បទយកការណ៍ / បទសម្ភាសន៍
ជាតិ
ទូក«ង»នឹងជួបបញ្ហាអ្វីខ្លះ បន្ទាប់ពីការប្រណាំងត្រូវខកខាន៣ឆ្នាំជាប់គ្នា?
×![]()
ទូក«ង» គឺជាតួឯកដ៏សំខាន់ នៅក្នុងព្រះរាជពិធីបុណ្យអុំទូក អកអំបុក និងសំពះព្រះខែ។ រយៈពេលបីថ្ងៃនៃពិធីនេះ ការប្រណាំទូកគ្រប់ប្រភេទ រាប់តាំងពីទូកអុំអន្តរជាតិខ្នាតខ្លី ទូក«ង»ប្រភេទខ្លី និងវែង និងទូកចែវនោះ គឺជាព្រឹត្តិការណ៍ដែលញ្ញ៉ាំងឲ្យព្រះរាជពិធីមួយនេះ មានភាពអធិកអធមជាទីបំបំផុត បន្ទាប់ពីមហាជនរាប់សែននាក់ បានមកចូលរួមទស្សនាការការប្រណាំងទុក នៅក្រោមកំដៅថ្ងៃមុខព្រះបរមរាជវាំង ដោយសំឡេងស្រែកកងរំពង យ៉ាងរីករាយ។ យ៉ាងណាក៏ដោយនៅឆ្នាំ២០១៣នេះ ពិធីបុណ្យអុំទូកត្រូបានរដ្ឋាភិបាលសម្រេចលុបចោលជាថ្មីទៀត ក្រោមហេតុផលផលវិបាលនៃគ្រោះទឹកជំនន់។ កត្តានេះ បានធ្វើឲ្យទូក«ង» ត្រូវបញ្ឈរជើងចំនួនបីឆ្នាំ ដោយគ្មានការប្រកួត។
ចុះប្រសិនបើទូក ត្រូវបានគេបញ្ឈរចោលលើបង្គងរហូតដល់ទៅ៣ឆ្នាំជាប់គ្នា តើវានឹងអាចជួបនូវបញ្ហាអ្វីខ្លះ? ចម្លើយគឺ មានបញ្ហាជាច្រើនណាស់ ដែលទូកត្រូវជួបប្រទះ។ ជន្ទល់ទូក ប្រឡឹងទូក ជ័របិទទូក ថ្នាំលាភលម្អរទូក ប៊ូឡុងចាប់ខ្ទង់ទូក និងសាច់ទូកទាំងមូល គឺសុទ្ធតែជាផ្នែកដែលត្រូវប្រឈមនឹងបញ្ហាជាច្រើន បន្ទាប់ពីទូកត្រូវខកខានមិនបានប្រកួត អស់រយៈពេលជាង៣ឆ្នាំមកនោះ។
ជន្ទល់ទូក! ចន្ទល់ទូកគឺជាកំណាត់ឈើមួយដ៏រឹង និងមាំ មានប្រវែងចាប់ពីមួយតឹក ទៅកន្លះម៉ែត្រ។ ចន្ទល់មានតួនាទីទប់ផ្ទៃទូកទាំងមូលឲ្យរឹង និងជួយទប់ផ្ទៃទូកមិនឲ្យរលាស់ ឬវ័ត នៅពេលប្រណាំង។ ជន្ទល់មានតួនាទីកាន់តែសំខាន់ ប្រសិនបើទូកកាន់តែមានប្រវែងវែង។ សូមកំភ្លេចថា ទូកវែងដែលផ្ទុកចំណុះច្រើន និងអ៊ុំដោយប្រើកម្លាំងដ៏ខ្លាំងនៅពេលប្រកួតទៀតនោះ វានឹងធ្វើឲ្យទូករលាស់ ឬទន់ស្ទើតែបាក់ដាច់ពីគ្នា។ ត្រង់ចំណុចនេះ ចន្ទល់ត្រូវបានគេដាក់ភ្ជាប់ពីខ្ទង់ទូកផ្នែកបាតនៃទូក ទៅទល់នឹងខ្ទង់ផ្នែកខាងលើ ដើម្បីជួយទប់ផ្ទៃទូកមិនឲ្យទន់ពេក និងរលាស់ពេកនៅពេលប្រណាំង។
