បទយកការណ៍ / បទសម្ភាសន៍
ជាតិ
×![]()
×![]()
ដោយ: ថ្មីៗ
កសិករមួយក្រុមតូចនៅក្នុងខេត្តតាកែវកំពុងបានសាកល្បងវិធីសាស្ត្រស្ទូងស្រូវមួយប្រភេទដែលបង្ហាញថាបានទទួលជោគជ័យនៅក្នុងបណ្តាប្រទេសជាច្រើននៅក្នុងតំបន់នេះ។ លើសពីការផលិតបានទិន្នផលខ្ពស់ទៀតនោះ បច្ចេកទេសបោះសន្ទូងឡើងលើនេះ កាត់បន្ថយនូវ ការចំណាយលើកម្លាំងពលកម្ម និងជាពិសេសគឺបញ្ជៀសការឈឺខ្នងចង្កេះតែម្តង។
អ្នកដែលធ្លាប់មើលល្បែងទាត់សីនៅប្រទេសខ្មែរ គឺចាប់អារម្មណ៍ត្រង់ថា នៅ ពេលដែលអ្នកលេងសីទាត់សីឲ្យគ្នាទៅវិញទៅមក គឺសីតែងតែធ្លាក់សំយុងក្បាលចុះទៅមុន។ វិធីបែបនេះត្រូវបានគេប្រើនៅពេលស្ទូងស្រូវ គឺដោយគ្រាន់តែបោះសន្ទូងឡើងលើប៉ុណ្ណោះ។
ទោះបីជាវិធីនេះត្រូវបានគេប្រើប្រាស់ជាច្រើនឆ្នាំកន្លងមកនៅក្នុងប្រទេសចិនក៏ដោយ ក៏វិធីនេះ ទើបតែត្រូវគេយកមកអនុវត្តនៅក្នុងប្រទេសកម្ពុជាប៉ុណ្ណោះ បន្ទាប់ពីកសិករមួយក្រុមតូចមកពី ខេត្តតាកែវបានទទួលវគ្គបណ្តុះបណ្តាលនៅប្រទេសថៃតាមរយៈការផ្តល់មូលនិធិពីមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD)។
កសិករម្នាក់ដែលបានចូលរួមវគ្គបណ្តុះបណ្តាលនេះគឺលោក នាស សំរឿង។ ចាប់តាំងពីវិល ត្រឡប់មកភូមិត្រពាំងក្នុងស្រុកត្រាំកក់វិញ កសិកររូបនេះកំពុងតែសាកល្បងបច្ចេកទេសថ្មីនេះ នៅលើផ្ទៃដីស្រែចំនួន៣ហិកតារបស់គាត់។
នៅពីមុខផ្ទះរបស់គាត់ កសិករមានអាយុ៥១ឆ្នាំ រូបនេះបានបង្កើតថ្នាលបណ្តុះសំណាបដែលគាត់បានរៀបចំផ្ទាំងប្លាស្ទិកដែលអាចបត់បាន និង មានរណ្តៅតូចៗនៅពាសពេញ ហើយរណ្តៅនីមួយៗមានសំណាបមួយដើមដុះជាប់ក្នុងដុំដី មួយដុំៗ ។
បាតថ្នាលមានប្រហោងនៅក្រោមដើម្បីធ្វើឲ្យមានសំណើមជ្រាបទឹកនិងជីវជាតិចេញចូលបានត្រឹមត្រូវ។ ខណៈពេលពន្យល់អំពីបច្ចេកទេសនេះ កសិកររូបនេះបានលើកបន្ទះថ្នាលមួយផ្ទាំង ដោយក្តីសប្បាយរីករាយដូចនឹងកូនក្មេងដែលទទួលបានតុក្កតាថ្មីមួយអ៊ីចឹងដែរ ហើយក៏បាន ដើរតម្រង់ទៅកាន់វាលស្រែដែលមានទឹកដក់របស់គាត់។
នៅពេលដើរទៅដល់វាលស្រែ គាត់ប្រឡេះដីមួយដុំម្តងៗចេញពីផ្ទាំងថ្នាលហើយបោះឡើង លើនៅពីមុខគាត់ គឺដូចគ្នានឹងការព្រោះស្រូវដែរ។ "សី" របស់គាត់ហោះឡើងលើ ដាំក្បាល ត្រឡប់ចុះឡើងហើយក៏ដាំក្បាលចុះទៅជាប់ក្នុងដីសើមផុសៗតែម្តង។
