បទយកការណ៍ / បទសម្ភាសន៍
ជាតិ
លោក ជា បំរ៉ុង៖ ខ្ញុំចូលរដ្ឋាភិបាលមែន តែខ្ញុំនៅតែគោរពលោកប្រធាន ម៉ម សូណង់ដូ
×![]()
អតីតអនុប្រធានសមាគមអ្នកប្រជាធិតេយ្យលោក ជា បំរ៉ុង ដែលបានចុះចូលជាមួយរដ្ឋាភិបាលកាលពីឆ្នាំ២០១២ កន្លងទៅ ដើម្បីជាថ្នូរនឹងតំណែងទីប្រឹក្សា បានអះអាងថា នៅក្នុងអាណត្តិទី ៥ នេះ ខ្លួននៅមិនទាន់ច្បាស់នៅឡើយទេថា មានតួនាទីជាមួយរដ្ឋាភិបាលទៀត ឬអត់នោះទេ។ លោក ជា បំរ៉ុង បញ្ជាក់ថា លោកមិនភ្ញាក់ផ្អើលទេ ទោះបីអាណត្តិនេះ បានតួនាទីឬមិនបានក៏ដោយ។ មិនតែប៉ុណ្ណោះ លោកថា បើទោះបីជាលោកបានចុះចូលជាមួយរដ្ឋាភិបាលក៏ពិតមែន តែលោកនៅតែគោរពលោកម៉ម សូណង់ដូ ជារៀងរហូត។
ខាងក្រោមនេះ ជាបទសម្ភាសន៍រវាង ឬទ្ធី អ្នកយកព័ត៌មានឲ្យគេហទំព័រថ្មីៗ ជាមួយលោក ជា បំរ៉ុង អតីតអនុប្រធានសមាគមអ្នកប្រជាធិបតេយ្យ និងជាទីប្រឹក្សារបស់រដ្ឋាភិបាលនាអណត្តិកន្លងមក។
ថ្មី៖ តើនៅក្នុងអាណត្តិទី ៥ នេះ លោកមានតួនាទីក្នុងរដ្ឋាភិបាលទេ ? ព្រោះថា អាណត្តិមុន លោកបានក្លាយជាទីប្រឹក្សារបស់លោក ហ៊ុន សែន ដោយសារចេញពីសមាគមអ្នកប្រជាធិបតេយ្យ?
ជា បំរ៉ុង៖ ខ្ញុំបានលឺមិត្តភក្តិខ្ញុំដែលជាឯកឧត្តមធ្វើការជាមួយគ្នា គេថា ខ្ញុំមានឈ្មោះ មានតួនាទីជាមួយរដ្ឋាភិបាលអាណត្តិទី ៥ នេះដែរ តែខ្ញុំមិនឃើញ ឬមិនបានដឹងដោយខ្លួនឯងនោះទេ ហើយក៏មិនដឹងថា នឹងមានតួនាទីអ្វីឲ្យច្បាស់នោះដែរ តែទំនងជាមានតួនាទីជាទីប្រឹក្សាដដែលមើលទៅ។
ថ្មី៖ ខ្ញុំសួរលោកតាមត្រង់ ប្រសិនបើក្នុងអាណត្តិនេះ លោកមិនមានតួនាទីក្នុងរដ្ឋាភិបាល ពោលគឺមានន័យគេបោះបង់ចោល តើលោកគិតថា លោកស្តាយក្រោយឬខ្មាស់មិត្តភក្តិនៅកន្លែងមុន ជាពិសេសនៅសមាគមអ្នកប្រជាធិបតេយ្យដែរឬទេ?
ជា បំរ៉ុង៖ ខ្ញុំគិតថា វាមិនសំខាន់នោះទេ បើទោះបីខ្ញុំត្រូវបាត់បង់ដំណែងនៅក្នុងរដ្ឋាភិបាលនៅក្នុងអណត្តិនេះនោះ ហើយវាក៏គ្មានអ្វីត្រូវខ្មាស់គេនោះដែរ ព្រោះខ្ញុំគិតថា ខ្ញុំមកចុះចូលជាមួយរដ្ឋាភិបាលគឺដើម្បីបំរើជាតិ សាសនា និងព្រះមហាក្សត្ររបស់ខ្ញុំតែប៉ុណ្ណោះ។
ថ្មី៖ ចុះលោកនៅជាអនុប្រធានសមាគមអ្នកប្រជាធិបតេយ្យលោកមិនបានបំរើជាតិទេឬ?
