បទយកការណ៍ / បទសម្ភាសន៍
ជាតិ
×![]()
×![]()
ភ្នំពេញ៖ ស្នេហារបស់យុវជន យុវនារីសម័យថ្មីមួយចំនួនមិនត្រូវបានលាក់ ទុកជាអាថ៌កំបាំង ទៀតនោះ ទេ។ ពួកគេបាននិងកំពុងបង្ហាញដោយបើកចំហរនៅតាមទីសាធារណៈផ្សេងៗ ដោយមិនអៀនខ្មាស។ ភាពស្និទ្ធស្នាលរបស់គូរស្នេហ៍មួយចំនួនតែងកើតមាននៅតាមដងផ្លូវ តាមហាងអាហារ សួនច្បារ លើវាស្មៅ និងនៅតាមទីកន្លែងស្ងាត់មួយចំនួនផ្សេងទៀត។
នៅម្តុំសួនច្បារមុខវត្តបុទុមវតីរាជធានីភ្នំពេញ ម៉ូតូស្គុបពី(Scoopy)មួយគ្រឿងចតទុកចោល មិនត្រូវបានម្ចាស់ខ្វាយខ្វល់ឡើយ ព្រោះពួកគេរវល់អង្គុយសាសង កាន់ដៃគ្នា កៀកកើយលើគ្នានៅលើវាលស្មៅយ៉ាងផ្អែមល្ហែម។ នៅមិនឆ្ងាយប៉ុន្មានពីគូរស្នេហ៍នោះ គូរស្នេហ៍វ័យក្មេងមួយគូរទៀតក៏កំពុងអោបរឹតគ្នា ថ្ពាល់ជល់ថ្ពាល់យ៉ាងស្អិតល្មួតនៅលើឃឿនក្រោមដើមពោធិ៍។
ក្រឡេកទៅមើលតាមសួនច្បារសាធារណៈឯណោះវិញ ប្រសិនបើគេគយគន់ពីរមណីយដ្ឋានកោះ ពេជ្រទៅត្រើយខាងលិចក្បែរអគារណាហ្គាវើល ទីតាំងសួនច្បារតាមបណ្តោយមាត់ច្រាំងទន្លេ បានក្លាយជាកន្លែងសារសងគ្នារបស់គូរស្នេហ៍មួយចំនួនក្រោយពេលថ្ងៃលិច។
ម៉ូតូមួយគ្រឿងចតអែបមាត់ច្រាំងទន្លេ នារីស្លៀកខោរឹបគូថខ្លីអង្គុយពីមុខ បុរសជាសង្សារអង្គុយច្រកគាវពីក្រោយ ដៃទាំងពីរឥតទំនេរ ម្ខាងអោបចង្កេះយ៉ាងណែន ម្ខាងទៀតស្ទាបអង្អែលសាច់ភ្លៅសខ្ចីតិចៗ។ ពួកគេនិយាយសារសងគ្នាបណ្តើរ ភ្នែកសំឡឹងមើលផ្ទៃទឹកបណ្តើរ យូរៗម្តងពួកគេថើបគ្នាមួយខ្សឺត ក្នុងន័យ ជាការបង្អួតទៅកាន់ទេសភាពទឹកទន្លេ។
ងាកមកឆ្វេងដៃបន្តិច ម៉ូតូមួយគ្រឿងទៀតចតបាំងពីមុខបង់មួយ គូរស្នេហ៍មួយគូរវ័យស្របាលគ្នាកំពុង អង្គុយកាន់ដៃគ្នាសារសងជាមួយពាក្យផ្អែមល្ហែម។ ជារឿយៗនារីវ័យក្មេងតែងដេកផ្អែកលើស្មាបុរសជាសង្សារ។
