បទយកការណ៍ / បទសម្ភាសន៍
ជាតិ
បទយកការណ៍៖ Candy Crush ធ្វើឲ្យអ្នកខ្លះភ្លេចដំណេក ភ្លេចបាយទឹក និងភ្លេចការងារ
×![]()
×![]()
មនុស្សមួយចំនួនចូលចិត្ត បន្ធូរអារម្មណ៍តានតឹង ជាមួយនឹងការលេងហ្គេមកំសាន្ត ប៉ុន្តែអ្នកមួយចំនួន ទៀតមិនត្រឹមតែដើម្បីបំបាត់ការអផ្សុកប៉ុណ្ណោះទេ ពួកគេជក់ចិត្តនឹងហ្គេមទាំងនោះ ស្ទើរតែភ្លេចបាយ ភ្លេចទឹក ឬក៏ភ្លេចបំពេញកិច្ចការងារក៏មាន។
ហ្គេមនៅលើទូរសព្ទស្មាតហ្វូនលើកុំព្យូទ័រ ជាពិសេសហ្គេមតាមហ្វេសប៊ុក មានច្រើនប្រភេទណាស់នាពេលបច្ចុប្បន្ននេះ។ Candy Crush Saga ឬហ្គេមស្ករគ្រាប់ កំពុងទទួលបាននូវការពេញនិយមយ៉ាងខ្លាំង ពីព្រោះគេអាចលេងវាបាននៅតាមគ្រប់ប្រព័ន្ធប្រតិបត្តិការទូរសព្ទស្មាតហ្វូនមិនថា iOS, Android ឬនៅលើកុំព្យូទ័រនោះឡើយ ។
ជាអ្នកចំណាយពេលប្រចាំថ្ងៃយ៉ាងច្រើនជាមួយនឹង Candy Crush យុវជនសម្បុរស សក់វែងបន្តិចឈ្មោះ តេក លី បានលើកឡើងថា ក្នុងចំណោមមិត្តនៅក្នុងហ្វេសប៊ុកដែលចូលចិត្តលេងហ្គេមនេះ គឺលោកមានលំដាប់ (Level) ខ្ពស់ជាងគេ ព្រោះលោកលេងទាំងយប់ទាំងថ្ងៃ។ យុវជនរូបនេះបានអះអាងថា៖« ខ្ញុំមិនសូវគេងទេមួយយប់ៗ ខ្ញុំជក់លេងដល់យប់ជ្រៅ ពេលខ្លះដល់ភ្លឺក៏មាន។ មិត្តភ័ក្តិជាច្រើនតែងសុំឲ្យជួយព្រោះខ្ញុំពូកែលេង»។
កញ្ញា ស្រីនីន ក៏ជាអ្នកលេង Candy Crush ដល់ Level កំពូលម្នាក់ផងដែរ។ យុវតីរូបនេះនិយាយឲ្យដឹងថា លេងហ្គេមនេះអាចបង្កើនភាពវ័យឆ្លាត ព្រោះវាទាមទារឲ្យអ្នកលេងគិតច្រើនបន្តិចទើបអាចឈ្នះ។ យុវតីរូបនេះ បានអះអាងថា៖«ពេលខ្លះខ្ញុំសុខចិត្តអត់គេង ដោយសារចង់បានលំដាប់ (level) ខ្ពស់។ មិត្តភ័ក្តិខ្ញុំមួយចំនួនក៏អីចឹងដែរ។ និយាយឲ្យត្រង់ ពេលខ្លះយើងក៏បានភ្លេចបាយទឹកផងដែរ»។
ជាមន្ត្រីរាជការវ័យក្មេងម្នាក់ទៀត លោក សំ សុផាត ជាបុគ្គលិកនៅមន្ទីឧស្សាហកម្មរ៉ែ និងថាមពល លោកលេង Candy Crush នេះ ៤ខែមកហើយ ឥឡូវដល់ កម្រិត (level) ៣៤៩ ។ យុវជនវ័យ២៦ឆ្នាំរូបនេះ រៀបរាប់ថា៖«ខ្ញុំលេងរៀងរាល់យប់ និងពេលទំនេរសំរាកពីការងារ។ លេងយូរៗរឹតតែស្ត្រេសន៍ ប៉ុន្តែនៅតែតស៊ូរលេងព្រោះចង់ឈ្នះ...»។
