បទយកការណ៍ / បទសម្ភាសន៍
ជាតិ
×![]()
ភ្នំពេញ៖ នៅតាមវិថីតូចៗមួយចំនួននៅក្នុងទីក្រុងភ្នំពេញ គេសង្កេតឃើញ មានស្លាក យីហោកោសជប់ជាច្រើន ដាក់បញ្ឈរនៅពីមុខផ្ទះល្វែងតូចៗ ឬនៅតាមផ្លូវលំតូចៗមួយ ចំនួន ដោយបានបង្ហាញពីតម្លៃសេវាឲ្យភ្ញៀវបានឃើញផងដែរ។ សេវានេះមានតម្លៃថោក ហើយពេលខ្លះក៏អាចព្យាបាលអាការៈមិនស្រួលខ្លួនបានភ្លាមៗទៀតផង។ យ៉ាណាក៏ ដោយ នៅក្រោមដំបូលស្លាកយីហោកោសជប់មួយចំនួន គេសង្កេតឃើញមានបង្កប់នូវ សេវាកម្មបម្រើផ្លូវភេទលួចលាក់។
ឈានជើងចូលដល់ក្នុងអាគារថ្មមួយ នៅសង្កាត់ផ្សារដើមថ្កូវ ម្តុំលូទឹកស្អុយរាជធានី ភ្នំពេញ គេឃើញនារីវ័យក្មេងៗ ស្រស់ស្អាតជាច្រើននាក់កំពុងអង្គុយជុំគ្នា។
អ្នកខ្លះអង្គុយលេងបៀនៅលើគ្រែ រីឯអ្នកខ្លះទៀត អង្គុយលើកៅអី លាបក្រែម ផាត់ ម្សៅ។ បើទោះបីជាកាយវិកាជាប់រវល់ក៏ដោយ ក៏ភ្នែករបស់ពួកគេរំពៃរង់ចាំទទួលភ្ញៀវជានិច្ច។
បន្តិចក្រោយមក នារីវ័យកណ្តាលម្នាក់ បបូរមាត់លាបក្រែមពណ៌ក្រហមច្រាល មាឌ រៀងធំបន្តិច ដែលមើលទៅទំនងជាមេការនៅក្នុងហាងបានដើរតម្រង់ទៅកាន់បុរសជា ភ្ញៀវហើយសួរថា៖«តើត្រូវការកោសជប់មែនទេបង?»បុរសជាភ្ញៀវ ឆ្លើយតបវិញថា៖ «បាទខ្ញុំមិនស្រួលខ្លួនទេ ខ្ញុំចង់កោសខ្យល់...»។ នារីសម្តីផ្អែមរូបនេះបន្តថា៖«អ៊ីចឹងអញ្ជើញមកតាមខ្ញុំ»។
នារីរូបនេះ បានប្រាប់ឲ្យនារីវ័យក្មេងស្រស់ស្អាតម្នាក់ទៀត នាំបុរសរូបនេះទៅកាន់ បន្ទប់។ ធ្វើដំណើរតាមពីក្រោយនារីសក់វែងបណ្តើរ ភ្នែកសម្លឹងឆ្វេងស្តាំបណ្តើរ។ នៅពេលឡើងតាមជណ្តើរកាច់កុងតម្រង់ទៅជាន់ខាងលើគេលឺសូរសំឡេងសើច ប្រឡែងគ្នាលាន់លឺខ្សាវៗចេញពីបន្ទប់មួយចំនួន ដែលបានបិទទ្វារជិត។
នៅពេលទៅដល់ជាន់ខាងលើ នារីរូបនេះយកដៃច្រានទ្វារតិចៗ ចូលក្នុងបន្ទប់តូចមួយ ហើយផាត់វាំងននពណ៌ក្រហមចងផ្អោបទៅនឹងចំរឹងបង្អួចដើម្បីឲ្យមានពន្លឺ បន្ទាប់មក នាងប្រាប់ឲ្យបុរសជាភ្ញៀវដោះអាវចេញ ហើយដេក លើពូកដែលបានរៀបចំទុកជា ស្រេច។
ក្រោយពេលរៀបចំគ្រឿងប្រដាប់ប្រដារួចរាល់ហើយ នាងប្រាប់ឲ្យបុរសនោះ ដេកផ្កាប់ មុខហើយនាង ក៏ចាប់ផ្តើមការងារកោសខ្យល់ដូចសព្វដង។ នាងកោសខ្យល់បណ្តើរ ឆ្លើយឆ្លងពាក្យសម្តីជាមួយបុរសនោះបណ្តើរ នារីដៃតូចស្រឡូនៗតែពោរពេញដោយ កម្លាំងរូបនេះ បានសួរសំនួរជាច្រើនថា តើបងអាយុប៉ុន្មានហើយ? បងធ្វើការនៅ ឯណា? បងមានប្រពន្ធហើយឬនៅ? មានសង្សារឬអត់?។