យ៉ាងណាក៏ដោយ ចន្ទល់ទូក នឹងក្លាយជាផលវិបាកសម្រាប់ទូកវិញ ប្រសិនបើទូកខកខានមិនបានប្រកួតរយៈពេលយូរខែ យូរឆ្នាំនោះ។ ព្រោះនៅពេលដែលទូកមិនមានចលនាច្រើនឆ្នាំ ជន្ទល់នឹងធ្វើឲ្យផ្ទៃទូករឹង ឬដែលអ្នកបច្ចេកទេសផ្នែកទូកហៅថា «ងាប់សាច់ទូក»។ ដូច្នេះគេត្រូវបង្ខុំចិត្តដកជន្ទល់ទូកចេញ ដោយរង់ចាំការប្រកួតមកដល់ទើបធ្វើវាឡើងវិញ។
ប្រឡឹងទូក! វាអាចជាខ្សែកាប ឬខ្សែដែលធ្វើពីវលិ៍្លផ្ដៅ។ ប្រឡឹងត្រូវបានអ្នកបច្ចេកទេស ធ្វើឡើងដើម្បីរឹតសាច់ទូកមិនឲ្យហែកចេញ ខណៈពេលដែលចំណុះទូកគ្រប់គ្នាផ្អៀងខ្លួនចេញទៅក្រៅ ដើម្បីងាយស្រួលអ៊ុំ និងគាស់ទឹកឲ្យបានរហ័សនោះ។ ប្រឡឹងកាន់តែមានតម្លៃ នៅពេលដែលទូកត្រូវផ្ទុកអ្នកអ៊ុំកាន់តែច្រើន។ វាត្រូវបានគេចាប់ភ្ជាប់ពីក្ដារបង្ក្រាបម្ខាងនៃទូក ទៅនឹងក្ដារបង្ក្រាបម្ខាងទៀត ដោយរឹតឲ្យតឹងតាមលក្ខណៈបច្ចេកទេស។ វានឹងអាចជួបគ្រោះថ្នាក់ ប្រសិនបើប្រឡឹងទូកត្រូវដាច់ ហើយទូកក៏នឹងអាចធ្លាក់ល្បឿនបានដែរ ប្រសិនបើប្រឡឹងទូកមួយចំនួនត្រូវដាច់។
ចុះប្រសិនបើទូកខកខានអុំជាច្រើនឆ្នាំ តើប្រឡឹងទូកនឹងត្រូវជួបបញ្ហាអ្វីខ្លះ? ចម្លើយគឺ! ប្រសិនបើប្រឡឹងធ្វើអំពីខ្សែកាប គឺវានឹងឡើងរឹង ឬងាប់សាច់ដែក ដែលមិនអនុញាតឲ្យវាយឺត ឬធ្វើចលនាទៅតាមកម្លាំងអ៊ុំបានឡើយ។ មួយវិញទៀតវា ក៏នឹងធ្វើឲ្យសាច់ទូកងាប់បានដែរ ប្រសិនបើទូកខកខានមិនបានប្រកួតច្រើនឆ្នាំ និងគ្នាចលនា។ ដោយឡែងប្រសិនបើប្រឡឹងទូកធ្វើអំពីផ្ដៅវិញនោះ វានឹងអាចពុកផុយ ប្រើការមិនបាន ហើយទាមទារដាក់ប្រឡឹងថ្មីឡើងវិញ។
ជ័របិទទូក! វាមានតួរនាទីជាអ្នកការពារសាច់ឈើនៃទូកមិនឲ្យទឹកជ្រាបចូល។ ជ័រទឹកមានតួរនាទីជាអ្នកជ្រាបចូលទៅភ្ជិតសាច់ទូកដែលប្រេះ និងមានប្រហោងតូចៗ ខណៈដែលជ័របិទមានតួនាទីជាអ្នកភ្ជាប់ ឬចូលទៅភ្ជិតក្ដារបង្រាបរបស់ទូកដែលត្រូវបានគេដាក់បន្ថែមលើសាច់មាឌនៃទូក ដើម្បីឲ្យទូកមានជម្រៅជ្រៅអាចផ្ទុកអ្នកអ៊ុំបានច្រើន។ មួយឆ្នាំអ៊ុំម្ដង ឬខកមួយឆ្នាំទើបអ៊ុំម្ដងទៀត វាទាន់ជាបញ្ហាសម្រាប់ជ័របិទទូកនោះទេ ប៉ុន្តែប្រសិនបើទូកត្រូវខកខានមិនបានធ្វើចលនារហូតដល់ទៅបី ឬបួនឆ្នាំនោះ វានឹងធ្វើជ័រទូករឹង ឬក្រាំង ងាប់សាច់ជ័រតែម្ដង។ ជ័ររឹង វាក៏អាចធ្វើផ្ទៃទូករឹងបានដែរ។ ដូច្នេះគេត្រូវបង្ខុំចិត្តកោសជ័រទាំងនោះចេញ ទម្រាំការប្រកួតចាប់ផ្ដើមជាថ្មី ទើបចាប់ផ្ដើមលាភ និងបិទវាជាថ្មីទៀតដែរ។
