សហព័ន្ធពិន័យកីឡាករ ណៃ សារ៉ាវ័យ មិនឲ្យពាក់ព័ន្ធកីឡាវាយកូនឃ្លីតុ រីឯ ឡាយ ភក្តី ព្យួរមួយឆ្នាំ

កីឡាជាតិ

ជាតិ

សហព័ន្ធពិន័យកីឡាករ ណៃ សារ៉ាវ័យ មិនឲ្យពាក់ព័ន្ធកីឡាវាយកូនឃ្លីតុ រីឯ ឡាយ ភក្តី ព្យួរមួយឆ្នាំ

24, Aug 2020 , 3:03 pm

រូបភាព

(រូបពីស្តាំ)លោក គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុ កីឡាករ ឡាយ ភក្តី និង ណៃ សារ៉ាវ័យ

ដោយ:

សហព័ន្ធកីឡាវាយកូនឃ្លីលើតុកម្ពុជាបានសម្រេចពិន័យកីឡាករ ណៃ សារ៉ាវ័យ មិនឲ្យពាក់ព័ន្ធរាល់សកម្មភាពកីឡាវាយកូនឃ្លីលើតុ ចំណែកកីឡាករ ឡាយ ភក្តី ត្រូវបានព្យួរមិនឲ្យចូលរួមការប្រកួតលក្ខណៈជាតិ និងអន្តរជាតិនានារយៈពេលមួយឆ្នាំ។ នេះបើយោងតាមសេចក្តីសម្រេចរបស់សហព័ន្ធកាលពីថ្ងៃទី១៥ ខែសីហា ឆ្នាំ២០២០ ដែលសារព័ត៌មានថ្មីៗទើបទទួលបាននៅថ្ងៃទី២៤ ខែសីហា ឆ្នាំ២០២០។

ប៉ុន្តែសេចក្តីសម្រេច ដែលចុះហត្ថលេខាដោយ លោក គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជា មិនបានបញ្ជាក់លម្អិតពីមូលហេតុពាក់ព័ន្ធការពិន័យនេះនោះទេ គ្រាន់តែអះអាងថា កីឡាករទាំងពីររូបបានប្រព្រឹត្តកំហុសធ្ងន់ធ្ងរផ្ទុយពីក្រមសីលធម៌ និងវិន័យរបស់សហព័ន្ធ។

សេចក្តីសម្រេចខាងលើបានអះអាងថា មុនសម្រេចដាក់ពិន័យកីឡាករទាំងពីររូបនេះសហព័ន្ធបានពិភាក្សាគ្នាយ៉ាងល្អិតល្អន់ក្នុងកិច្ចប្រជុំគណៈកម្មការប្រតិបត្តិរបស់សហព័ន្ធកាលពីថ្ងៃទី១០ ខែសីហា ឆ្នាំ២០២០៕