ជា បំរ៉ុង៖ ណែ!ខ្ញុំសូមជម្រាបលោកណាស់ ខ្ញុំនៅសមាគមអ្នកប្រជាធិបតេយ្យខ្ញុំគិតថា វាជួយជាតិបានតិចណាស់គឺយឺតមែនទែន ដូច្នេះខ្ញុំត្រូវសម្រេចចិត្តចូលរដ្ឋាភិបាល ដោយយោងទៅលើស្មារតីបាវចនាទាំង ៣ គឺជាតិ សាសនា ព្រះមហាក្សត្រ។ ម្យ៉ាងទៀតកាលនៅក្នុងសមាគមអ្នកប្រជាធិបតេយ្យខ្ញុំបានជួយការងារលោក ម៉ម សូណង់ដូ ក៏ដូចជាសមាគមនេះបានច្រើនផងដែរ។ ខ្ញុំក៏សូមបញ្ជាក់ឲ្យច្បាស់ទៀតថា ខ្ញុំចេញគឺដោយសារតែខ្ញុំមានទស្សនៈផ្សេងពីលោក ម៉ម សូណង់ដូ។
ថ្មី៖ ណ្ហើយខ្ញុំសូមត្រឡប់មកនិយាយពីទំនាក់ទំនងរវាងលោក ជាមួយលោកម៉ម សូណង់ដូ វិញម្តងពីព្រោះតែកាលពីលោក ម៉ម សូណង់ដូ ត្រូវតុលាការចោទប្រកាន់ពីបទអប្បគមន៍នោះ លោកក៏ធ្លាប់ចេញមុខធ្វើសន្និសិទកាសែតផងដែរ ដើម្បីបញ្ជាក់ថា លោក សូណង់ដូ មិនជាប់ពាក់ព័ន្ធនឹងបញ្ហានេះទេ។ នេះជាអនុស្សាវរីយ៍មួយរវាងលោក និងលោក សូណង់ដូ។ ខ្ញុំចង់សួរថា មកទល់ពេលនេះ លោកនៅតែមានទំនាក់ទំនងគ្នាល្អជាមួយលោកម៉ម សូណង់ដូ ទេឬ?
ជា បំរ៉ុង៖ និយាយតាមត្រង់ទៅខ្ញុំមិនដែលជួបមុខគាត់ទាល់តែសោះ និងមិនដែលបានទាក់ទងនោះទេ តាំងពីខ្ញុំចូលជាមួយរដ្ឋាភិបាល។ ខ្ញុំធ្វើបែបនេះ គឺដើម្បីឲ្យគេគិតថា ខ្ញុំនៅមិនទាន់អស់អាល័យពីសមាគមអ្នកប្រជាធិបតេយ្យ ឬមានបញ្ហាផ្សេងៗសម្រាប់ខ្ញុំ។
ថ្មី៖ ចុះក្នុងចិត្តរបស់លោក មានចេតនាចង់ផ្តាច់ទំនាក់ទំនង់ជាមួយលោកម៉ម សូណង់ដូ ឬនៅតែរក្សាមិត្តភាពដដែល?
ជា បំរ៉ុង៖ ថ្វីត្បិដខ្ញុំចូលរដ្ឋាភិបាលក៏ពិតមែន តែនៅក្នុងដួងចិត្តរបស់ខ្ញុំនៅតែគោរពលោក ប្រធាន ម៉ម សូណង់ដូ ជានិច្ច ពីព្រោះលោកជាអ្នកស្នេហាជាតិមួយរូប ដែលកម្រនឹងរកបាន៕
ខាងក្រោមនេះ ជាបទសម្ភាសន៍រវាង ឬទ្ធី អ្នកយកព័ត៌មានឲ្យគេហទំព័រថ្មីៗ ជាមួយលោក ជា បំរ៉ុង អតីតអនុប្រធានសមាគមអ្នកប្រជាធិបតេយ្យ និងជាទីប្រឹក្សារបស់រដ្ឋាភិបាលនាអណត្តិកន្លងមក។
ថ្មី៖ តើនៅក្នុងអាណត្តិទី ៥ នេះ លោកមានតួនាទីក្នុងរដ្ឋាភិបាលទេ ? ព្រោះថា អាណត្តិមុន លោកបានក្លាយជាទីប្រឹក្សារបស់លោក ហ៊ុន សែន ដោយសារចេញពីសមាគមអ្នកប្រជាធិបតេយ្យ?
ជា បំរ៉ុង៖ ខ្ញុំបានលឺមិត្តភក្តិខ្ញុំដែលជាឯកឧត្តមធ្វើការជាមួយគ្នា គេថា ខ្ញុំមានឈ្មោះ មានតួនាទីជាមួយរដ្ឋាភិបាលអាណត្តិទី ៥ នេះដែរ តែខ្ញុំមិនឃើញ ឬមិនបានដឹងដោយខ្លួនឯងនោះទេ ហើយក៏មិនដឹងថា នឹងមានតួនាទីអ្វីឲ្យច្បាស់នោះដែរ តែទំនងជាមានតួនាទីជាទីប្រឹក្សាដដែលមើលទៅ។
ថ្មី៖ ខ្ញុំសួរលោកតាមត្រង់ ប្រសិនបើក្នុងអាណត្តិនេះ លោកមិនមានតួនាទីក្នុងរដ្ឋាភិបាល ពោលគឺមានន័យគេបោះបង់ចោល តើលោកគិតថា លោកស្តាយក្រោយឬខ្មាស់មិត្តភក្តិនៅកន្លែងមុន ជាពិសេសនៅសមាគមអ្នកប្រជាធិបតេយ្យដែរឬទេ?
