ជាតិ
ពីនេះ ពីនោះ
អនុវត្តន៍១០ចំណុចនេះបាន បញ្ជាក់ថាអ្នកជាមនុស្ស«អស្ចារ្យ»ជាងគេ! ![](https://image.thmeythmey.com/pictures/2015/04/04/442015132901succes.jpg)
×![]()
អនុវត្តន៍១០ចំណុចនេះបាន បញ្ជាក់ថាអ្នកជាមនុស្ស«អស្ចារ្យ»ជាងគេ!
១. ស្គាល់ខ្លួនឯង៖ ជាមនុស្សដឹងពីចំណង់ចំណូលចិត្ត ទេព្យកោសល្យ ចំណុចខ្លាំង-ខ្សោយ និងគោលដៅជីវិតខ្លួនឯងច្បាស់។
២. គ្រប់គ្រងពេលវេលា៖ មានទម្លាប់ធ្វើផែនការសម្រាប់ថ្ងៃស្អែក និងចំណាយពេលពិនិត្យមើលការអនុវត្តរបស់ខ្លួន ហើយរៀបផែនការសម្រាប់ថ្ងៃបន្ទាប់ទៀត។ រាល់ម៉ោងត្រូវសួរខ្លួនឯងថា «តើពេលវេលាដែលខ្ញុំចំណាយមានប្រយោជន៍ដែរឬទេ សម្រាប់ការសម្រេចនូវគោលបំណងក្នុងជីវិតរបស់ខ្ញុំ»។
៣. ទំនាក់ទំនង៖ ជាមនុស្សដែលចូលចិត្តរាប់រក និងសេពគប់មនុស្សដទៃទៀត ដោយមិនមានគំនិតប្រកាន់វណ្ណៈ រើសអើង និងមើលងាយអ្នកដទៃ។
៤. ភាពជាអ្នកដឹកនាំ៖ ជាមនុស្សមានគំនិតច្នៃប្រឌិត និងចេញមុខធ្វើការងារក្នុងក្រុមយ៉ាងសកម្មជាងសមាជិកដទៃ ហើយចូលចិត្តលើកទឹកចិត្ត ជាជាងស្តីបន្ទោស ឬច្រណែនគ្នាជាមួយនឹងសមាជិកក្រុម។
៥. ការទទួលខុសត្រូវ៖ ជាមនុស្សដែលមានទំនួលខុសត្រូវខ្ពស់ ចំពោះលិទ្ធផលដែលខ្លួនបានធ្វើ។ មិនមែនធ្វើអ្វីខុស ហើយយកលេសថា មកពីមូលហេតុនេះ ឬមូលហេតុនោះឡើយ។
៦. បើចិត្តទូលាយ៖ ជាមនុស្សមិនប្រកាន់ឋានៈ តួនាទី និងវណ្ណរស់នៅអ្វីឡើយ។ ជាពិសេស ពួកគេចូលចិត្តទទួលយកគំនិតល្អៗ និងគំនិតថ្មីៗពីអ្នកដទៃ ដើម្បីយកមកបំពេញការងារឲ្យកាន់តែមានប្រសិទ្ធភាពជាងមុន។
៧. ធ្វើការសកម្មជាងអ្នកដទៃ៖ ជាមនុស្សដែលតែងតែចេញមុខធ្វើសកម្មភាពមុនគេ បើទោះជាការងារនោះលំបាកយ៉ាងណាក្តី មានហានីភ័យយ៉ាងណាក្តី ក៏នៅតែចេញមុខធ្វើការងារនោះមុនគេរហូត។
៨. ការលើកទឹកចិត្ត៖ ជាមនុស្សដែលតែងតែយកចិត្តទុកដាក់ លើកទឹកចិត្ត និងបង្ហាត់បង្រៀនដល់អ្នកដែលទន់ខ្សោយជាងខ្លួន។ ហើយជួយជ្រោមជ្រែងឲ្យអ្នកទន់ខ្សោយជាងខ្លួនមានឱកាស់ដូចខ្លួនដែរ។
៩. រៀនសូត្រ និងបង្រៀនអ្នកដទៃ៖ ជាមនុស្សចូលចិត្តរៀនសូត្រពីមនុស្សដែលជោគជ័យក្នុងជីវិត ហើយចែករំលែកបទពិសោធន៍ និងបង្រៀនអ្នកដទៃឲ្យទទួលជោគជ័យដូចខ្លួនឯងដែរ។
១០. ថែទាំសុខភាព៖ ត្រូវបរិភោគអាហារឲ្យទៀងពេល ធ្វើលំហាត់ប្រាណជាប្រចាំថ្ងៃ និងដើរកម្សាន្តនៅកន្លែងដែលមានខ្យល់និងបរិយាកាសល្អ។ ការធ្វើរបៀបនេះ អាចជួយអ្នកឲ្យមានកម្លាំងមាំមួន មានប្រាជ្ញាឈ្លាសវៃ និងសុខភាពល្អ៕
© រក្សាសិទ្ធិដោយ thmeythmey.com