បុរសជាភ្ញៀវរាងស្ទាវបន្តិចដែរនោះ បានឆ្លើយពិតខ្លះ កុហកខ្លះទៅកាន់នាង ជាហូរហែ វិញផងដែរ។ ព្រមពេលជាមួយគ្នា បុរសរូបនោះក៏បានលេងពាក្យ សម្តីមួយ ចំនួនដើម្បី លេងសើចទៅកាន់នាងវិញទៀតផង។ នារីសាច់សរូបនេះ បាននិយាយត្អូញត្អែរ ពីជីវភាពគ្រួសារ និងការលំបាកប្រចាំថ្ងៃរបស់នាងទាំងទឹកមុខស្រពោន ប្រាប់ទៅកាន់ បុរសជាភ្ញៀវគួរឲ្យអាណិត។
និយាយញ៉ែញ៉ងគ្នាយូរបន្តិច នារីស្រស់ស្អាតរូបនេះបានធ្លោយមាត់ថា៖«បើបងចង់ ស្រួល ខ្ញុំអាចកំដរបាន យកថ្លៃសមរម្យទេ...»។ ក្រោយពេលបានលឺសម្តីយ៉ាងដូច្នេះ បុរសរូបនេះភ្ញាក់ខ្លួនព្រើត ហើយសួរទៅកាន់នាងវិញថា ៖«តើនៅទីនេះមានបម្រើសេវា ផ្លូវភេទមែនទេ?» នារីរូបនេះ ឆ្លើយរាងស្ទាក់ស្ទើរបន្តិចថា៖«មានដែរ តែលួចលាក់មិន បើកចំហរនោះទេ ភាគច្រើនទាល់តែម៉ូយទើបដឹង...»។
ខណៈបានលឺពាក្យសំដីធ្លោយមាត់របស់នាងហើយនោះ បុរសរូបនេះក៏បាន បដិសេធ នឹងនាងភ្លាមៗ ដោយនិយាយថា៖«ថ្ងៃនេះមិនសូវស្រួលខ្លួនទេ ចាំលើកក្រោយទៅ...»។
បន្ទាប់ពីបានកោសជប់រួចរាល់ហើយ នារីវ័យក្មេងចំណាយពេលមួយភ្លែត គេងនែប និត្យ ស្ទាបអង្អែលបុរស រូបនេះស្ទើរស្វាងជំងឺ ហើយបន្តិចក្រោយមកនាង បានប្រាប់ បុរសនោះថា៖«តោះបង យើងអាចចេញទៅបានហើយ»។
ក្រោយពេលបង់ថ្លៃសេវាហើយនោះ បុរសជាភ្ញៀវបានឲ្យធីបនាង ១ម៉ឺនរៀលជាការ លើកទឹកចិត្ត ហើយនាងបានសម្តែងការអរគុណ និងនិយាយ ផ្តាំផ្ញើរជាចុងក្រោយថា ៖«កុំភ្លេចមកថ្ងៃក្រោយ ទៀតណាបង...»។
លោក សុថៃ ដែលធ្លាប់ទទួលសេវាកម្មកោសខ្យល់បានឲ្យដឹងថា កន្លែងកោសជប់មួយ ចំនួនក៏មានលួចលាក់បម្រើសេវាផ្លូវភេទផងដែរ។
យុវវជនវ័យប្រមាណជា២៨ឆ្នាំរូបនេះបានបង្ហើបឲ្យដឹងថា៖«កន្លែងខ្លះ ក្រោយពេល កោសខ្យល់រួច គេអាចចរចាដេកជាមួយនាងបាន។ ប៉ុន្តែមិនមែនដេកនៅកន្លែង កោសជប់នោះទេ គឺត្រូវចេញទៅផ្ទះសំណាក់។
តម្លៃគេងជាមួយគ្នាអាចមានពី ២០ដុល្លារ ទៅ ៣០ដុល្លារ ឬច្រើនជាងនេះក៏មាន ក្នុង ខណៈពេលដែលតម្លៃកោសខ្យល់ជប់ខ្យល់មានត្រឹមតែ២ ឬ៣ដុល្លារប៉ុណ្ណោះ។