នៅពេលបង្ហាញអំពី បច្ចេកទេសបោះសន្ទូងនៅក្នុងស្រែនោះ កសិកររូបនេះបាននិយាយថា"កាលពីមុន ត្រូវការ មនុស្សប្រាំនាក់ដើម្បីស្ទូងសន្ទូងទាំងនោះក្នុងរយៈពេលកន្លះថ្ងៃ ប៉ុន្តែឥឡូវនេះ ខ្ញុំប្រើតែម នុស្សពីរនាក់ប៉ុណ្ណោះ ហើយប្រើពេលមិនលើសពីមួយម៉ោងឬពីរម៉ោងផង ក៏ហើយអស់តែម្តង។ ដោយសារតែឈ្នួលស្ទូងស្រូវថ្លៃ២២,០០០រៀល ឬ៥.៥០ដុល្លារអាមេរិកក្នុងម្នាក់ៗ នោះពុំចំ ណេញអ្វីឡើយ។
លោកសំរឿងគឺជាកសិករម្នាក់ក្នុងចំណោមកសិករផ្សេងទៀតដែលពាក់ព័ន្ធនឹងគម្រោងសម្រាប់អភិវឌ្ឍន៍កសិកម្ម និងការផ្តល់អំណាចសេដ្ឋកិច្ច (PADEE) ដែលឧបត្ថម្ភមូលនិធិដោយមូលនិធិ អន្តរជាតិសម្រាប់អភិវឌ្ឍន៍កសិកម្ម។ នេះជាផ្នែកមួយនៃគម្រោងដែលកសិកររូបនេះ បាន ចូលរួមវគ្គ បណ្តុះបណ្តាលនៅក្នុងប្រទេសថៃ ហើយបានទទួលការបណ្តុះបណ្តាលបន្ថែមទៀត តាមរយៈសាជីវកម្មប្រូកាសឺគឺជាអង្គការអន្តរជាតិមួយមិនស្វែងរកប្រាក់កម្រៃ ដែលធ្វើការដើម្បី កាត់បន្ថយភាពក្រីក្រតាមជនបទ។
លោកអារៀល ហាល់ពឺន គឺជាអ្នកសម្របសម្រួល កម្មវិធីម្នាក់របស់អង្គការក្នុងបណ្តាអ្នកសម្របសម្រួលកម្មវិធីផ្សេងទៀតប្រចាំនៅខេត្តឈៀងម៉ៃ ប្រទេសថៃបានមានប្រសាសន៍នៅក្នុងកិច្ចសម្ភាសតាមរយៈអ៊ីម៉េលថា ក្រៅពីប្រទេសចិន "ក៏មានប្រទេសហ្វីលីពីន បាគីស្ថាន ស្រីលង្កា ឥណ្ឌា និងប្រទេសថៃផងដែរ ដែលបាន អនុវត្តយ៉ាងជោគជ័យនូវបច្ចេកទេសនេះ គឺកាត់បន្ថយកម្លាំងពលកម្ម និងធ្វើឲ្យប្រសើរ ឡើងនូវទិន្នផលទៀតផង”
កាសែតបាគីស្ថានប្រចាំថ្ងៃឈ្មោះឌនបានរាយការណ៍នៅក្នុងឆ្នាំ២០០៦ថា បច្ចេកទេសនាំមុខ នេះបានធ្វើឲ្យរុក្ខជាតិលូតលាស់រហូតដល់កម្ពស់២០សង់ទីម៉ែត្រក្នុងរយៈពេលពី២០ដល់២៥ថ្ងៃប៉ុណ្ណោះបើប្រៀបធៀបនឹងវិធីផ្សេងទៀត វាអាចប្រើពេលពី៣០ទៅដល់៤០ថ្ងៃឯណោះ។
“លើសពីនេះទៅទៀត បច្ចេកទេសបោះសន្ទូងឡើងលើ គឺធ្វើឲ្យចំណេញដីដាំដុះ និងចំណេញកម្លាំងពលកម្ម ហើយក៏ធ្វើឲ្យសន្ទូងដុះលូតបានលឿនជាងមុន។សន្ទូងចាប់ផ្តើមចាប់ឫសយ៉ាង លឿន។ លទ្ធផលស្រដៀងគ្នានេះដែរត្រូវបានរកឃើញដោយលោក រូឌុលហ្វូ កាស្ត្រូល ដែលបានធ្វើការស្រាវជ្រាវប្រៀបធៀបគ្នាមួយក្នុងឆ្នាំ២០០៦ ។
បន្ថែមលើការការដុះបណ្តូលសន្ទូងលូតថ្លោសល្អនោះ "បច្ចេកទេសបោះសន្ទូងឡើងលើ" ផលិត បានទិន្នផលខ្ពស់ និងរកបានប្រាក់ចំណូលច្រើនជាងវិធីស្ទូងស្រូវដោយដៃនិងគ្រឿងចក្រទៅ ទៀត។ វិធីសាស្ត្រនេះគួរធ្វើឲ្យកសិករមួយចំនួនធំជឿទុកចិត្ត ហើយនឹងពង្រីកការប្រើ បច្ចេកទេសនេះឲ្យកាន់តែច្រើនឡើងៗនៅក្នុងប្រទេសកម្ពុជា៕
