​

 

លោក ឡាយ ឡាត់ ជាពលរដ្ឋរស់នៅក្នុងភូមិធ្នង់ ឃុំកណ្តោល បានលើកឡើងថា លោកពិតជារីករាយចំ ពោះការយកចិត្តទុកដាក់របស់អាជ្ញាធរ រាល់ពេលដែលខ្លួន ទៅ​ ទទួលសេវានៅសាលាឃុំ។ បើតាមពលរដ្ឋរូបនេះ លោក ​លាប់ទៅធ្វើអត្តសញ្ញាណបណ្ណ អត្រានុកូលដ្ឋាន និងឯកសារផ្សេងៗកន្លងមក។ ទោះយ៉ាងណា ឡាយ ឡាត់ ចង់ចង់​ឱ្យឃុំសង់ជម្រាលបន្ថែមទៀត ដើម្បីឱ្យខ្លួនកាន់តែមានភាពងាយស្រួល ក្នុងការឡើងចុះ អគារសាលាឃុំ។ លោក ឡាយ ឡាត់ រៀនរាប់ថា៖ «ចង់ថា កន្លែងខ្ញុំដែលធ្លាប់ទៅទទួលសេវា ត្រូវតែធ្វើ (ជម្រាល) កន្លែងហ្នឹងឱ្យបានស្អាត ឱ្យបានស្រួលធ្វើដំណើរ»។ 

 

ស្រដៀងគ្នាដែរ លោក ហ៊ឹម នាង ជាពលរដ្ឋរស់នៅក្នុងភូមិធ្នង់ ឃុំកណ្តោល ម្នាក់ទៀតដែលមានពិការភាពជើងខាងស្តាំ ។ លោក ហ៊ឹម នាង លើកឡើងថា គាត់មានការពិបាក នៅពេលទៅទទួលសេវាសាធារណៈនៅក្នុងឃុំម្តងៗ ព្រោះតែឃុំនៅមិនទាន់សង់ជម្រាលសម្រាប់ជនពិការ។ លោក ហ៊ឹម នាង ចង់ឱ្យអាជ្ញាធរឃុំ សង់ជម្រាលសម្រាប់អ្នកមានពិការភាពនេះឱ្យបានលឿន ដើម្បីផ្តល់ជាប្រយោជន៍មិនត្រឹមតែសម្រាប់តែជនពិការនោះទេ ជនចាស់ជរា កុមារក៏​ងាយស្រួលធ្វើដំណើរ នៅពេលពួកគាត់​មក​ទទួលសេវា។ «​ជម្រាលអាចថា អ្នកពិការពឹងបានដោយស្រួល។ ថ្មើរជើងអត់មានស្អីជួយ ជម្រាលហ្នឹង គឺទៅកុំឱ្យរដិបរដុប។ បើកាំជណ្តើរ អត់បានទេ»។ 

 

ឆ្លើយតបនឹងសំណើនេះ លោក ហ៊ុយ សំណាង មេឃុំកណ្តោល ស្រុកបូទុមសាគរ អះអាងថា លោកនឹងសង់ជម្រាលមួយចំហៀងនៅអគារសាលាឃុំ នៅដើមឆ្នាំ២០២៣ខាងមុខ។ «តាមពិតទៅឃុំមានផែនការសង់ជម្រាលហ្នឹងយូរហើយ ប៉ុន្តែយើងមិនទាន់បានសង់។ ឥឡូវហ្នឹងយើងនឹងសង់(ជម្រាល) ឱ្យគាត់។ នៅពេល​ដែលជាងមកធ្វើផ្លូវបេតុងនៅខែ១០(តុលា)ហ្នឹង ខ្ញុំនឹងសុំកូនជាងគេឱ្យមកធ្វើ(ជម្រាល)ឱ្យ។ មិនយូរទេ»។ 

 

បើតាមលោកមេឃុំរូបនេះ នៅក្នុងឃុំកណ្តោលមានពលរដ្ឋសរុប ជាង ៤ ៣០០នាក់ ក្នុងនោះពលរដ្ឋដែលមានពិការភាព មានប្រមាណ២០នាក់។ បើតាមលោក ហ៊ុយ សំណាង មេឃុំកណ្តោល នៅពេលពលរដ្ឋ​មកទទួល​សេវា នៅសាលាឃុំ គឺបានយកចិត្តទុកដាក់ និងរាក់ទាក់ជាមួយគាត់៕

 

(វីដេអូនេះ គឺជាស្នាដៃរបស់ក្រុមយុវជន និងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុងអត្ថបទ និងវីដេអូនេះ គឺជាការទទួលខុសត្រូវរបស់ស្មេរ ឬផលិតករ ហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការ អភិវឌ្ឍអន្តរជាតិស៊ុយអ៊ែតនោះទេ)