នៅក្នុងប្រទេសកម្ពុជា សេវាកម្មផ្លូវភេទត្រូវបានរាជរដ្ឋាភិបាលកម្ពុជាចាត់ទុកថា ជាសេវាកម្មខុសច្បាប់។ ហាង«លក់សម្រស់»ត្រូវបានច្បាប់ហាមឃាត់។ ប៉ុន្តែដើម្បីគេច ចេញពីសំណាញ់ច្បាប់ នារី«លក់សម្រស់»មួយចំនួនរកស៊ីក្រោមស្លាកកោសខ្យល់ បៀហ្គាឌិន លក់ស្រាបៀ។ល៕
ឈានជើងចូលដល់ក្នុងអាគារថ្មមួយ នៅសង្កាត់ផ្សារដើមថ្កូវ ម្តុំលូទឹកស្អុយរាជធានី ភ្នំពេញ គេឃើញនារីវ័យក្មេងៗ ស្រស់ស្អាតជាច្រើននាក់កំពុងអង្គុយជុំគ្នា។
អ្នកខ្លះអង្គុយលេងបៀនៅលើគ្រែ រីឯអ្នកខ្លះទៀត អង្គុយលើកៅអី លាបក្រែម ផាត់ ម្សៅ។ បើទោះបីជាកាយវិកាជាប់រវល់ក៏ដោយ ក៏ភ្នែករបស់ពួកគេរំពៃរង់ចាំទទួលភ្ញៀវជានិច្ច។
បន្តិចក្រោយមក នារីវ័យកណ្តាលម្នាក់ បបូរមាត់លាបក្រែមពណ៌ក្រហមច្រាល មាឌ រៀងធំបន្តិច ដែលមើលទៅទំនងជាមេការនៅក្នុងហាងបានដើរតម្រង់ទៅកាន់បុរសជា ភ្ញៀវហើយសួរថា៖«តើត្រូវការកោសជប់មែនទេបង?»បុរសជាភ្ញៀវ ឆ្លើយតបវិញថា៖ «បាទខ្ញុំមិនស្រួលខ្លួនទេ ខ្ញុំចង់កោសខ្យល់...»។ នារីសម្តីផ្អែមរូបនេះបន្តថា៖«អ៊ីចឹងអញ្ជើញមកតាមខ្ញុំ»។
នារីរូបនេះ បានប្រាប់ឲ្យនារីវ័យក្មេងស្រស់ស្អាតម្នាក់ទៀត នាំបុរសរូបនេះទៅកាន់ បន្ទប់។ ធ្វើដំណើរតាមពីក្រោយនារីសក់វែងបណ្តើរ ភ្នែកសម្លឹងឆ្វេងស្តាំបណ្តើរ។ នៅពេលឡើងតាមជណ្តើរកាច់កុងតម្រង់ទៅជាន់ខាងលើគេលឺសូរសំឡេងសើច ប្រឡែងគ្នាលាន់លឺខ្សាវៗចេញពីបន្ទប់មួយចំនួន ដែលបានបិទទ្វារជិត។
នៅពេលទៅដល់ជាន់ខាងលើ នារីរូបនេះយកដៃច្រានទ្វារតិចៗ ចូលក្នុងបន្ទប់តូចមួយ ហើយផាត់វាំងននពណ៌ក្រហមចងផ្អោបទៅនឹងចំរឹងបង្អួចដើម្បីឲ្យមានពន្លឺ បន្ទាប់មក នាងប្រាប់ឲ្យបុរសជាភ្ញៀវដោះអាវចេញ ហើយដេក លើពូកដែលបានរៀបចំទុកជា ស្រេច។
ក្រោយពេលរៀបចំគ្រឿងប្រដាប់ប្រដារួចរាល់ហើយ នាងប្រាប់ឲ្យបុរសនោះ ដេកផ្កាប់ មុខហើយនាង ក៏ចាប់ផ្តើមការងារកោសខ្យល់ដូចសព្វដង។ នាងកោសខ្យល់បណ្តើរ ឆ្លើយឆ្លងពាក្យសម្តីជាមួយបុរសនោះបណ្តើរ នារីដៃតូចស្រឡូនៗតែពោរពេញដោយ កម្លាំងរូបនេះ បានសួរសំនួរជាច្រើនថា តើបងអាយុប៉ុន្មានហើយ? បងធ្វើការនៅ ឯណា? បងមានប្រពន្ធហើយឬនៅ? មានសង្សារឬអត់?។
