ជាតិ
នយោបាយជាតិ
លោក កឹម សុខាថា៖ បើបក្សខ្លួនឈ្នះឆ្នោត រដ្ឋាភិបាលខ្លួនមិនដួលរលំឡើយ ![](https://image.thmeythmey.com/pictures/2015/01/08/kem_sokha_11.jpg)
×![]()
អនុប្រធានគណបក្សសង្គ្រោះជាតិ លោក កឹម សុខា បានឆ្លើយតបនឹងពាក្យសំដីចំអករបស់លោកនាយករដ្ឋមន្ត្រី ហ៊ុន សែន វិញថា បើសិនជាគណបក្សសង្គ្រោះជាតិដឹកនាំរដ្ឋាភិបាល គឺអាចដឹកនាំបានដោយស្ថិរភាពមិនដួលរលំឡើយ ដោយមនុស្សចាស់និងទទួលបានប្រាក់៤ម៉ឺនរៀល ។ ចំណែកប្រាក់ខែមន្ត្រីរាជការ គណបក្សលោកនឹងតម្លើងយ៉ាងតិចមួយលានរៀល តាមអ្វីដែលគណបក្សបានសន្យា។ លោកបានអះអាងថា ការសន្យាផ្ដល់ប្រាក់ជូននេះ គឺគណបក្សប្រឆាំងនឹងធ្វើបាន តាមរយៈការរឹតបន្ដឹងអំពើពុករលួយផ្សេងៗ ដែលលោកបានសិក្សាស្រាវជ្រាវកន្លងមក។ ការឆ្លើយតបរបស់លោក កឹម សុខា ធ្វើឡើងនៅចំពោះមុខអ្នកកាសែត នៅព្រលានយន្ដហោះ នាព្រឹកថ្ងៃព្រហស្បតិ៍នេះ។
សូមស្ដាប់សំឡេង៖
នៅក្នុងពិធីបើកការដ្ឋានសាងសង់អាគាររដ្ឋបាល នៅខេត្តត្បូងឃ្មុំ កាលពីថ្ងៃទី៥មករា ប្រមុខរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន បានចំអកថា មនុស្សចាស់ៗចាប់ពីអាយុ៦០ឆ្នាំឡើងទៅ សូមទៅទទួលប្រាក់ ៤ ម៉ឺនរៀលពីគណបក្សប្រឆាំងដែលបានសន្យា។ ហើយលោក ហ៊ុន សែន រិះគន់ថា បើគណបក្សប្រឆាំងដឹកនាំរដ្ឋាភិបាល គឺនឹងដួលរលំត្រឹមរយៈពេល៦ខែ។
© រក្សាសិទ្ធិដោយ thmeythmey.com