COVID-19
ជាតិ
COVID-១៩៖ ថ្ងៃនេះកម្ពុជាមានអ្នកជាសះស្បើយចំនួន៤នាក់ទៀត ខណៈគ្មានករណីឆ្លងថ្មី
×![]()
ភ្នំពេញ៖ ក្រសួងសុខាភិបាលនាថ្ងៃទី១៥ ខែសីហានេះ បានប្រកាសអ្នកជាសះស្បើយចំនួន៤នាក់ដែលជាបុរសធ្វើដំណើរពីប្រទេសរុស្សី ឥណ្ឌូណេស៊ី ប៉ាគីស្ថាន និងជាក្រុមមួកខៀវអង្គការសហប្រជាជាតិកម្ពុជាដែលធ្វើដំណើរមកពីប្រទេសម៉ាលី។ ទន្ទឹមនឹងថ្ងៃនេះគ្មានករណីឆ្លងថ្មីឡើយ។
បុរសទាំង៤នាក់ដែលជាសះស្បើយនោះមានអាយុចន្លោះពី២៥ ទៅ៣១ឆ្នាំ, បុរសអាយុ២៥ឆ្នាំដូចគ្នា៣នាក់ មានអាសយដ្ឋាននៅភូមិស ឃុំធីយោ ស្រុកចំការលើ ខេត្តកំពង់ចាម ដែលធ្វើដំណើរពីប្រទេសរុស្សី មកដល់កម្ពុជានៅថ្ងៃទី១៩ ខែកក្កដា។ មានអាសយដ្ឋាននៅស្រុកក្រូចឆ្មារ ខេត្តត្បូងឃ្មុំ ដែលបានធ្វើដំណើរមកពីប្រទេសឥណ្ឌូណេស៊ីកាលពីថ្ងៃទី២៣ និងមានអាសយដ្ឋាននៅភូមិនរា ឃុំនរា ស្រុកសង្កែ ខេត្តបាត់ដំបង មកពីប្រទេសប៉ាគីស្ថានកាលពីថ្ងៃទី៣១ ខែកក្កដា និងម្នាក់ទៀតអាយុ៣១ឆ្នាំនៅភូមិកែវសុវណ្ណ សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ ដែលជាក្រុមមួកខៀវ មកពីប្រទេសម៉ាលីកាលពីថ្ងៃទី១០ ខែកក្កដា។
គិតត្រឹមថ្ងៃទី១៥ ខែសីហា កម្ពុជាមានករណីកូវីដ-១៩កើនដល់២៧៣នាក់ ជាសះស្បើយចំនួន២២៩នាក់ និងសល់ចំនួន៤៤នាក់ កំពុងតែព្យាបាលនៅមន្ទីរពេទ្យមិត្តភាពខ្មែរ-សូវៀត មណ្ឌលសុខភាពចាក់អង្រែ មន្ទីរពេទ្យបង្អែកខេត្តកំពង់ស្ពឺ មន្ទីរពេទ្យបង្អែកខេត្តត្បូងឃ្មុំ និងមន្ទីរពេទ្យរ៉ូយ៉ាល់ភ្នំពេញ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