ថ្នាំលាភលម្អរទូក! ក្រៅពីល្បៀនដ៏លឿននោះ ទូកក៏ត្រូវតែរចនាឡើងដោយមានព៌ណលម្អរផងដែរ។ មិនថា ទូកចែវ ទូកអ៊ុំ ខ្នាតវែង ឬក៏ខ្លីនោះទេ សោភណ្ឌភាព គឺជាការប្រកួតមួយ ដែលទូកនីមួយត្រូវបង្អួតគ្នាទៅវិញទៅមកផងដែរ។ អ្នកជំនាញផ្នែកទូក«ង» បានអត្ថាធិប្បាយថា ទូកភាគច្រើនត្រូវតែលាភព៌ណជាថ្មីឡើងវិញនៅពេលមានកាប្រកួតនៅថ្ងៃខាងមុខ។ ម្យ៉ាងថ្នាំត្រូវហើរព៌ណ និងម្យ៉ាងទៀត ថ្នាំត្រូវបានដាច់តាមជ័រដែលគេកោសបិទជាថ្មី ដូច្នេះទូកទាំងអស់ត្រូវតែលាភថ្នាំ និងងរចនាព៌ណឡើងវិញ មុននឹងចូលរួមប្រកួតលើកក្រោយទៀត។
ប៊ូឡុង ឬដែកគោលដែលភ្ជាប់ក្ដារនៃសាច់ទូក ឬខ្ទង់ទូក! វាក៏ត្រូវខូចខាត់ច្រើនផងដែរ នៅពេលដែលទូកត្រូវខកខានមិនបានប្រកួតជាច្រើនឆ្នាំដូចប៉ុន្មានឆ្នាំនេះ។ គណៈកម្មការទូកតាមវត្តនីមួយៗបានអះអាងថា ខ្ចៅ ប៊ូឡុង ឬដែកគោ ដែភ្ជាប់សាច់ទូកនោះ ត្រូវបានច្រេះស៊ី និងខ្លះទៀតត្រូវធូរលុងព្រោះតែទូកទុកយូររហូតរួមមាឌ។ ដូច្នេះមុននឹងឡើងប្រកួតលើកក្រោយ គេត្រូវដោះដូរវាជាថ្មី ឲ្យត្រូវនិងលក្ខណៈបច្ចេកទេស ដើម្បីរក្សាល្បឿនទូក និងសុវត្ថិភាពនៃទូក។
ចុងក្រោយគេ គឺសាច់ទូកទាំងមូលតែម្ដង! លោក អ៊ួង ចំរើន ប្រធានគណៈកម្មការទូក«ង» ឈ្មោះនាងតាវត្តី សែនមានជ័យ ស្ថិតក្នុងវត្តថ្មគរ ឃុំថ្មគរ ស្រុកល្វាឯម ខេត្តកណ្ដាលនោះ បានបញ្ជាក់ឲ្យដឹងថា ការខកខានមិនបានប្រកួត រួមផ្សុំនឹងការទុកលើបង្គងជាច្រើនឆ្នាំផងនោះ ផ្ទៃទូកទាំងមូលនឹងមានការប្រែប្រួល ដូចជាស្រាលជាងមុន បោលឬវៀច ខុសទ្រង់ទ្រាយមុនជាដើម។ លោកបន្តថា សម្រាប់ទូករបស់លោកដែលមានអាយុកាលដល់ទៅជាង២៣ឆ្នាំនោះ វានឹងរឹតតែប្រែប្រួលទាំងទំងន់ និងផ្ទៃទាំងមូលនៃទូកតែម្ដង ហើយថា មុនចូលរួមការប្រកួតលើកក្រោយ ទូករបស់លោកត្រូវតែជួសជុលឡើងវិញ ទើបអាចរក្សាកេរ្តិ៍ឈ្មោះនៅថ្ងៃប្រកួតបាន។
