ម៉ឺន ក្នុងនោះស្លាប់ជិត៨៥០នាក់ និងជាសះស្បើយជាង៥ពាន់នាក់។
បច្ចុប្បន្ន ចិនធ្លាក់ទៅជាប្រទេសលំដាប់ទី៧ដែលមានករណីឆ្លង ដោយមានជាង៨២០០០នាក់ ស្លាប់ជាង៣៣០០នាក់ និងសះស្បើយជិត៧៨០០០នាក់ ពោលគឺអត្រាសះស្បើយមានដល់ទៅ៩៤ភាគរយ។ រីឯកូរ៉េខាងត្បូង ដែលដំបូងឡើយស្ថិតនៅចំណាត់ថ្នាក់ខ្ពស់ស្មើចិន បានធ្លាក់ជាលំដាប់ ដោយមានករណីឆ្លងជាង១ម៉ឺន ស្លាប់ជាង២០០នាក់ និងសះស្បើយជាង៧៥០០នាក់។
នាឱកាសនោះផងដែរ សម្តេច ហ៊ុន សែន បានចែករំលែកទស្សនៈ៥ចំណុចលើការទប់ស្កាត់កូវីដ-១៩ រួមមាន ការចែករំលែកបទពិសោធន៍ សុវត្ថិភាពអាយុជីវិតជាចម្បង កាត់បន្ថយហានិភ័យសេដ្ឋកិច្ច ករណីតំបន់អាស៊ីបូព៌ា និងពង្រឹងការតភ្ជាប់ផ្នែកឌីជីថល៕
ពីវិមានសន្តិភាព សម្តេចនាយករដ្ឋមន្ត្រី ហ៊ុន សែន បានគូសបញ្ជាក់ពីកិច្ចប្រឹងប្រែងរបស់បណ្តាមេដឹកនាំប្រជាជាតិអាស៊ីអាគ្នេយ៍ អង្គការសុខភាពពិភពលោក ក៏ដូចជាចិន កូរ៉េខាងត្បូង និងជប៉ុន លើការទប់ស្កាត់ការរាលដាលនៃជំងឺកូវីដ-១៩។
សម្តេចបានកត់សម្គាល់ពីការងារប្រកបដោយវិជ្ជាជីវៈរបស់តំណាង WHO ប្រចាំនៅកម្ពុជា ហើយថ្លែងការអរគុណដល់រដ្ឋាភិបាលចិន និងជប៉ុន ដែលបានជួយដល់កម្ពុជា។ បើតាមសម្តេច ចិនបានបញ្ជូនជំនាញការសុខាភិបាលទាំងស៊ីវិល និងយោធា រួមទាំងបរិក្ខារពេទ្យ និងម៉ាស់ រីឯជប៉ុន បានសន្យាផ្តល់ហិរញ្ញប្បទានឥតសំណងប្រមាណ២០លានដុល្លារអាមេរិក ដែលនឹងផ្តោតលើការទិញសម្ភារបរិក្ខារពេទ្យ ថ្នាំ និងរថយន្តសង្គ្រោះបន្ទាន់។
ជាមួយគ្នានេះ ប្រមុខរដ្ឋាភិបាលកម្ពុជា បានស្នើដល់មេដឹកនាំអាស៊ានសិក្សាពីភាពជោគជ័យលើការទប់ស្កាត់ការរាលដាល COVID-19 របស់ចិន និងកូរ៉េខាងត្បូង។ ចិនដែលផ្ទុះករណីដំបូងគេ បានធ្លាក់ចំណាត់ជាលំដាប់លើករណីឆ្លង និងស្លាប់ រីឯកូរ៉េខាងត្បូង ក៏កាន់តែបោះជំហានទៅមុខគួរឲ្យកត់សម្គាល់ផងដែរ។
គិតត្រឹមវេលាម៉ោង៦ល្ងាចថ្ងៃអង្គារ ទី១៤ ខែមេសា នេះ ប្រទេសទាំង១០នៅអាស៊ាន រួមទាំងទីម័រខាងកើត មានករណីឆ្លងជាង២ម៉ឺន ក្នុងនោះស្លាប់ជិត៨៥០នាក់ និងជាសះស្បើយជាង៥ពាន់នាក់។
បច្ចុប្បន្ន ចិនធ្លាក់ទៅជាប្រទេសលំដាប់ទី៧ដែលមានករណីឆ្លង ដោយមានជាង៨២០០០នាក់ ស្លាប់ជាង៣៣០០នាក់ និងសះស្បើយជិត៧៨០០០នាក់ ពោលគឺអត្រាសះស្បើយមានដល់ទៅ៩៤ភាគរយ។ រីឯកូរ៉េខាងត្បូង ដែលដំបូងឡើយស្ថិតនៅចំណាត់ថ្នាក់ខ្ពស់ស្មើចិន បានធ្លាក់ជាលំដាប់ ដោយមានករណីឆ្លងជាង១ម៉ឺន ស្លាប់ជាង២០០នាក់ និងសះស្បើយជាង៧៥០០នាក់។
នាឱកាសនោះផងដែរ សម្តេច ហ៊ុន សែន បានចែករំលែកទស្សនៈ៥ចំណុចលើការទប់ស្កាត់កូវីដ-១៩ រួមមាន ការចែករំលែកបទពិសោធន៍ សុវត្ថិភាពអាយុជីវិតជាចម្បង កាត់បន្ថយហានិភ័យសេដ្ឋកិច្ច ករណីតំបន់អាស៊ីបូព៌ា និងពង្រឹងការតភ្ជាប់ផ្នែកឌីជីថល៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