ជាអ្នកចូលចិត្តអង្គុយនៅម៉ាតមួយកន្លែងក្បែរស្តុបបូកគោ ក្នុងរាជធានីភ្នំពេញ ខណៈកំពុងអង្គុយឈ្ងោកមុខសម្លឹងអេក្រង់ទូរស័ព្ទឥតព្រិច យូរៗម្តង លោក ដារ៉ា ក្រេបកាហ្វេមួយក្អឹក។ បុរសវ័យ២៥ឆ្នាំរូបនេះ កំពុងជក់ចិត្តនឹងហ្គេមមិងខ្វល់ពីអ្នកនៅជុំវិញខ្លួនឡើយ។
ដារ៉ា ក៏ដូចជាអ្នកញៀនហ្គេមតាមទូរស័ព្ទផ្សេងទៀត យល់ឃើញថា មិនថា Candy Crush, Hay Day (សម្រាប់ iOS) ឬហ្គេមអនឡាញដទៃទៀតឡើយ សុទ្ធតែអាចឲ្យផ្តល់ឱកាសដល់អ្នកលេងអាចស្គាល់គ្នា និងជួយគ្នាទៅវិញទៅមក ជាពិសេសតាមរយៈសារនៅលើហ្វេសប៊ុក។
ដែលពួកគេកំពុងមានការពេញនិយមបំផុតនោះ គឺហ្គេមហេដេ (Hay Day) និងខេនឌីក្រាស់សាហ្គា (Candy Crush Saga) ជាដើម។ តារយៈហ្គេមទាំងនេះ ពួកគេអាចជួយគ្នាទៅវិញទៅមក និងមានឱកាសស្គាល់មិត្តភ័ក្តិតាមបណ្តាញហ្វេសប៊ុកជាច្រើនផងដែរ។
មិនមែនមានតែយុវវ័យទេដែលកំពុងឆ្លក់វង្វេងនឹងហ្គេមទាំងនេះ មនុស្សវ័យចំណាស់មួយចំនួនទៀតក៏ កំពុងពេញនិយមផងដែរ ហើយក៏មានប្តីប្រពន្ធមួយចំនួនតែងដណ្តើមទូរស័ព្ទគ្នា ព្រោះចង់លេងហ្គេមនេះផងដែរ ពេលខ្លះជក់លេងស្ទើរតែភ្លេចកូនចៅទៀតផង។
Candy Crush Saga ដែលជាសមិទ្ធផលរបស់ក្រុមហ៊ុន King.com ត្រូវបានដាក់ឲ្យលេងនៅលើហ្វេសប៊ុកកាលពីថ្ងៃទី១២ ខែមេសា ឆ្នាំ២០១២ នៅលើ iPhone/iPad កាលពីថ្ងៃទី១៤ ខែវិច្ឆិកា ឆ្នាំ២០១២ និងនៅលើ Android កាលពីថ្ងៃទី១៤ ខែធ្នូ ឆ្នាំ២០១២ ។
នៅតាមបណ្តាញហ្វេសប៊ុក អ្នកលេង Candy Crash Saga មានជាមធ្យម៤៦លាននាក់ក្នុងមួយខែ។ បើយោងតាមការវាយតម្លៃមួយកាលពីខែកក្កដា ឆ្នាំ២០១៣ អ្នកលេងសកម្មមានប្រមាណ៦,៧លាននាក់ និងអាចឲ្យក្រុមហ៊ុនបានចំណូលជាង៦សែនដុល្លារជារៀងរាល់ថ្ងៃតាមរយៈ iOS App Store ក្នុងផ្នែក US Section។