គួរបញ្ជាក់ថា ពីមួយឆ្នាំទៅមួយឆ្នាំ ទូក«ង» ពិសេសទូកអ៊ំប្រភេទបុរសកាន់តែមានប្រវែង វែងទៅៗ ដែលរហូតមានទូកខ្លះ អាចមានប្រវែងដល់ទៅជាង៥០ម៉ែត្រ និងអាចផ្ទុកចំណុះ (អ្នកអុំ) បានរហូតដល់ទៅជាង៨០នាក់ឯណោះ។ វាមិនមែនជាការងាយទេ ខណៈទូកដែលមានទទឹងត្រឹមតែជាង១ម៉ែត្រ និងមានបណ្ដោយដល់ទៅជាង៥០ម៉ែត្រ អាចផ្ទុកអ្នកអុំដ៏ច្រើន និងប្រណាំគ្នាក្នុងល្បឿនដ៏លឿនលើខ្សែទឹកហូរនៃទន្លេបួនមុខនោះ៕
ចុះប្រសិនបើទូក ត្រូវបានគេបញ្ឈរចោលលើបង្គងរហូតដល់ទៅ៣ឆ្នាំជាប់គ្នា តើវានឹងអាចជួបនូវបញ្ហាអ្វីខ្លះ? ចម្លើយគឺ មានបញ្ហាជាច្រើនណាស់ ដែលទូកត្រូវជួបប្រទះ។ ជន្ទល់ទូក ប្រឡឹងទូក ជ័របិទទូក ថ្នាំលាភលម្អរទូក ប៊ូឡុងចាប់ខ្ទង់ទូក និងសាច់ទូកទាំងមូល គឺសុទ្ធតែជាផ្នែកដែលត្រូវប្រឈមនឹងបញ្ហាជាច្រើន បន្ទាប់ពីទូកត្រូវខកខានមិនបានប្រកួត អស់រយៈពេលជាង៣ឆ្នាំមកនោះ។
ជន្ទល់ទូក! ចន្ទល់ទូកគឺជាកំណាត់ឈើមួយដ៏រឹង និងមាំ មានប្រវែងចាប់ពីមួយតឹក ទៅកន្លះម៉ែត្រ។ ចន្ទល់មានតួនាទីទប់ផ្ទៃទូកទាំងមូលឲ្យរឹង និងជួយទប់ផ្ទៃទូកមិនឲ្យរលាស់ ឬវ័ត នៅពេលប្រណាំង។ ជន្ទល់មានតួនាទីកាន់តែសំខាន់ ប្រសិនបើទូកកាន់តែមានប្រវែងវែង។ សូមកំភ្លេចថា ទូកវែងដែលផ្ទុកចំណុះច្រើន និងអ៊ុំដោយប្រើកម្លាំងដ៏ខ្លាំងនៅពេលប្រកួតទៀតនោះ វានឹងធ្វើឲ្យទូករលាស់ ឬទន់ស្ទើតែបាក់ដាច់ពីគ្នា។ ត្រង់ចំណុចនេះ ចន្ទល់ត្រូវបានគេដាក់ភ្ជាប់ពីខ្ទង់ទូកផ្នែកបាតនៃទូក ទៅទល់នឹងខ្ទង់ផ្នែកខាងលើ ដើម្បីជួយទប់ផ្ទៃទូកមិនឲ្យទន់ពេក និងរលាស់ពេកនៅពេលប្រណាំង។
យ៉ាងណាក៏ដោយ ចន្ទល់ទូក នឹងក្លាយជាផលវិបាកសម្រាប់ទូកវិញ ប្រសិនបើទូកខកខានមិនបានប្រកួតរយៈពេលយូរខែ យូរឆ្នាំនោះ។ ព្រោះនៅពេលដែលទូកមិនមានចលនាច្រើនឆ្នាំ ជន្ទល់នឹងធ្វើឲ្យផ្ទៃទូករឹង ឬដែលអ្នកបច្ចេកទេសផ្នែកទូកហៅថា «ងាប់សាច់ទូក»។ ដូច្នេះគេត្រូវបង្ខុំចិត្តដកជន្ទល់ទូកចេញ ដោយរង់ចាំការប្រកួតមកដល់ទើបធ្វើវាឡើងវិញ។