ដោយឡែកនៅលើវាលស្មៅឯណោះវិញ គូរស្នេហ៍មួយគូរទៀតកំពុងអង្គុយសង្ងំអោបគ្នាននៅកន្លែងងងឹតៗ ខណៈមានមនុស្សដើរកាត់ពួកគេធ្វើជានិយាយគ្នាជាធម្មតា។ នៅក្បែរនោះផងដែរ យុវជនម្នាក់ទៀតកំពុងដេកកើយភ្លៅសង្សារ និយាយសាសងគ្នាមិនខ្វល់ពីអ្នកដ៏ទៃទៀតនោះទេ។
ក៏មិនខុសពីគូរស្នេហ៍ដ៏ទៃទៀតដែរ កំពុងអង្គុយសណ្តូកជើងប្រកៀកប្រកិតគ្នាលើឃឿនច្រាំងទន្លេ គូរស្នេហ៍វ័យជំទង់មួយគូរនេះកំពុងគយគន់ផ្ទៃទឹកទន្លេបណ្តើរ ប្រឡែងគ្នាបណ្តើរ។ តែប្រមាណមួយម៉ោងក្រោយមក ពួកគេដឹកដៃគ្នាឡើងម៉ូតូជិះចេញទៅ។ ចំណែកឯរថយន្តបិទកញ្ចក់ខ្មៅមួយចំនួនក៏តែងសំចតនៅកន្លែងស្ងាត់ៗក្បែរនោះដែរ។ ពួកគេសម្ងំអោបថើបគ្នាអស់ចិត្តទើបចាកចេញ។
មិនមែនមានតែគូរស្នេហ៍ខាងលើនេះទេដែលកំពុងបង្ហាញភាពស្និទ្ធស្នាលរបស់ខ្លួនតាមទីសាធារណៈ គូរសង្សារជាច្រើនផ្សេងទៀតក៏ពុងបើកចំហរស្នេហារបស់ខ្លួនដោយមិនសូវអៀនខ្មាស់ផងដែរ។ តែគ្រាន់ អ្នកខ្លះបង្ហាញនៅក្នុងកន្លែងបិទបាំងបន្តិច។
ក្នុងហាងតែគុជមួយកន្លែងនៅក្បែរវិទ្យាល័យទួលទំពូង គូរសង្សារវ័យក្មេងជាច្រើនអង្គុយប្រឡែង គ្នាយ៉ាងសប្បាយរីករាយ អ្នកមួយចំនួនអង្គុយអោបចង្កេះគ្នាបណ្តើរចុចទូរស័ព្ទបណ្តើរ គូរមួយចំនួនទៀត ដើរកៀកដៃបណ្តើរគ្នាចេញចូលទៅមក ពួកគេមើលទៅហាក់មិនអៀនខ្មាស់គ្នានោះឡើយ។
លោក សំបូរ មានអាយុប្រមាណជាង៤០ឆ្នាំ ធ្លាប់ធ្វើដំណើរច្រើនលើកច្រើនសារ ទៅកាន់បរទេសបានអត្ថាធិប្បាយថា ទិដ្ឋភាពសេ្នហាបើកចំហររបៀបនេះ លោកធ្លាប់បានឃើញកើតមាននៅក្នុងបស្ចិមប្រទេស ដូចជាប្រទេសអឺរ៉ុប ឬប្រទេសអាមេរិកកាលពី១៥ឆ្នាំមុន។ ប៉ុន្តែនៅពេលនេះ ទិដ្ឋភាពស្រដៀងគ្នានេះបានកើតមាននៅក្នុងប្រទេសកម្ពុជា។ លោក សំបូរបានបញ្ជាក់ថា៖«យុវជនខ្មែរកាលពី១៥ឆ្នាំមុន សូម្បីតែដើរកាន់ដៃគ្នាមិនហ៊ានផង។ ប៉ុន្តែឥឡូវនេះ ពួកគេមិនត្រឹមតែកាន់ដៃគ្នាទេ ប៉ុន្តែពួកគេហ៊ានថើប អោបរឹតគ្នានៅទីសាធារណៈទៀតផង»។
