ធនាគារ ព្រីនស៍ ម.ក បានផ្តល់ម៉ាសចំនួន ១,១៧០ ប្រអប់ ជូនដល់មន្ទីរពេទ្យកុមារគន្ធបុប្ផា ដើម្បីចូលរួមទប់ស្កាត់ការឆ្លងជំងឺកូវីដ ១៩

អត្ថបទពាណិជ្ជកម្ម

ធនាគារ ព្រីនស៍ ម.ក បានផ្តល់ម៉ាសចំនួន ១,១៧០ ប្រអប់ ជូនដល់មន្ទីរពេទ្យកុមារគន្ធបុប្ផា ដើម្បីចូលរួមទប់ស្កាត់ការឆ្លងជំងឺកូវីដ ១៩

16, Dec 2020 , 4:07 pm

រូបភាព

ដោយ: សារព័ត៌មានថ្មីៗ

ភ្នំពេញ៖ ធនាគារ ព្រីនស៍ ម.ក បានផ្តល់ម៉ាសចំនួន ១,១៧០ ប្រអប់ដល់មន្ទីរពេទ្យកុមារគន្ធបុប្ផា នាព្រឹកថ្ងៃទី១៦ ខែធ្នូនេះ ដើម្បីចូលរួមចំណែកក្នុងការប្រយុទ្ធប្រឆាំងនឹងការរាតត្បាតនៃជំងឺកូវីដ១៩ បន្ទាប់ពីការផ្ទុះឡើងនូវព្រឹត្តិការណ៍ការឆ្លងជាសហគមន៍ ២៨ វិច្ឆិកា។ កម្មវិធីប្រគល់ម៉ាសនេះ ត្រូវបានធ្វើឡើងនៅមន្ទីរពេទ្យកុមារគន្ធបុប្ផា ដោយមានការអញ្ជើញចូលរួមពីសំណាក់ លោក ហ៊ន់ សុរចនា ប្រធាននាយកប្រតិបត្តិនៃធនាគារ ព្រីនស៍ ម.ក និងថ្នាក់ដឹកនាំមន្ទីរពេទ្យកុមារគន្ធបុប្ផា ក៏ដូចជាថ្នាក់ដឹកនាំជាន់ខ្ពស់នៃធនាគារជាច្រើនរូបផងដែរ។

កម្មវិធីមនុស្សធម៌នេះ បង្ហាញឲ្យឃើញពីការព្រួយបារម្ភ និងការយកចិត្តទុកដាក់របស់ធនាគារ ព្រីនស៍ ចំពោះសុវត្ថិភាពរបស់ក្រុមគ្រូពេទ្យ ក៏ដូចជាកុមារតូចៗដែលកំពុងសម្រាកព្យាបាលនៅមន្ទីរពេទ្យកុមារគន្ធបុប្ផា។ បន្ថែមពីលើនេះក៏ឆ្លុះបញ្ចាំងឲ្យឃើញពីការប្តេជ្ញាចិត្ត និងគោលជំហរយ៉ាងច្បាស់លាស់របស់ធនាគារ ព្រីនស៍ ក្នុងការជួយដល់ប្រទេសកម្ពុជាលើគ្រប់វិស័យ បើទោះជាស្ថិតក្នុងគ្រាដ៏លំបាកនៃវិបត្តិកូវីដ១៩ នេះក៏ដោយ។

គួរឲ្យរំលឹកផងដែរ បច្ចុប្បន្ននេះ ធនាគារ ព្រីនស៍ កំពុងធ្វើយុទ្ធនាការបរិច្ចាគ "យើងរួមគ្នាដើម្បីកម្ពុជា" ក្នុងគោលបំណងប្រមូលមូលនិធិជួយដល់រដ្ឋាភិបាលកម្ពុជា សម្រាប់ការទិញវ៉ាក់សាំងការពារជំងឺកូវីដ១៩ ដើម្បីការពារអាយុជីវិតប្រជាជនកម្ពុជា។ សប្បុរសជនទាំងអស់អាចចូលរួមបរិច្ចាគក្នុងយុទ្ធនាការនេះ តាមរយៈ Prince Bank App ប្រព័ន្ធបាគង និងប្រព័ន្ធRetail Pay ដោយធ្វើការផ្ទេរប្រាក់ទៅកាន់គណនីខាងក្រោម៖