ប្រឡឹងទូក! វាអាចជាខ្សែកាប ឬខ្សែដែលធ្វើពីវលិ៍្លផ្ដៅ។ ប្រឡឹងត្រូវបានអ្នកបច្ចេកទេស ធ្វើឡើងដើម្បីរឹតសាច់ទូកមិនឲ្យហែកចេញ ខណៈពេលដែលចំណុះទូកគ្រប់គ្នាផ្អៀងខ្លួនចេញទៅក្រៅ ដើម្បីងាយស្រួលអ៊ុំ និងគាស់ទឹកឲ្យបានរហ័សនោះ។ ប្រឡឹងកាន់តែមានតម្លៃ នៅពេលដែលទូកត្រូវផ្ទុកអ្នកអ៊ុំកាន់តែច្រើន។ វាត្រូវបានគេចាប់ភ្ជាប់ពីក្ដារបង្ក្រាបម្ខាងនៃទូក ទៅនឹងក្ដារបង្ក្រាបម្ខាងទៀត ដោយរឹតឲ្យតឹងតាមលក្ខណៈបច្ចេកទេស។ វានឹងអាចជួបគ្រោះថ្នាក់ ប្រសិនបើប្រឡឹងទូកត្រូវដាច់ ហើយទូកក៏នឹងអាចធ្លាក់ល្បឿនបានដែរ ប្រសិនបើប្រឡឹងទូកមួយចំនួនត្រូវដាច់។
ចុះប្រសិនបើទូកខកខានអុំជាច្រើនឆ្នាំ តើប្រឡឹងទូកនឹងត្រូវជួបបញ្ហាអ្វីខ្លះ? ចម្លើយគឺ! ប្រសិនបើប្រឡឹងធ្វើអំពីខ្សែកាប គឺវានឹងឡើងរឹង ឬងាប់សាច់ដែក ដែលមិនអនុញាតឲ្យវាយឺត ឬធ្វើចលនាទៅតាមកម្លាំងអ៊ុំបានឡើយ។ មួយវិញទៀតវា ក៏នឹងធ្វើឲ្យសាច់ទូកងាប់បានដែរ ប្រសិនបើទូកខកខានមិនបានប្រកួតច្រើនឆ្នាំ និងគ្នាចលនា។ ដោយឡែងប្រសិនបើប្រឡឹងទូកធ្វើអំពីផ្ដៅវិញនោះ វានឹងអាចពុកផុយ ប្រើការមិនបាន ហើយទាមទារដាក់ប្រឡឹងថ្មីឡើងវិញ។
ជ័របិទទូក! វាមានតួរនាទីជាអ្នកការពារសាច់ឈើនៃទូកមិនឲ្យទឹកជ្រាបចូល។ ជ័រទឹកមានតួរនាទីជាអ្នកជ្រាបចូលទៅភ្ជិតសាច់ទូកដែលប្រេះ និងមានប្រហោងតូចៗ ខណៈដែលជ័របិទមានតួនាទីជាអ្នកភ្ជាប់ ឬចូលទៅភ្ជិតក្ដារបង្រាបរបស់ទូកដែលត្រូវបានគេដាក់បន្ថែមលើសាច់មាឌនៃទូក ដើម្បីឲ្យទូកមានជម្រៅជ្រៅអាចផ្ទុកអ្នកអ៊ុំបានច្រើន។ មួយឆ្នាំអ៊ុំម្ដង ឬខកមួយឆ្នាំទើបអ៊ុំម្ដងទៀត វាទាន់ជាបញ្ហាសម្រាប់ជ័របិទទូកនោះទេ ប៉ុន្តែប្រសិនបើទូកត្រូវខកខានមិនបានធ្វើចលនារហូតដល់ទៅបី ឬបួនឆ្នាំនោះ វានឹងធ្វើជ័រទូករឹង ឬក្រាំង ងាប់សាច់ជ័រតែម្ដង។ ជ័ររឹង វាក៏អាចធ្វើផ្ទៃទូករឹងបានដែរ។ ដូច្នេះគេត្រូវបង្ខុំចិត្តកោសជ័រទាំងនោះចេញ ទម្រាំការប្រកួតចាប់ផ្ដើមជាថ្មី ទើបចាប់ផ្ដើមលាភ និងបិទវាជាថ្មីទៀតដែរ។
