ពីនេះ ពីនោះ
ពាក្យ«បោះ»មានន័យខុសពី«បោស»ដូចម្តេច?
×
នៅក្នុងវចនានុក្រមសម្តេចសង្ឃរាជ ជួន ណាត បានបញ្ជាក់ថា ពាក្យ«បោះ»មានន័យខុសពី«បោស»។
ចាប់គ្រវែងឬចោលដោយដៃផ្ងារ បោះឧស, បោះអង្គញ់ ។ វាយសំពងឲ្យមុតកប់ ឲ្យលិចចុះ បោះបង្គោល, បោះស្នឹង, បោះដែកគោល ជានិយមន័យរបស់ពាក្យ«បោះ»។ «បោះ» ប្រើជាពាក្យថា លក់ទំនិញលើកបូកបោះរួបរួមទាំងអស់ ដោយមិនគិតយកចំណេញច្រើន។ យកសំពត់ហូល ៣០ទៅបោះឲ្យហាង ។
ធ្វើឲ្យដិតជាប់ជាស្នាមឬជារូបភាព, ជាក្បាច់រចនា តាមស្នាមចម្លាក់ ឬតាមពុម្ព ដែលគេនិយមថា បោះត្រា, បោះពុម្ពអក្សរ, បោះពុម្ពក្បាច់ ជាដើម។ បោះពាក្យ ឬ បោះសម្ដី បញ្ចេញពាក្យសម្ដីទ្រគោះដូចគេបោះអ្វីៗចោល។ បោះសន្ទូចរំលងភ្នំ រំលងអ្នកធំទៅរកឯអ្នកតូចមុនឬរំលងមុខក្រសួងមិនតាមលំដាប់ពីនេះទៅនោះ។
ចំណែក«បោស»វិញប្រើនៅក្នុងន័យថា សម្អាតដោយអំបោស ឬផាត់សម្អាតដោយបាតដៃជាដើម ។ បោសច្រាស បោសគ្រវាសវាយវាត់ឲ្យដាច់ស្មៅ ដោយច្រាសវែងធ្វើដោយបន្ទោះឫស្សីមូលៗ ចងឬចាក់ច្បោសជាបាច់ឬដោយអំបោសវែងធ្វើដោយដើមឫស្សីព្រេចជាដើម៕
© រក្សាសិទ្ធិដោយ thmeythmey.com