បុរសជាភ្ញៀវរាងស្ទាវបន្តិចដែរនោះ បានឆ្លើយពិតខ្លះ កុហកខ្លះទៅកាន់នាង ជាហូរហែ វិញផងដែរ។ ព្រមពេលជាមួយគ្នា បុរសរូបនោះក៏បានលេងពាក្យ សម្តីមួយ ចំនួនដើម្បី លេងសើចទៅកាន់នាងវិញទៀតផង។ នារីសាច់សរូបនេះ បាននិយាយត្អូញត្អែរ ពីជីវភាពគ្រួសារ និងការលំបាកប្រចាំថ្ងៃរបស់នាងទាំងទឹកមុខស្រពោន ប្រាប់ទៅកាន់ បុរសជាភ្ញៀវគួរឲ្យអាណិត។
និយាយញ៉ែញ៉ងគ្នាយូរបន្តិច នារីស្រស់ស្អាតរូបនេះបានធ្លោយមាត់ថា៖«បើបងចង់ ស្រួល ខ្ញុំអាចកំដរបាន យកថ្លៃសមរម្យទេ...»។ ក្រោយពេលបានលឺសម្តីយ៉ាងដូច្នេះ បុរសរូបនេះភ្ញាក់ខ្លួនព្រើត ហើយសួរទៅកាន់នាងវិញថា ៖«តើនៅទីនេះមានបម្រើសេវា ផ្លូវភេទមែនទេ?» នារីរូបនេះ ឆ្លើយរាងស្ទាក់ស្ទើរបន្តិចថា៖«មានដែរ តែលួចលាក់មិន បើកចំហរនោះទេ ភាគច្រើនទាល់តែម៉ូយទើបដឹង...»។
ខណៈបានលឺពាក្យសំដីធ្លោយមាត់របស់នាងហើយនោះ បុរសរូបនេះក៏បាន បដិសេធ នឹងនាងភ្លាមៗ ដោយនិយាយថា៖«ថ្ងៃនេះមិនសូវស្រួលខ្លួនទេ ចាំលើកក្រោយទៅ...»។
បន្ទាប់ពីបានកោសជប់រួចរាល់ហើយ នារីវ័យក្មេងចំណាយពេលមួយភ្លែត គេងនែប និត្យ ស្ទាបអង្អែលបុរស រូបនេះស្ទើរស្វាងជំងឺ ហើយបន្តិចក្រោយមកនាង បានប្រាប់ បុរសនោះថា៖«តោះបង យើងអាចចេញទៅបានហើយ»។
ក្រោយពេលបង់ថ្លៃសេវាហើយនោះ បុរសជាភ្ញៀវបានឲ្យធីបនាង ១ម៉ឺនរៀលជាការ លើកទឹកចិត្ត ហើយនាងបានសម្តែងការអរគុណ និងនិយាយ ផ្តាំផ្ញើរជាចុងក្រោយថា ៖«កុំភ្លេចមកថ្ងៃក្រោយ ទៀតណាបង...»។
លោក សុថៃ ដែលធ្លាប់ទទួលសេវាកម្មកោសខ្យល់បានឲ្យដឹងថា កន្លែងកោសជប់មួយ ចំនួនក៏មានលួចលាក់បម្រើសេវាផ្លូវភេទផងដែរ។
យុវវជនវ័យប្រមាណជា២៨ឆ្នាំរូបនេះបានបង្ហើបឲ្យដឹងថា៖«កន្លែងខ្លះ ក្រោយពេល កោសខ្យល់រួច គេអាចចរចាដេកជាមួយនាងបាន។ ប៉ុន្តែមិនមែនដេកនៅកន្លែង កោសជប់នោះទេ គឺត្រូវចេញទៅផ្ទះសំណាក់។
តម្លៃគេងជាមួយគ្នាអាចមានពី ២០ដុល្លារ ទៅ ៣០ដុល្លារ ឬច្រើនជាងនេះក៏មាន ក្នុង ខណៈពេលដែលតម្លៃកោសខ្យល់ជប់ខ្យល់មានត្រឹមតែ២ ឬ៣ដុល្លារប៉ុណ្ណោះ។
នៅក្នុងប្រទេសកម្ពុជា សេវាកម្មផ្លូវភេទត្រូវបានរាជរដ្ឋាភិបាលកម្ពុជាចាត់ទុកថា ជាសេវាកម្មខុសច្បាប់។ ហាង«លក់សម្រស់»ត្រូវបានច្បាប់ហាមឃាត់។ ប៉ុន្តែដើម្បីគេច ចេញពីសំណាញ់ច្បាប់ នារី«លក់សម្រស់»មួយចំនួនរកស៊ីក្រោមស្លាកកោសខ្យល់ បៀហ្គាឌិន លក់ស្រាបៀ។ល៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