អត្ថបទ ដោយ Francois Gerles (មូលនិធិអន្តរជាតិសម្រាប់អភិវឌ្ឍន៍កសិកម្ម)
អ្នកដែលធ្លាប់មើលល្បែងទាត់សីនៅប្រទេសខ្មែរ គឺចាប់អារម្មណ៍ត្រង់ថា នៅ ពេលដែលអ្នកលេងសីទាត់សីឲ្យគ្នាទៅវិញទៅមក គឺសីតែងតែធ្លាក់សំយុងក្បាលចុះទៅមុន។ វិធីបែបនេះត្រូវបានគេប្រើនៅពេលស្ទូងស្រូវ គឺដោយគ្រាន់តែបោះសន្ទូងឡើងលើប៉ុណ្ណោះ។
ទោះបីជាវិធីនេះត្រូវបានគេប្រើប្រាស់ជាច្រើនឆ្នាំកន្លងមកនៅក្នុងប្រទេសចិនក៏ដោយ ក៏វិធីនេះ ទើបតែត្រូវគេយកមកអនុវត្តនៅក្នុងប្រទេសកម្ពុជាប៉ុណ្ណោះ បន្ទាប់ពីកសិករមួយក្រុមតូចមកពី ខេត្តតាកែវបានទទួលវគ្គបណ្តុះបណ្តាលនៅប្រទេសថៃតាមរយៈការផ្តល់មូលនិធិពីមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD)។
កសិករម្នាក់ដែលបានចូលរួមវគ្គបណ្តុះបណ្តាលនេះគឺលោក នាស សំរឿង។ ចាប់តាំងពីវិល ត្រឡប់មកភូមិត្រពាំងក្នុងស្រុកត្រាំកក់វិញ កសិកររូបនេះកំពុងតែសាកល្បងបច្ចេកទេសថ្មីនេះ នៅលើផ្ទៃដីស្រែចំនួន៣ហិកតារបស់គាត់។
នៅពីមុខផ្ទះរបស់គាត់ កសិករមានអាយុ៥១ឆ្នាំ រូបនេះបានបង្កើតថ្នាលបណ្តុះសំណាបដែលគាត់បានរៀបចំផ្ទាំងប្លាស្ទិកដែលអាចបត់បាន និង មានរណ្តៅតូចៗនៅពាសពេញ ហើយរណ្តៅនីមួយៗមានសំណាបមួយដើមដុះជាប់ក្នុងដុំដី មួយដុំៗ ។
បាតថ្នាលមានប្រហោងនៅក្រោមដើម្បីធ្វើឲ្យមានសំណើមជ្រាបទឹកនិងជីវជាតិចេញចូលបានត្រឹមត្រូវ។ ខណៈពេលពន្យល់អំពីបច្ចេកទេសនេះ កសិកររូបនេះបានលើកបន្ទះថ្នាលមួយផ្ទាំង ដោយក្តីសប្បាយរីករាយដូចនឹងកូនក្មេងដែលទទួលបានតុក្កតាថ្មីមួយអ៊ីចឹងដែរ ហើយក៏បាន ដើរតម្រង់ទៅកាន់វាលស្រែដែលមានទឹកដក់របស់គាត់។
នៅពេលដើរទៅដល់វាលស្រែ គាត់ប្រឡេះដីមួយដុំម្តងៗចេញពីផ្ទាំងថ្នាលហើយបោះឡើង លើនៅពីមុខគាត់ គឺដូចគ្នានឹងការព្រោះស្រូវដែរ។ "សី" របស់គាត់ហោះឡើងលើ ដាំក្បាល ត្រឡប់ចុះឡើងហើយក៏ដាំក្បាលចុះទៅជាប់ក្នុងដីសើមផុសៗតែម្តង។
នៅពេលបង្ហាញអំពី បច្ចេកទេសបោះសន្ទូងនៅក្នុងស្រែនោះ កសិកររូបនេះបាននិយាយថា"កាលពីមុន ត្រូវការ មនុស្សប្រាំនាក់ដើម្បីស្ទូងសន្ទូងទាំងនោះក្នុងរយៈពេលកន្លះថ្ងៃ ប៉ុន្តែឥឡូវនេះ ខ្ញុំប្រើតែម នុស្សពីរនាក់ប៉ុណ្ណោះ ហើយប្រើពេលមិនលើសពីមួយម៉ោងឬពីរម៉ោងផង ក៏ហើយអស់តែម្តង។ ដោយសារតែឈ្នួលស្ទូងស្រូវថ្លៃ២២,០០០រៀល ឬ៥.៥០ដុល្លារអាមេរិកក្នុងម្នាក់ៗ នោះពុំចំ ណេញអ្វីឡើយ។