ការបង្ហាញសេចក្តីស្នេហាក្នុងទម្រង់បែបនេះគឺដោយសារពួកគេចង់បង្អួតគូរស្នេហ៏ទៅវិញទៅមកម្យ៉ាង និងម្យ៉ាងទៀត ពួកគេចង់បង្ហាញសាធារណជនថា ស្នេហាពួកគេកំពុងតែស៊ីជម្រៅខ្លាំង។ ខ្លាំងរហូតដល់មិនអាចកាត់ថ្លៃបាន ហើយសូម្បីតែអ្នកដទៃក៏មិនខ្មាស់ដែរ៕
នៅម្តុំសួនច្បារមុខវត្តបុទុមវតីរាជធានីភ្នំពេញ ម៉ូតូស្គុបពី(Scoopy)មួយគ្រឿងចតទុកចោល មិនត្រូវបានម្ចាស់ខ្វាយខ្វល់ឡើយ ព្រោះពួកគេរវល់អង្គុយសាសង កាន់ដៃគ្នា កៀកកើយលើគ្នានៅលើវាលស្មៅយ៉ាងផ្អែមល្ហែម។ នៅមិនឆ្ងាយប៉ុន្មានពីគូរស្នេហ៍នោះ គូរស្នេហ៍វ័យក្មេងមួយគូរទៀតក៏កំពុងអោបរឹតគ្នា ថ្ពាល់ជល់ថ្ពាល់យ៉ាងស្អិតល្មួតនៅលើឃឿនក្រោមដើមពោធិ៍។
ក្រឡេកទៅមើលតាមសួនច្បារសាធារណៈឯណោះវិញ ប្រសិនបើគេគយគន់ពីរមណីយដ្ឋានកោះ ពេជ្រទៅត្រើយខាងលិចក្បែរអគារណាហ្គាវើល ទីតាំងសួនច្បារតាមបណ្តោយមាត់ច្រាំងទន្លេ បានក្លាយជាកន្លែងសារសងគ្នារបស់គូរស្នេហ៍មួយចំនួនក្រោយពេលថ្ងៃលិច។
ម៉ូតូមួយគ្រឿងចតអែបមាត់ច្រាំងទន្លេ នារីស្លៀកខោរឹបគូថខ្លីអង្គុយពីមុខ បុរសជាសង្សារអង្គុយច្រកគាវពីក្រោយ ដៃទាំងពីរឥតទំនេរ ម្ខាងអោបចង្កេះយ៉ាងណែន ម្ខាងទៀតស្ទាបអង្អែលសាច់ភ្លៅសខ្ចីតិចៗ។ ពួកគេនិយាយសារសងគ្នាបណ្តើរ ភ្នែកសំឡឹងមើលផ្ទៃទឹកបណ្តើរ យូរៗម្តងពួកគេថើបគ្នាមួយខ្សឺត ក្នុងន័យ ជាការបង្អួតទៅកាន់ទេសភាពទឹកទន្លេ។
ងាកមកឆ្វេងដៃបន្តិច ម៉ូតូមួយគ្រឿងទៀតចតបាំងពីមុខបង់មួយ គូរស្នេហ៍មួយគូរវ័យស្របាលគ្នាកំពុង អង្គុយកាន់ដៃគ្នាសារសងជាមួយពាក្យផ្អែមល្ហែម។ ជារឿយៗនារីវ័យក្មេងតែងដេកផ្អែកលើស្មាបុរសជាសង្សារ។
ដោយឡែកនៅលើវាលស្មៅឯណោះវិញ គូរស្នេហ៍មួយគូរទៀតកំពុងអង្គុយសង្ងំអោបគ្នាននៅកន្លែងងងឹតៗ ខណៈមានមនុស្សដើរកាត់ពួកគេធ្វើជានិយាយគ្នាជាធម្មតា។ នៅក្បែរនោះផងដែរ យុវជនម្នាក់ទៀតកំពុងដេកកើយភ្លៅសង្សារ និយាយសាសងគ្នាមិនខ្វល់ពីអ្នកដ៏ទៃទៀតនោះទេ។
