បទយកការណ៍ / បទសម្ភាសន៍
ជាតិ
×![]()
×![]()
កាលណាគេនិយាយដល់អ្នកតំណាងរាស្ត្រជាស្ត្រីនៅក្នុងជួរគណបក្សប្រឆាំង គេតែងតែនឹកឃើញទៅដល់នារីមួយរូប គឺអ្នកស្រីមូ សុខហួរ។ អ្នកស្រី មូរ សុខហួរ ដែលពេលបច្ចុប្បន្នកំពុងតែប្រឡូកយ៉ាងសកម្មនៅក្នុងឆាកនយោបាយ។ គោលដៅនៃសកម្មភាពទាំងនេះ ត្រូវបានអ្នកស្រីអះអាងថា ធ្វើឡើងដើម្បីបង្កើតរបត់នយោបាយមួយសម្រាប់ស្រីខ្មែរគ្រប់រូប ឲ្យហ៊ានចូលរួមក្នុងការងារនយោបាយដូចជាបុរសដែរ។
ខាងក្រោមនេះ ជាបទសម្ភាសរវាង ឬទ្ធី អ្នកយកព័ត៌មានឲ្យគេហទំព័រថ្មីៗ ជាមួយអ្នកស្រី មូរ សុខហួរ បេក្ខជនតំណាងរាស្ត្រជាប់ឆ្នោតគណបក្សសង្គ្រោះជាតិ។
ថ្មី៖ មានបុព្វហេតុអ្វីបានជាធ្វើឲ្យអ្នកស្រីខំខ្លាំងម្ល៉េះនៅក្នុងការងារនយោបាយ? បុព្វហេតុអំណាច ឬក៏ធ្វើដើម្បីចង់ល្បីឈ្មោះ?
មូរ សុខហួ៖ « ជនជាតិខ្មែរ កើតនៅលើដីខ្មែរ ត្រូវតែយើងនាំគ្នាថែជាតិ ឲ្យបានរុងរឿង» នេះគឺជាបុព្វហេតុទីមួយសំខាន់បំផុតដែលខ្ញុំខំប្រឹងតស៊ូដល់សព្វថ្ងៃនេះ។ ខ្ញុំគ្មានចង់បានអំណាច ខ្ញុំគ្មានចង់បានល្បីសោះឡើយ ហើយខ្ញុំក៏គិតថា ខ្លួនខ្ញុំគ្មានល្បីនោះដែរ ខ្ញុំជាមនុស្សសាមញ្ញជាទីបំផុត ដូចពលរដ្ឋធម្មតាដែរ តែគ្រាន់តែខ្ញុំបានធ្វើសកម្មភាពគ្រាន់បើជាងពលរដ្ឋសាមញ្ញបន្តិចសម្រាប់ជាតិខ្ញុំតែប៉ុណ្ណោះ។
បុព្វហេតុទីពីរ ខ្ញុំចង់បង្កើតឆាកនយោបាយមួយសម្រាប់ស្ត្រីខ្មែរទូទៅ ឲ្យចេះក្រោកឡើងតស៊ូ ដើម្បីតម្លៃខ្លួនឯងនិងជាមាតុភូមិនៅក្នុងសកម្មភាពនយោបាយ មិនមែនដេកស្រែកចាំតែចង់ឲ្យគេឲ្យតម្លៃខ្លួននោះទេ តែត្រូវខំប្រឹងធ្វើវាដោយខ្លួនឯង ដើម្បីបុព្វហេតុស្ត្រីខ្មែរទាំងមូល ដែលអាចបញ្ជាក់ថា ស្ត្រីមិនមែនធ្វើនយោបាយមិនបាននោះទេ តែផ្ទុយទៅវិញស្ត្រីគឺជាមាតានយោបាយ។
ថ្មីៗ ៖ អ្នកស្រីបានលើកឡើងពីស្ត្រីក្នុងការចូលរួមឆាកនយោបាយ ខ្ញុំចង់សួរថា ក្នុងនាមអ្នកស្រីដែលកំពុងធ្វើសកម្មភាពបែបនេះរាល់ថ្ងៃ តើរដ្ឋាភិបាលបច្ចុប្បន្ន ឬគណបក្សនយោបាយ បានផ្តល់ឱកាសឲ្យស្ត្រីគ្រប់គ្រាន់ទេក្នុងបញ្ហានេះ?