ថ្នាំលាភលម្អរទូក! ក្រៅពីល្បៀនដ៏លឿននោះ ទូកក៏ត្រូវតែរចនាឡើងដោយមានព៌ណលម្អរផងដែរ។ មិនថា ទូកចែវ ទូកអ៊ុំ ខ្នាតវែង ឬក៏ខ្លីនោះទេ សោភណ្ឌភាព គឺជាការប្រកួតមួយ ដែលទូកនីមួយត្រូវបង្អួតគ្នាទៅវិញទៅមកផងដែរ។ អ្នកជំនាញផ្នែកទូក«ង» បានអត្ថាធិប្បាយថា ទូកភាគច្រើនត្រូវតែលាភព៌ណជាថ្មីឡើងវិញនៅពេលមានកាប្រកួតនៅថ្ងៃខាងមុខ។ ម្យ៉ាងថ្នាំត្រូវហើរព៌ណ និងម្យ៉ាងទៀត ថ្នាំត្រូវបានដាច់តាមជ័រដែលគេកោសបិទជាថ្មី ដូច្នេះទូកទាំងអស់ត្រូវតែលាភថ្នាំ និងងរចនាព៌ណឡើងវិញ មុននឹងចូលរួមប្រកួតលើកក្រោយទៀត។
ប៊ូឡុង ឬដែកគោលដែលភ្ជាប់ក្ដារនៃសាច់ទូក ឬខ្ទង់ទូក! វាក៏ត្រូវខូចខាត់ច្រើនផងដែរ នៅពេលដែលទូកត្រូវខកខានមិនបានប្រកួតជាច្រើនឆ្នាំដូចប៉ុន្មានឆ្នាំនេះ។ គណៈកម្មការទូកតាមវត្តនីមួយៗបានអះអាងថា ខ្ចៅ ប៊ូឡុង ឬដែកគោ ដែភ្ជាប់សាច់ទូកនោះ ត្រូវបានច្រេះស៊ី និងខ្លះទៀតត្រូវធូរលុងព្រោះតែទូកទុកយូររហូតរួមមាឌ។ ដូច្នេះមុននឹងឡើងប្រកួតលើកក្រោយ គេត្រូវដោះដូរវាជាថ្មី ឲ្យត្រូវនិងលក្ខណៈបច្ចេកទេស ដើម្បីរក្សាល្បឿនទូក និងសុវត្ថិភាពនៃទូក។
ចុងក្រោយគេ គឺសាច់ទូកទាំងមូលតែម្ដង! លោក អ៊ួង ចំរើន ប្រធានគណៈកម្មការទូក«ង» ឈ្មោះនាងតាវត្តី សែនមានជ័យ ស្ថិតក្នុងវត្តថ្មគរ ឃុំថ្មគរ ស្រុកល្វាឯម ខេត្តកណ្ដាលនោះ បានបញ្ជាក់ឲ្យដឹងថា ការខកខានមិនបានប្រកួត រួមផ្សុំនឹងការទុកលើបង្គងជាច្រើនឆ្នាំផងនោះ ផ្ទៃទូកទាំងមូលនឹងមានការប្រែប្រួល ដូចជាស្រាលជាងមុន បោលឬវៀច ខុសទ្រង់ទ្រាយមុនជាដើម។ លោកបន្តថា សម្រាប់ទូករបស់លោកដែលមានអាយុកាលដល់ទៅជាង២៣ឆ្នាំនោះ វានឹងរឹតតែប្រែប្រួលទាំងទំងន់ និងផ្ទៃទាំងមូលនៃទូកតែម្ដង ហើយថា មុនចូលរួមការប្រកួតលើកក្រោយ ទូករបស់លោកត្រូវតែជួសជុលឡើងវិញ ទើបអាចរក្សាកេរ្តិ៍ឈ្មោះនៅថ្ងៃប្រកួតបាន។
គួរបញ្ជាក់ថា ពីមួយឆ្នាំទៅមួយឆ្នាំ ទូក«ង» ពិសេសទូកអ៊ំប្រភេទបុរសកាន់តែមានប្រវែង វែងទៅៗ ដែលរហូតមានទូកខ្លះ អាចមានប្រវែងដល់ទៅជាង៥០ម៉ែត្រ និងអាចផ្ទុកចំណុះ (អ្នកអុំ) បានរហូតដល់ទៅជាង៨០នាក់ឯណោះ។ វាមិនមែនជាការងាយទេ ខណៈទូកដែលមានទទឹងត្រឹមតែជាង១ម៉ែត្រ និងមានបណ្ដោយដល់ទៅជាង៥០ម៉ែត្រ អាចផ្ទុកអ្នកអុំដ៏ច្រើន និងប្រណាំគ្នាក្នុងល្បឿនដ៏លឿនលើខ្សែទឹកហូរនៃទន្លេបួនមុខនោះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