ជាធម្មតាបើចង់បានស្ករគ្រាប់បំបែកឧបសគ្គ ឬរបស់របរសំខាន់ផ្សេងទៀត អ្នកលេងទាំងអស់ត្រូវបញ្ជាទិញនៅ Store ប៉ុន្តែអ្នកលេងមួយចំនួនបាននាំគ្នាដើរផ្លូវកាត់តាមរយៈការប្រើកម្មវិធី Hack យកសម្ភារទាំងនោះ ដោយមិនចាំបាច់ចំណាយប្រាក់៕
ហ្គេមនៅលើទូរសព្ទស្មាតហ្វូនលើកុំព្យូទ័រ ជាពិសេសហ្គេមតាមហ្វេសប៊ុក មានច្រើនប្រភេទណាស់នាពេលបច្ចុប្បន្ននេះ។ Candy Crush Saga ឬហ្គេមស្ករគ្រាប់ កំពុងទទួលបាននូវការពេញនិយមយ៉ាងខ្លាំង ពីព្រោះគេអាចលេងវាបាននៅតាមគ្រប់ប្រព័ន្ធប្រតិបត្តិការទូរសព្ទស្មាតហ្វូនមិនថា iOS, Android ឬនៅលើកុំព្យូទ័រនោះឡើយ ។
ជាអ្នកចំណាយពេលប្រចាំថ្ងៃយ៉ាងច្រើនជាមួយនឹង Candy Crush យុវជនសម្បុរស សក់វែងបន្តិចឈ្មោះ តេក លី បានលើកឡើងថា ក្នុងចំណោមមិត្តនៅក្នុងហ្វេសប៊ុកដែលចូលចិត្តលេងហ្គេមនេះ គឺលោកមានលំដាប់ (Level) ខ្ពស់ជាងគេ ព្រោះលោកលេងទាំងយប់ទាំងថ្ងៃ។ យុវជនរូបនេះបានអះអាងថា៖« ខ្ញុំមិនសូវគេងទេមួយយប់ៗ ខ្ញុំជក់លេងដល់យប់ជ្រៅ ពេលខ្លះដល់ភ្លឺក៏មាន។ មិត្តភ័ក្តិជាច្រើនតែងសុំឲ្យជួយព្រោះខ្ញុំពូកែលេង»។
កញ្ញា ស្រីនីន ក៏ជាអ្នកលេង Candy Crush ដល់ Level កំពូលម្នាក់ផងដែរ។ យុវតីរូបនេះនិយាយឲ្យដឹងថា លេងហ្គេមនេះអាចបង្កើនភាពវ័យឆ្លាត ព្រោះវាទាមទារឲ្យអ្នកលេងគិតច្រើនបន្តិចទើបអាចឈ្នះ។ យុវតីរូបនេះ បានអះអាងថា៖«ពេលខ្លះខ្ញុំសុខចិត្តអត់គេង ដោយសារចង់បានលំដាប់ (level) ខ្ពស់។ មិត្តភ័ក្តិខ្ញុំមួយចំនួនក៏អីចឹងដែរ។ និយាយឲ្យត្រង់ ពេលខ្លះយើងក៏បានភ្លេចបាយទឹកផងដែរ»។
ជាមន្ត្រីរាជការវ័យក្មេងម្នាក់ទៀត លោក សំ សុផាត ជាបុគ្គលិកនៅមន្ទីឧស្សាហកម្មរ៉ែ និងថាមពល លោកលេង Candy Crush នេះ ៤ខែមកហើយ ឥឡូវដល់ កម្រិត (level) ៣៤៩ ។ យុវជនវ័យ២៦ឆ្នាំរូបនេះ រៀបរាប់ថា៖«ខ្ញុំលេងរៀងរាល់យប់ និងពេលទំនេរសំរាកពីការងារ។ លេងយូរៗរឹតតែស្ត្រេសន៍ ប៉ុន្តែនៅតែតស៊ូរលេងព្រោះចង់ឈ្នះ...»។
