បទយកការណ៍ / បទសម្ភាសន៍
ជាតិ
×![]()
ជីវិតរស់នៅរាជធានីភ្នំពេញ មិនមែនទាំងអស់គ្នាសុទ្ធតែមានបាយហូបគ្រប់គ្រាន់នោះទេ ។ អ្នកខ្លះក៏សម្បូរហូរហៀទៅ ហើយអ្នកខ្លះទៀតគ្មានទីពឹង គ្មានម្ហូបអាហារហូបចុកគ្រប់គ្រាន់ រស់ក្នុងស្ថានភាពលំបាកតោកយ៉ាក។ ជនអត់ទីពឹងមួយចំនួននៅភ្នំពេញ បានសម្តែងការសប្បាយចិត្តឲ្យតែគណបក្សសង្គ្រោះជាតិធ្វើបាតុកម្មម្តងៗ ។ ភាពសប្បាយរបស់ពួកគេមិនមែនក្នុងន័យធ្វើបាតុកម្មរកយុត្តិធម៌អ្វីនោះទេ គឺសប្បាយនឹងបានហូបចុកជាមួយក្រុមបាតករ។
« ស៊ីបាយអម្បាញមិញឆ្ញាញ់ណាស់ អ្ហែងមានទៅយកបាយស៊ីអត់?» នេះជាសំដីហៅគ្នាឲ្យទៅរកបាយហូប របស់ក្មេងអនាថាមួយក្រុម នៅទីលានប្រជាធិបតេយ្យ ជាទីដែលគណបក្សសង្គ្រោះជាតិកំពុងធ្វើមហាបាតុកម្ម នាវេលាបាយថ្ងៃត្រង់។ ថ្ងៃត្រង់ជាពេលដែលក្រុមការងារគណបក្សប្រឆាំងកំពុងចែកម្ហូបអាហារដល់ក្រុមបាតុករ។ ពួកគេបានជែកគ្នាទាំងក្តីរីករាយថា ប៉ុន្មានថ្ងៃនេះ បានហូបចុកឆ្ញាញ់ឆ្អែតស្រួលណាស់ មិនចង់ឲ្យមហាបាតុកម្មនេះ បញ្ចប់នោះទេ។
មានអាយុប្រមាណជាង ១០ ឆ្នាំ ស្គមចេញឆ្អឹងជំនីសម្បុរខ្មៅព្រិច កំពុងនិយាយជាមួយក្មេងអនាថាដែលជាមិត្តភក្តិខ្លួនចំនួន ៥ នាក់ទៀត កុមារា លាភ បាននិយាយសំឡេងខ្សោយៗថា ខ្លួនគ្មានឪពុកម្តាយនោះទេ បច្ចុប្បន្នរស់នៅតាមចិញ្ចើមថ្នល់ជាមួយក្មេងកំព្រាដទៃទៀត ដោយពឹងផ្អែកទៅលើការដើរសុំទាន និងរើសអេតចាយតែប៉ុណ្ណោះ។
កុមារារូបនេះ បញ្ជាក់ថា គេសប្បាយចិត្តណាស់ ពេលបានហូបឆ្អែតម្តងៗ ជាពិសេសដូចជាថ្ងៃបាតុកម្មរបស់គណបក្សសង្គ្រោះជាតិជាដើម។
អង្គុយនៅលើស្មៅក្បែកុមារា លាភ នោះដែរ ចាន់ ជាក្មេងអនាថា ដែលកើតមកមិនស្គាល់ម៉ែឪ និងមិនដឹងថា ខ្លួនកើតនៅទីណានោះ បាននិយាយរាងឧិនមុខចុះថា ថ្ងៃបុណ្យសព និងថ្ងៃបាតុកម្មគណបក្សសង្គ្រោះជាតិនេះ ជាថ្ងៃដែលខ្លួនបានស្គាល់ជាតិម្ហូបអាហារដែលមិនផ្អូមទុកពីបីថ្ងៃ និងសល់ពីគេនោះទេ។
កុមារា ចាន់ បានប្រាប់ថា ខ្លួនរស់ក្នុងចេតិយ៍ជាមួយមិត្តភក្តិក្នុងវត្តមួយនៅភ្នំពេញ ហើញអស់រយៈពេល ពីរថ្ងៃទាំងថ្ងៃនេះហើយ ដែកខ្លួនមិនបានទៅចេតិយ៍នោះទេ ដោយស្នាក់នៅទីលានប្រជាធិបតេយ្យរហូត រង់ចាំតែពេលគេចែកបាយប៉ុណ្ណោះ។
