ពលករខ្មែរទី៤ ដែលបានឆ្លងកូវីដ-១៩ នោះ ជាស្រ្តីវ័យ២៥ឆ្នាំ មានអាសយនៅខេត្តបាត់ដំបង ដោយទើបមកពីប្រទេសថៃកាលពីថ្ងៃទី៣០ធ្នូ ឆ្នាំ២០២០។

 

បច្ចុប្បន្ន ស្ត្រីរូបនេះកំពុងសម្រាកព្យាបាលនៅមន្ទីរពេទ្យបង្អែកខេត្តបាត់ដំបង។ បើតាមលោក កែវ ប៊ុនរ៉េត មានពលករជាង១,០០០នាក់ កំពុងធ្វើចត្តាឡីស័ក នៅតាមមណ្ឌលចត្តាឡីស័កនានា ក្នុងខេត្តបាត់ដំបង។ 

 

បច្ចុប្បន្នអ្នកកើតកូវីដ-១៩នៅកម្ពុជា ឡើងដល់៣៦៨នាក់ ក្នុងនោះ៣៦១នាក់ បានព្យាបាលសះស្បើយ។ អ្នកជំងឺ២នាក់ពាក់ព័ន្ធនឹងព្រឹត្តិការណ៍២៨វិច្ឆិកា សម្រាកព្យាបាលនៅមន្ទីរពេទ្យមិត្តភាពខ្មែរសូវៀត និង១ម្នាក់ជាករណីនាំចូល សម្រាកនៅមជ្ឈមណ្ឌលជាតិកំចាត់ជំងឺហង់សិន និងរបេង។  

 

រីឯ៤ ករណីចុងក្រោយដែលជាពលករមកពីថៃ កំពុងសម្រាកព្យាបាលនៅមន្ទីរពេទ្យបង្អែកខេត្តបាត់ដំបង៕