ជាអ្នកចូលចិត្តអង្គុយនៅម៉ាតមួយកន្លែងក្បែរស្តុបបូកគោ ក្នុងរាជធានីភ្នំពេញ ខណៈកំពុងអង្គុយឈ្ងោកមុខសម្លឹងអេក្រង់ទូរស័ព្ទឥតព្រិច យូរៗម្តង លោក ដារ៉ា ក្រេបកាហ្វេមួយក្អឹក។ បុរសវ័យ២៥ឆ្នាំរូបនេះ កំពុងជក់ចិត្តនឹងហ្គេមមិងខ្វល់ពីអ្នកនៅជុំវិញខ្លួនឡើយ។
ដារ៉ា ក៏ដូចជាអ្នកញៀនហ្គេមតាមទូរស័ព្ទផ្សេងទៀត យល់ឃើញថា មិនថា Candy Crush, Hay Day (សម្រាប់ iOS) ឬហ្គេមអនឡាញដទៃទៀតឡើយ សុទ្ធតែអាចឲ្យផ្តល់ឱកាសដល់អ្នកលេងអាចស្គាល់គ្នា និងជួយគ្នាទៅវិញទៅមក ជាពិសេសតាមរយៈសារនៅលើហ្វេសប៊ុក។
ដែលពួកគេកំពុងមានការពេញនិយមបំផុតនោះ គឺហ្គេមហេដេ (Hay Day) និងខេនឌីក្រាស់សាហ្គា (Candy Crush Saga) ជាដើម។ តារយៈហ្គេមទាំងនេះ ពួកគេអាចជួយគ្នាទៅវិញទៅមក និងមានឱកាសស្គាល់មិត្តភ័ក្តិតាមបណ្តាញហ្វេសប៊ុកជាច្រើនផងដែរ។
មិនមែនមានតែយុវវ័យទេដែលកំពុងឆ្លក់វង្វេងនឹងហ្គេមទាំងនេះ មនុស្សវ័យចំណាស់មួយចំនួនទៀតក៏ កំពុងពេញនិយមផងដែរ ហើយក៏មានប្តីប្រពន្ធមួយចំនួនតែងដណ្តើមទូរស័ព្ទគ្នា ព្រោះចង់លេងហ្គេមនេះផងដែរ ពេលខ្លះជក់លេងស្ទើរតែភ្លេចកូនចៅទៀតផង។
Candy Crush Saga ដែលជាសមិទ្ធផលរបស់ក្រុមហ៊ុន King.com ត្រូវបានដាក់ឲ្យលេងនៅលើហ្វេសប៊ុកកាលពីថ្ងៃទី១២ ខែមេសា ឆ្នាំ២០១២ នៅលើ iPhone/iPad កាលពីថ្ងៃទី១៤ ខែវិច្ឆិកា ឆ្នាំ២០១២ និងនៅលើ Android កាលពីថ្ងៃទី១៤ ខែធ្នូ ឆ្នាំ២០១២ ។
នៅតាមបណ្តាញហ្វេសប៊ុក អ្នកលេង Candy Crash Saga មានជាមធ្យម៤៦លាននាក់ក្នុងមួយខែ។ បើយោងតាមការវាយតម្លៃមួយកាលពីខែកក្កដា ឆ្នាំ២០១៣ អ្នកលេងសកម្មមានប្រមាណ៦,៧លាននាក់ និងអាចឲ្យក្រុមហ៊ុនបានចំណូលជាង៦សែនដុល្លារជារៀងរាល់ថ្ងៃតាមរយៈ iOS App Store ក្នុងផ្នែក US Section។
ជាធម្មតាបើចង់បានស្ករគ្រាប់បំបែកឧបសគ្គ ឬរបស់របរសំខាន់ផ្សេងទៀត អ្នកលេងទាំងអស់ត្រូវបញ្ជាទិញនៅ Store ប៉ុន្តែអ្នកលេងមួយចំនួនបាននាំគ្នាដើរផ្លូវកាត់តាមរយៈការប្រើកម្មវិធី Hack យកសម្ភារទាំងនោះ ដោយមិនចាំបាច់ចំណាយប្រាក់៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