«ពូខ្ញុំសុំបាយមួយប្រអប់» ដៃកំពុងតែលុករងចាំទ្របាយ ពីក្រុមសកម្មជនគណបក្សសង្គ្រោះជាតិ ដែលមមាញឹកចែកដល់ក្រុមបាតុករ កុមារី ម៉ាណែត បច្ចុប្បន្នរស់នៅជាមួយជីដូនចាស់ជរាម្នាក់ នៅចេតិយ៍ក្នុងវត្តដែលនោះ បាននិយាយថា ខ្លួនមកទីលានប្រជាធិបតេយ្យពីរនាក់ជីដូន តែមិនមែនចូលរួមធ្វើបាតុកម្មអ្វីនោះទេ គឺដឹកដៃជីដួនដើរសុំទាន និងយកបាយហូបតែប៉ុណ្ណោះ។
ភ្នែកសំឡឹងមើលអ្នកចែកបាយ ម៉ាណែត បានបន្តថា កាលពីម្សិលមិញខ្លួនពីរនាក់ជីដូន បានហូបឆ្អែតមួយថ្ងៃ ដោយសារបាយបាតុកម្មនេះ។ នាងបន្តថា ខ្លួននិងជីដូន នឹងស្នាក់នៅទីលានប្រជាធិបតេយ្យនេះ រហូតដល់ចប់បាតុកម្ម ទើបត្រឡប់ទៅចេតិយ៍វិញ។
សូមបញ្ជាក់ថា មហាបាតុកម្មរបស់គណបក្សសង្គ្រោះជាតិពីរលោកមកហើយ ត្រូវបានក្រុមបាតុករអះអាងថា សម្បូរម្ហូមអាហារហូបចុក។
បាតុករខ្លះមកចូលរួមធ្វើមហាបាតុកម្មមានតែប្រាក់ចំណាយលើសោហ៊ុយធ្វើដំណើរប៉ុណ្ណោះ ដោយពួកគេរំពឹងថា កន្លែងធ្វើមហាបាតុកម្មមិនខ្វះអ្វីហូបនោះទេ។ បាយកញ្ចប់ នំប៉ាំង ថវិកា ត្រូវបានអ្នកគាំទ្រគណបក្សសង្គ្រោះជាតិឧបត្ថម្ភមកជាបន្តបន្ទាប់។ ភាពសម្បូរសប្បាយនេះហើយ បានទាក់ទាញក្មេងអនាថាមួយចំនួនឲ្យមកទីលានប្រជាធិបតេយ្យ ដើម្បីរកបាយហូបផងដែរ។
យ៉ាងណាក៏ដោយ មហាបាតុកម្មលើកទី ៣ របស់គណបក្សសង្គ្រោះជាតិលើកនេះ ការឧបត្ថម្ភមិនសូវសម្បូរដូចលើកទី ១ និងទី ២ នោះទេ ដោយមានបាតុករខ្លះត្អូញត្អែពីររឿងអត់បាយផងដែរ៕
« ស៊ីបាយអម្បាញមិញឆ្ញាញ់ណាស់ អ្ហែងមានទៅយកបាយស៊ីអត់?» នេះជាសំដីហៅគ្នាឲ្យទៅរកបាយហូប របស់ក្មេងអនាថាមួយក្រុម នៅទីលានប្រជាធិបតេយ្យ ជាទីដែលគណបក្សសង្គ្រោះជាតិកំពុងធ្វើមហាបាតុកម្ម នាវេលាបាយថ្ងៃត្រង់។ ថ្ងៃត្រង់ជាពេលដែលក្រុមការងារគណបក្សប្រឆាំងកំពុងចែកម្ហូបអាហារដល់ក្រុមបាតុករ។ ពួកគេបានជែកគ្នាទាំងក្តីរីករាយថា ប៉ុន្មានថ្ងៃនេះ បានហូបចុកឆ្ញាញ់ឆ្អែតស្រួលណាស់ មិនចង់ឲ្យមហាបាតុកម្មនេះ បញ្ចប់នោះទេ។
មានអាយុប្រមាណជាង ១០ ឆ្នាំ ស្គមចេញឆ្អឹងជំនីសម្បុរខ្មៅព្រិច កំពុងនិយាយជាមួយក្មេងអនាថាដែលជាមិត្តភក្តិខ្លួនចំនួន ៥ នាក់ទៀត កុមារា លាភ បាននិយាយសំឡេងខ្សោយៗថា ខ្លួនគ្មានឪពុកម្តាយនោះទេ បច្ចុប្បន្នរស់នៅតាមចិញ្ចើមថ្នល់ជាមួយក្មេងកំព្រាដទៃទៀត ដោយពឹងផ្អែកទៅលើការដើរសុំទាន និងរើសអេតចាយតែប៉ុណ្ណោះ។