មូរ សុខហួរ៖ ខ្ញុំសូមជម្រាបថា ទ្វារគេបើកហើយ តែស្ត្រីខ្លួនឯងទេដែលមិនព្រមចូល មានន័យថា គេបានផ្តល់សិទ្ធិសេរីភាពក្នុងការចូលរួមប្រកួតប្រជែងជាមួយនឹងបុរសរួចហើយ ។ ដូច្នេះពេលនេះហេតុអ្វីស្ត្រីចាំបាច់ខ្លាច ចាំបាច់ភ័យធ្វើអ្វី ត្រូវចូលរួមដើម្បីបង្កើតនូវឆាកនយោបាយមួយឲ្យមានភាពស្មើគ្នារវាងនារីនិងបុរស ក្នុងបុព្វហេតុជាតិមាតុភូមិរបស់យើង។
ថ្មី៖ តើមានទេរឿងដែល អ្នកស្រីមិនពេញចិត្ត និងរឿង ដែលពេញចិត្តនៅក្នុងឆាកជីវិតនយោបាយរបស់អ្នកស្រីមកទល់ពេលនេះ?
មូរ សុខហួ៖ ខ្ញុំតូចចិត្តបំផុត នៅពេលដែលខ្ញុំឃើញគេធ្វើបាបពលរដ្ឋខ្ញុំ ដោយសារភាពអយុត្តិធម៌ ហើយពលរដ្ឋទាំងនោះនៅស្ញៀមមិនក្រោកតវ៉ា បណ្កោយឲ្យគេធ្វើបាប។ ចំណែករឿងដែលខ្ញុំពេញចិត្តបំផុត ខ្ញុំអាចមានឱកាសបំរើមាតុភូមិរបស់ខ្ញុំ។
ថ្មី៖ ជាសំណួរចុងក្រោយ តើអ្នកស្រីនឹងបោះបង់ឆាកនយោបាយ ឬចាកចេញពីគណបក្សប្រឆាំង ឬអត់ នាពេលអនាគត?
មូរ សុខហួ៖ ខ្ញុំសូមជម្រាបថា ខ្ញុំមិនអាចរស់ឆ្ងាយពីនយោបាយបានឡើយ គឺខ្ញុំធ្វើនយោបាយរហូតដល់ខ្ញុំផុតដង្ហើមពីលោកនេះ។ ហើយខ្ញុំសូមបញ្ជាក់ថា ខ្ញុំមិនទៅណាឆ្ងាយពីបក្សប្រឆាំងឡើយ ខ្ញុំធ្វើជាសហការីល្អរបស់លោកប្រធាន សម រង្ស៊ី ជារៀងរហូត៕
ខាងក្រោមនេះ ជាបទសម្ភាសរវាង ឬទ្ធី អ្នកយកព័ត៌មានឲ្យគេហទំព័រថ្មីៗ ជាមួយអ្នកស្រី មូរ សុខហួរ បេក្ខជនតំណាងរាស្ត្រជាប់ឆ្នោតគណបក្សសង្គ្រោះជាតិ។
ថ្មី៖ មានបុព្វហេតុអ្វីបានជាធ្វើឲ្យអ្នកស្រីខំខ្លាំងម្ល៉េះនៅក្នុងការងារនយោបាយ? បុព្វហេតុអំណាច ឬក៏ធ្វើដើម្បីចង់ល្បីឈ្មោះ?
