ភ្លើងឆេះនៅផ្សារសំរោងយ៉ោង អស់តូប២៣០ គិតជាទឹកប្រាក់៨លានដុល្លារ

ជាតិ

ភ្លើងឆេះនៅផ្សារសំរោងយ៉ោង អស់តូប២៣០ គិតជាទឹកប្រាក់៨លានដុល្លារ

18, Sep 2020 , 6:59 pm

រូបភាព

ដោយ: អ៊ុត រស្មី (Uth Raksmey)

អគ្គិភ័យដែលឆាបឆេះផ្សារសំរោងយ៉ោង ស្ថិតនៅស្រុកបាទី ខេត្តតាកែវ កាលពីយប់ថ្ងៃទី១៧ ខែកញ្ញា បានបណ្ដាលឱ្យតូបលក់អីវ៉ាន់ខូចខាតអស់២៣០តូប ក្នុងចំណោមតូប២៨០ គិតជាទឹកប្រាក់អស់ប្រមាណ ៨លានដុល្លារ។ នេះបើតាមការផ្សាយរបស់នាយកដ្ឋាននគរបាលបង្ការពន្លត់អគ្គិភ័យ និងសង្រ្គោះនៃអគ្គស្នងការដ្ឋាននគរបាលជាតិ។

នាយកដ្ឋាននគរបាលបង្ការពន្លត់អគ្គិភ័យ បានបញ្ជាក់ថា មូលហេតុដែលបណ្ដាលឱ្យឆាបឆេះផ្សារនេះ ដោយសារឆ្លងចរន្តអគ្គិសនី។

ហេតុការណ៍អគ្គិភ័យនេះ បានប្រើប្រាស់រថយន្តពន្លត់អគ្គិភ័យអស់ចំនួន ២៣រថយន្ត ហើយភ្លើងបានរលត់ទាំងស្រុង នៅវេលាម៉ោង១:៣០នាទីព្រឹក ថ្ងៃទី១៨ ខែកញ្ញា៕

អត្ថបទទាក់ទង

អគ្គិភ័យកំពុងឆាបឆេះផ្សារសំរោងយ៉ោង យ៉ាងសន្ធោរសន្ធៅ ស្ថិតលើផ្លូវជាតិលេខ២