មានចម្ងាយប្រមាណ ៣១៩គីឡូម៉ែត្រពីរាជធានីភ្នំពេញ និងចម្ងាយ៧៧គីឡូម៉ែត្រពីក្រុងសៀមរាប មានទីតាំងស្ថិតនៅភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប ប្រាសាទនេះមានរចនាប័ទ្ម ដូចទៅនឹងប្រាសាទអង្គរវត្ត។ 
 

សូមបញ្ជាក់ផងដែរ តំបន់ប្រាសាទបេងមាលានេះ មានទំហំដល់៨៦៩ហិកតា។ នៅខាងកើតប្រាសាទនេះមានបារាយណ៍ដ៏ធំមួយមានបណ្តោយ ១៦០០ម៉ែត្រ និងទទឹង ៨០០ម៉ែត្រ។ តួប្រាសាទ មានទំហំបណ្តោយ ១០៧៦ម៉ែត្រ ទទឹង ៩១៣ម៉ែត្រ។ នៅក្បែរប្រាសាទនេះមានប្រាសាទជាច្រើនទៀតផងដែរ ដែលមានដូចជាប្រាសាទជ្រៃ និងប្រាសាទកងភ្លក់ជាដើម ចំណែកខាងជើងឆៀងខាងលិចមានតំបន់មួយទៀតដែលគេឲ្យឈ្មោះថា តំបន់អូរថ្មដាប់ ដែលជាកន្លែងដាប់ថ្មបុរាណសម្រាប់បម្រើការសាងសង់ប្រាសាទនៅតំបន់អង្គរទាំងមូលផងដែរ៕