មូរ សុខហួ៖ « ជនជាតិខ្មែរ កើតនៅលើដីខ្មែរ ត្រូវតែយើងនាំគ្នាថែជាតិ ឲ្យបានរុងរឿង» នេះគឺជាបុព្វហេតុទីមួយសំខាន់បំផុតដែលខ្ញុំខំប្រឹងតស៊ូដល់សព្វថ្ងៃនេះ។ ខ្ញុំគ្មានចង់បានអំណាច ខ្ញុំគ្មានចង់បានល្បីសោះឡើយ ហើយខ្ញុំក៏គិតថា ខ្លួនខ្ញុំគ្មានល្បីនោះដែរ ខ្ញុំជាមនុស្សសាមញ្ញជាទីបំផុត ដូចពលរដ្ឋធម្មតាដែរ តែគ្រាន់តែខ្ញុំបានធ្វើសកម្មភាពគ្រាន់បើជាងពលរដ្ឋសាមញ្ញបន្តិចសម្រាប់ជាតិខ្ញុំតែប៉ុណ្ណោះ។
បុព្វហេតុទីពីរ ខ្ញុំចង់បង្កើតឆាកនយោបាយមួយសម្រាប់ស្ត្រីខ្មែរទូទៅ ឲ្យចេះក្រោកឡើងតស៊ូ ដើម្បីតម្លៃខ្លួនឯងនិងជាមាតុភូមិនៅក្នុងសកម្មភាពនយោបាយ មិនមែនដេកស្រែកចាំតែចង់ឲ្យគេឲ្យតម្លៃខ្លួននោះទេ តែត្រូវខំប្រឹងធ្វើវាដោយខ្លួនឯង ដើម្បីបុព្វហេតុស្ត្រីខ្មែរទាំងមូល ដែលអាចបញ្ជាក់ថា ស្ត្រីមិនមែនធ្វើនយោបាយមិនបាននោះទេ តែផ្ទុយទៅវិញស្ត្រីគឺជាមាតានយោបាយ។
ថ្មីៗ ៖ អ្នកស្រីបានលើកឡើងពីស្ត្រីក្នុងការចូលរួមឆាកនយោបាយ ខ្ញុំចង់សួរថា ក្នុងនាមអ្នកស្រីដែលកំពុងធ្វើសកម្មភាពបែបនេះរាល់ថ្ងៃ តើរដ្ឋាភិបាលបច្ចុប្បន្ន ឬគណបក្សនយោបាយ បានផ្តល់ឱកាសឲ្យស្ត្រីគ្រប់គ្រាន់ទេក្នុងបញ្ហានេះ?
មូរ សុខហួរ៖ ខ្ញុំសូមជម្រាបថា ទ្វារគេបើកហើយ តែស្ត្រីខ្លួនឯងទេដែលមិនព្រមចូល មានន័យថា គេបានផ្តល់សិទ្ធិសេរីភាពក្នុងការចូលរួមប្រកួតប្រជែងជាមួយនឹងបុរសរួចហើយ ។ ដូច្នេះពេលនេះហេតុអ្វីស្ត្រីចាំបាច់ខ្លាច ចាំបាច់ភ័យធ្វើអ្វី ត្រូវចូលរួមដើម្បីបង្កើតនូវឆាកនយោបាយមួយឲ្យមានភាពស្មើគ្នារវាងនារីនិងបុរស ក្នុងបុព្វហេតុជាតិមាតុភូមិរបស់យើង។
ថ្មី៖ តើមានទេរឿងដែល អ្នកស្រីមិនពេញចិត្ត និងរឿង ដែលពេញចិត្តនៅក្នុងឆាកជីវិតនយោបាយរបស់អ្នកស្រីមកទល់ពេលនេះ?
មូរ សុខហួ៖ ខ្ញុំតូចចិត្តបំផុត នៅពេលដែលខ្ញុំឃើញគេធ្វើបាបពលរដ្ឋខ្ញុំ ដោយសារភាពអយុត្តិធម៌ ហើយពលរដ្ឋទាំងនោះនៅស្ញៀមមិនក្រោកតវ៉ា បណ្កោយឲ្យគេធ្វើបាប។ ចំណែករឿងដែលខ្ញុំពេញចិត្តបំផុត ខ្ញុំអាចមានឱកាសបំរើមាតុភូមិរបស់ខ្ញុំ។
ថ្មី៖ ជាសំណួរចុងក្រោយ តើអ្នកស្រីនឹងបោះបង់ឆាកនយោបាយ ឬចាកចេញពីគណបក្សប្រឆាំង ឬអត់ នាពេលអនាគត?
មូរ សុខហួ៖ ខ្ញុំសូមជម្រាបថា ខ្ញុំមិនអាចរស់ឆ្ងាយពីនយោបាយបានឡើយ គឺខ្ញុំធ្វើនយោបាយរហូតដល់ខ្ញុំផុតដង្ហើមពីលោកនេះ។ ហើយខ្ញុំសូមបញ្ជាក់ថា ខ្ញុំមិនទៅណាឆ្ងាយពីបក្សប្រឆាំងឡើយ ខ្ញុំធ្វើជាសហការីល្អរបស់លោកប្រធាន សម រង្ស៊ី ជារៀងរហូត៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
