COVID-19
ជាតិ
×![]()
ភ្នំពេញ៖ ក្រសួងសុខាភិបាលប្រកាស នៅថ្ងៃទី២៣ ខែធ្នូ មានករណីជាសះស្បើយចំនួន២នាក់ ដោយម្នាក់ជាស្ត្រីជនជាតិខ្មែរ ដែលពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា និងម្នាក់ទៀត ជាបុរសខ្មែរដែលធ្វើដំណើរមកពីប្រទេសជប៉ុន។ ចំនួន២នាក់ ដែលជាសះស្បើយថ្ងៃនេះ ធ្វើឲ្យកម្ពុជានៅសល់អ្នកជំងឺតែ១៤នាក់ទៀត។
ក្រសួងសុខាភិបាលបានបញ្ជាក់ថា អ្នកជំងឺដែលជាសះស្បើយ២នាក់នោះ ដោយស្ត្រីជនជាតិខ្មែរ អាយុ២១ឆ្នាំ ស្នាក់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដែលជាអ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា។ អ្នកជាសះស្បើយម្នាក់ទៀត ជាបុរសខ្មែរ អាយុ២៦ឆ្នាំ ជាអ្នកដំណើរមកពីប្រទេសជប៉ុន ចូលមកកម្ពុជានៅថៃ្ងទី១៨ ខែវិច្ឆិកា ស្នាក់នៅស្រុកដងទង់ ខេត្តកំពត។
អ្នកជាសះស្បើយទាំងពីរនាក់នេះ ត្រូវបានក្រសួងសុខាភិបាល អនុញ្ញាតឲ្យចាកចេញពីមន្ទីរពេទ្យ ក្រោយពីបានធ្វើតេស្តអវិជ្ជមានកូវីដ-១៩ ចំនួន២លើក។ ក្រសួងសុខាភិបាល នៅថ្ងៃនេះ ក៏បានប្រកាសថា ពុំមានករណីឆ្លងជំងឺកូវីដ-១៩ឡើយ។
គិតត្រឹមថ្ងៃទី២៣ ខែធ្នូនេះ អ្នកជាសះស្បើយពីជំងឺកូវីដ-១៩ ដែលជាអ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា មានចំនួន៣២នាក់ហើយ ក្នុងចំណោមអ្នកឆ្លងសរុបចំនួន៤១នាក់ នៅសល់តែអ្នកជំងឺ៩នាក់ទៀត កំពុងបន្តការព្យាបាល។
បច្ចុប្បន្ន កម្ពុជាមានអ្នកឆ្លងជំងឺកូវីដ-១៩ ចំនួន៣៦៣នាក់ ក្នុងនោះជាសះស្បើយ ៣៤៩នាក់ ។ ចំណែកអ្នកជំងឺនៅសល់១០នាក់ទៀត កំពុងបន្តព្យាបាលនៅមន្ទីរពេទ្យមិត្តភាពខ្មែរ-សូវៀត , រីឯ១នាក់ព្យាបាលនៅមណ្ឌលសុខភាពចាក់អង្រែ និង៣នាក់ទៀតព្យាបាលនៅមជ្ឈមណ្ឌលជាតិប្រយុទ្ធនឹងជំងឺរបេង និងហង់សិន៕
Tag:
COVID-19
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