កុមារារូបនេះ បញ្ជាក់ថា គេសប្បាយចិត្តណាស់ ពេលបានហូបឆ្អែតម្តងៗ ជាពិសេសដូចជាថ្ងៃបាតុកម្មរបស់គណបក្សសង្គ្រោះជាតិជាដើម។
អង្គុយនៅលើស្មៅក្បែកុមារា លាភ នោះដែរ ចាន់ ជាក្មេងអនាថា ដែលកើតមកមិនស្គាល់ម៉ែឪ និងមិនដឹងថា ខ្លួនកើតនៅទីណានោះ បាននិយាយរាងឧិនមុខចុះថា ថ្ងៃបុណ្យសព និងថ្ងៃបាតុកម្មគណបក្សសង្គ្រោះជាតិនេះ ជាថ្ងៃដែលខ្លួនបានស្គាល់ជាតិម្ហូបអាហារដែលមិនផ្អូមទុកពីបីថ្ងៃ និងសល់ពីគេនោះទេ។
កុមារា ចាន់ បានប្រាប់ថា ខ្លួនរស់ក្នុងចេតិយ៍ជាមួយមិត្តភក្តិក្នុងវត្តមួយនៅភ្នំពេញ ហើញអស់រយៈពេល ពីរថ្ងៃទាំងថ្ងៃនេះហើយ ដែកខ្លួនមិនបានទៅចេតិយ៍នោះទេ ដោយស្នាក់នៅទីលានប្រជាធិបតេយ្យរហូត រង់ចាំតែពេលគេចែកបាយប៉ុណ្ណោះ។
«ពូខ្ញុំសុំបាយមួយប្រអប់» ដៃកំពុងតែលុករងចាំទ្របាយ ពីក្រុមសកម្មជនគណបក្សសង្គ្រោះជាតិ ដែលមមាញឹកចែកដល់ក្រុមបាតុករ កុមារី ម៉ាណែត បច្ចុប្បន្នរស់នៅជាមួយជីដូនចាស់ជរាម្នាក់ នៅចេតិយ៍ក្នុងវត្តដែលនោះ បាននិយាយថា ខ្លួនមកទីលានប្រជាធិបតេយ្យពីរនាក់ជីដូន តែមិនមែនចូលរួមធ្វើបាតុកម្មអ្វីនោះទេ គឺដឹកដៃជីដួនដើរសុំទាន និងយកបាយហូបតែប៉ុណ្ណោះ។
ភ្នែកសំឡឹងមើលអ្នកចែកបាយ ម៉ាណែត បានបន្តថា កាលពីម្សិលមិញខ្លួនពីរនាក់ជីដូន បានហូបឆ្អែតមួយថ្ងៃ ដោយសារបាយបាតុកម្មនេះ។ នាងបន្តថា ខ្លួននិងជីដូន នឹងស្នាក់នៅទីលានប្រជាធិបតេយ្យនេះ រហូតដល់ចប់បាតុកម្ម ទើបត្រឡប់ទៅចេតិយ៍វិញ។
សូមបញ្ជាក់ថា មហាបាតុកម្មរបស់គណបក្សសង្គ្រោះជាតិពីរលោកមកហើយ ត្រូវបានក្រុមបាតុករអះអាងថា សម្បូរម្ហូមអាហារហូបចុក។
បាតុករខ្លះមកចូលរួមធ្វើមហាបាតុកម្មមានតែប្រាក់ចំណាយលើសោហ៊ុយធ្វើដំណើរប៉ុណ្ណោះ ដោយពួកគេរំពឹងថា កន្លែងធ្វើមហាបាតុកម្មមិនខ្វះអ្វីហូបនោះទេ។ បាយកញ្ចប់ នំប៉ាំង ថវិកា ត្រូវបានអ្នកគាំទ្រគណបក្សសង្គ្រោះជាតិឧបត្ថម្ភមកជាបន្តបន្ទាប់។ ភាពសម្បូរសប្បាយនេះហើយ បានទាក់ទាញក្មេងអនាថាមួយចំនួនឲ្យមកទីលានប្រជាធិបតេយ្យ ដើម្បីរកបាយហូបផងដែរ។
យ៉ាងណាក៏ដោយ មហាបាតុកម្មលើកទី ៣ របស់គណបក្សសង្គ្រោះជាតិលើកនេះ ការឧបត្ថម្ភមិនសូវសម្បូរដូចលើកទី ១ និងទី ២ នោះទេ ដោយមានបាតុករខ្លះត្អូញត្អែពីររឿងអត់បាយផងដែរ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