ជា បំរ៉ុង៖ ខ្ញុំគិតថា វាមិនសំខាន់នោះទេ បើទោះបីខ្ញុំត្រូវបាត់បង់ដំណែងនៅក្នុងរដ្ឋាភិបាលនៅក្នុងអណត្តិនេះនោះ ហើយវាក៏គ្មានអ្វីត្រូវខ្មាស់គេនោះដែរ ព្រោះខ្ញុំគិតថា ខ្ញុំមកចុះចូលជាមួយរដ្ឋាភិបាលគឺដើម្បីបំរើជាតិ សាសនា និងព្រះមហាក្សត្ររបស់ខ្ញុំតែប៉ុណ្ណោះ។
ថ្មី៖ ចុះលោកនៅជាអនុប្រធានសមាគមអ្នកប្រជាធិបតេយ្យលោកមិនបានបំរើជាតិទេឬ?
ជា បំរ៉ុង៖ ណែ!ខ្ញុំសូមជម្រាបលោកណាស់ ខ្ញុំនៅសមាគមអ្នកប្រជាធិបតេយ្យខ្ញុំគិតថា វាជួយជាតិបានតិចណាស់គឺយឺតមែនទែន ដូច្នេះខ្ញុំត្រូវសម្រេចចិត្តចូលរដ្ឋាភិបាល ដោយយោងទៅលើស្មារតីបាវចនាទាំង ៣ គឺជាតិ សាសនា ព្រះមហាក្សត្រ។ ម្យ៉ាងទៀតកាលនៅក្នុងសមាគមអ្នកប្រជាធិបតេយ្យខ្ញុំបានជួយការងារលោក ម៉ម សូណង់ដូ ក៏ដូចជាសមាគមនេះបានច្រើនផងដែរ។ ខ្ញុំក៏សូមបញ្ជាក់ឲ្យច្បាស់ទៀតថា ខ្ញុំចេញគឺដោយសារតែខ្ញុំមានទស្សនៈផ្សេងពីលោក ម៉ម សូណង់ដូ។
ថ្មី៖ ណ្ហើយខ្ញុំសូមត្រឡប់មកនិយាយពីទំនាក់ទំនងរវាងលោក ជាមួយលោកម៉ម សូណង់ដូ វិញម្តងពីព្រោះតែកាលពីលោក ម៉ម សូណង់ដូ ត្រូវតុលាការចោទប្រកាន់ពីបទអប្បគមន៍នោះ លោកក៏ធ្លាប់ចេញមុខធ្វើសន្និសិទកាសែតផងដែរ ដើម្បីបញ្ជាក់ថា លោក សូណង់ដូ មិនជាប់ពាក់ព័ន្ធនឹងបញ្ហានេះទេ។ នេះជាអនុស្សាវរីយ៍មួយរវាងលោក និងលោក សូណង់ដូ។ ខ្ញុំចង់សួរថា មកទល់ពេលនេះ លោកនៅតែមានទំនាក់ទំនងគ្នាល្អជាមួយលោកម៉ម សូណង់ដូ ទេឬ?
ជា បំរ៉ុង៖ និយាយតាមត្រង់ទៅខ្ញុំមិនដែលជួបមុខគាត់ទាល់តែសោះ និងមិនដែលបានទាក់ទងនោះទេ តាំងពីខ្ញុំចូលជាមួយរដ្ឋាភិបាល។ ខ្ញុំធ្វើបែបនេះ គឺដើម្បីឲ្យគេគិតថា ខ្ញុំនៅមិនទាន់អស់អាល័យពីសមាគមអ្នកប្រជាធិបតេយ្យ ឬមានបញ្ហាផ្សេងៗសម្រាប់ខ្ញុំ។
ថ្មី៖ ចុះក្នុងចិត្តរបស់លោក មានចេតនាចង់ផ្តាច់ទំនាក់ទំនង់ជាមួយលោកម៉ម សូណង់ដូ ឬនៅតែរក្សាមិត្តភាពដដែល?
ជា បំរ៉ុង៖ ថ្វីត្បិដខ្ញុំចូលរដ្ឋាភិបាលក៏ពិតមែន តែនៅក្នុងដួងចិត្តរបស់ខ្ញុំនៅតែគោរពលោក ប្រធាន ម៉ម សូណង់ដូ ជានិច្ច ពីព្រោះលោកជាអ្នកស្នេហាជាតិមួយរូប ដែលកម្រនឹងរកបាន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