លោកសំរឿងគឺជាកសិករម្នាក់ក្នុងចំណោមកសិករផ្សេងទៀតដែលពាក់ព័ន្ធនឹងគម្រោងសម្រាប់អភិវឌ្ឍន៍កសិកម្ម និងការផ្តល់អំណាចសេដ្ឋកិច្ច (PADEE) ដែលឧបត្ថម្ភមូលនិធិដោយមូលនិធិ អន្តរជាតិសម្រាប់អភិវឌ្ឍន៍កសិកម្ម។ នេះជាផ្នែកមួយនៃគម្រោងដែលកសិកររូបនេះ បាន ចូលរួមវគ្គ បណ្តុះបណ្តាលនៅក្នុងប្រទេសថៃ ហើយបានទទួលការបណ្តុះបណ្តាលបន្ថែមទៀត តាមរយៈសាជីវកម្មប្រូកាសឺគឺជាអង្គការអន្តរជាតិមួយមិនស្វែងរកប្រាក់កម្រៃ ដែលធ្វើការដើម្បី កាត់បន្ថយភាពក្រីក្រតាមជនបទ។
លោកអារៀល ហាល់ពឺន គឺជាអ្នកសម្របសម្រួល កម្មវិធីម្នាក់របស់អង្គការក្នុងបណ្តាអ្នកសម្របសម្រួលកម្មវិធីផ្សេងទៀតប្រចាំនៅខេត្តឈៀងម៉ៃ ប្រទេសថៃបានមានប្រសាសន៍នៅក្នុងកិច្ចសម្ភាសតាមរយៈអ៊ីម៉េលថា ក្រៅពីប្រទេសចិន "ក៏មានប្រទេសហ្វីលីពីន បាគីស្ថាន ស្រីលង្កា ឥណ្ឌា និងប្រទេសថៃផងដែរ ដែលបាន អនុវត្តយ៉ាងជោគជ័យនូវបច្ចេកទេសនេះ គឺកាត់បន្ថយកម្លាំងពលកម្ម និងធ្វើឲ្យប្រសើរ ឡើងនូវទិន្នផលទៀតផង”
កាសែតបាគីស្ថានប្រចាំថ្ងៃឈ្មោះឌនបានរាយការណ៍នៅក្នុងឆ្នាំ២០០៦ថា បច្ចេកទេសនាំមុខ នេះបានធ្វើឲ្យរុក្ខជាតិលូតលាស់រហូតដល់កម្ពស់២០សង់ទីម៉ែត្រក្នុងរយៈពេលពី២០ដល់២៥ថ្ងៃប៉ុណ្ណោះបើប្រៀបធៀបនឹងវិធីផ្សេងទៀត វាអាចប្រើពេលពី៣០ទៅដល់៤០ថ្ងៃឯណោះ។
“លើសពីនេះទៅទៀត បច្ចេកទេសបោះសន្ទូងឡើងលើ គឺធ្វើឲ្យចំណេញដីដាំដុះ និងចំណេញកម្លាំងពលកម្ម ហើយក៏ធ្វើឲ្យសន្ទូងដុះលូតបានលឿនជាងមុន។សន្ទូងចាប់ផ្តើមចាប់ឫសយ៉ាង លឿន។ លទ្ធផលស្រដៀងគ្នានេះដែរត្រូវបានរកឃើញដោយលោក រូឌុលហ្វូ កាស្ត្រូល ដែលបានធ្វើការស្រាវជ្រាវប្រៀបធៀបគ្នាមួយក្នុងឆ្នាំ២០០៦ ។
បន្ថែមលើការការដុះបណ្តូលសន្ទូងលូតថ្លោសល្អនោះ "បច្ចេកទេសបោះសន្ទូងឡើងលើ" ផលិត បានទិន្នផលខ្ពស់ និងរកបានប្រាក់ចំណូលច្រើនជាងវិធីស្ទូងស្រូវដោយដៃនិងគ្រឿងចក្រទៅ ទៀត។ វិធីសាស្ត្រនេះគួរធ្វើឲ្យកសិករមួយចំនួនធំជឿទុកចិត្ត ហើយនឹងពង្រីកការប្រើ បច្ចេកទេសនេះឲ្យកាន់តែច្រើនឡើងៗនៅក្នុងប្រទេសកម្ពុជា៕
អត្ថបទ ដោយ Francois Gerles (មូលនិធិអន្តរជាតិសម្រាប់អភិវឌ្ឍន៍កសិកម្ម)
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