ក៏មិនខុសពីគូរស្នេហ៍ដ៏ទៃទៀតដែរ កំពុងអង្គុយសណ្តូកជើងប្រកៀកប្រកិតគ្នាលើឃឿនច្រាំងទន្លេ គូរស្នេហ៍វ័យជំទង់មួយគូរនេះកំពុងគយគន់ផ្ទៃទឹកទន្លេបណ្តើរ ប្រឡែងគ្នាបណ្តើរ។ តែប្រមាណមួយម៉ោងក្រោយមក ពួកគេដឹកដៃគ្នាឡើងម៉ូតូជិះចេញទៅ។ ចំណែកឯរថយន្តបិទកញ្ចក់ខ្មៅមួយចំនួនក៏តែងសំចតនៅកន្លែងស្ងាត់ៗក្បែរនោះដែរ។ ពួកគេសម្ងំអោបថើបគ្នាអស់ចិត្តទើបចាកចេញ។
មិនមែនមានតែគូរស្នេហ៍ខាងលើនេះទេដែលកំពុងបង្ហាញភាពស្និទ្ធស្នាលរបស់ខ្លួនតាមទីសាធារណៈ គូរសង្សារជាច្រើនផ្សេងទៀតក៏ពុងបើកចំហរស្នេហារបស់ខ្លួនដោយមិនសូវអៀនខ្មាស់ផងដែរ។ តែគ្រាន់ អ្នកខ្លះបង្ហាញនៅក្នុងកន្លែងបិទបាំងបន្តិច។
ក្នុងហាងតែគុជមួយកន្លែងនៅក្បែរវិទ្យាល័យទួលទំពូង គូរសង្សារវ័យក្មេងជាច្រើនអង្គុយប្រឡែង គ្នាយ៉ាងសប្បាយរីករាយ អ្នកមួយចំនួនអង្គុយអោបចង្កេះគ្នាបណ្តើរចុចទូរស័ព្ទបណ្តើរ គូរមួយចំនួនទៀត ដើរកៀកដៃបណ្តើរគ្នាចេញចូលទៅមក ពួកគេមើលទៅហាក់មិនអៀនខ្មាស់គ្នានោះឡើយ។
លោក សំបូរ មានអាយុប្រមាណជាង៤០ឆ្នាំ ធ្លាប់ធ្វើដំណើរច្រើនលើកច្រើនសារ ទៅកាន់បរទេសបានអត្ថាធិប្បាយថា ទិដ្ឋភាពសេ្នហាបើកចំហររបៀបនេះ លោកធ្លាប់បានឃើញកើតមាននៅក្នុងបស្ចិមប្រទេស ដូចជាប្រទេសអឺរ៉ុប ឬប្រទេសអាមេរិកកាលពី១៥ឆ្នាំមុន។ ប៉ុន្តែនៅពេលនេះ ទិដ្ឋភាពស្រដៀងគ្នានេះបានកើតមាននៅក្នុងប្រទេសកម្ពុជា។ លោក សំបូរបានបញ្ជាក់ថា៖«យុវជនខ្មែរកាលពី១៥ឆ្នាំមុន សូម្បីតែដើរកាន់ដៃគ្នាមិនហ៊ានផង។ ប៉ុន្តែឥឡូវនេះ ពួកគេមិនត្រឹមតែកាន់ដៃគ្នាទេ ប៉ុន្តែពួកគេហ៊ានថើប អោបរឹតគ្នានៅទីសាធារណៈទៀតផង»។
ការបង្ហាញសេចក្តីស្នេហាក្នុងទម្រង់បែបនេះគឺដោយសារពួកគេចង់បង្អួតគូរស្នេហ៏ទៅវិញទៅមកម្យ៉ាង និងម្យ៉ាងទៀត ពួកគេចង់បង្ហាញសាធារណជនថា ស្នេហាពួកគេកំពុងតែស៊ីជម្រៅខ្លាំង។ ខ្លាំងរហូតដល់មិនអាចកាត់ថ្លៃបាន ហើយសូម្បីតែអ្នកដទៃក៏មិនខ្មាស់ដែរ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
