កីឡាអន្តរជាតិ
អន្តរជាតិ
Pochettino, Zidane, Pirlo, Lampard, Arteta, Solskjaer… ពីកីឡាករទៅជាគ្រូនៅក្លិបដដែល
× លោក Mauricio Pochettino ជាបុគ្គលទី៩ ដែលក្លាយខ្លួនពីអតីតកីឡាករទៅជាអ្នកចាត់ការក្លិបចាស់របស់ខ្លួន បន្ទាប់ពីត្រូវបានតែងតាំងជាអ្នកចាត់ការទូទៅក្រុម Paris Saint Germain។ ៨រូបទៀត ដែលសព្វថ្ងៃជាអ្នកគ្រប់គ្រងក្លិបចាស់របស់ពួកគេមានលោក Zinedine Zidaneលោក Zinedine Zidane, Hansi Flick, Diego Simeone, Frank Lampard, Andrea Pirlo, Ronald Koeman, Mikel Arteta និងលោក Ole Gunnar Solskjaer។
លោក Pochettino វ័យ៤៨ឆ្នាំ បានត្រឡប់ទៅកាន់ការងារជាអ្នកចាត់ការទូទៅក្លិបកីឡាករបាល់ទាត់ជាថ្មីម្តងទៀតជាមួយ PSG បន្ទាប់ពីចាកចេញពីក្រុមអង់គ្លេស Tottenham Hotspur អស់រយៈពេលជាងមួយឆ្នាំមក។ នេះមានន័យថាក្រុមយក្សបារាំង បានតែងតាំងអ្នកចាត់ការសញ្ជាតិអាហ្សង់ទីនដែលជាអតីតកីឡាករខ្លួនដោយចុះកិច្ចសន្យាដល់ខែមិថុនា ឆ្នាំ ២០២២ ដើម្បីជំនួសលោក Thomas Tuche ដែលត្រូវបញ្ចប់តំណែងកាលពីសប្តាហ៍មុន។
គិតត្រឹមបច្ចុប្បន្ននេះ លោក Pochettino បានក្លាយជាអ្នកចាត់ការទី៩ ដែលត្រឡប់ទៅដឹកនាំក្រុមចាស់របស់ខ្លួនវិញ។ ដោយឡែកអ្នកចាត់ការ៨រូបផ្សេងទៀតដែលកំពុងដឹកនាំក្លិបចាស់របស់ពួកគេដែលសុទ្ធសឹងជាក្លិបធំៗនៅអឺរ៉ុបរួមមានលោក Zinedine Zidane អ្នកចាត់ការទូទៅ Real Madrid លោក Hans-Dieter Flick របស់ Bayern Munich លោក Diego Simeone របស់ Atletico Madrid លោក Frank Lampard របស់ Chelsea លោក Andrea Pirlo របស់ Juventus លោក Ronald Koeman របស់ Barcelona លោក Mikel Arteta របស់ Arsenal និងលោក Ole Gunnar Solskjaer របស់ Manchester United៕
© រក្សាសិទ្ធិដោយ thmeythmey.com