អត្ថបទពាណិជ្ជកម្ម
ក្បាលលេខថ្មីជាច្រើនរបស់មិត្ដហ្វូនត្រូវបានដាក់ឲ្យដំណើរការបន្ថែម
ភ្នំពេញ: ដំណឹងល្អសម្រាប់អ្នកនិយមប្រើប្រាស់លេខស្អាត ឬលេខពិសេស បានមកដល់ទៀតហើយជាមួយនឹងជម្រើសកាន់តែសម្បូរបែបរបស់បណ្ដាញទូរស័ព្ទចល័តមិត្ដហ្វូនគ្របដណ្ដប់លើផ្ទៃប្រទេស ដោយបានបន្ថែមនូវក្បាលលេខដ៏ច្រើនសន្ធឹកសន្ធាប់។
ចាប់ពីថ្ងៃទី១ ខែមេសា ឆ្នាំ២០១៥ ដែលជារដូវកាលប្រជាពលរដ្ឋរៀបចំផ្ទះសម្បែងឲ្យមានសេរីមង្គលចូលដល់ក្រុមគ្រួសារសម្រាប់ឱកាសចូលឆ្នាំថ្មីប្រពៃណីជាតិខាងមុខ មិត្ដហ្វូន បានផ្ដល់នូវជម្រើសហុងស៊ុយតាមរយៈលេខនាំសំណាងជាមួយនឹងក្បាលលេខ ០៣១,០៦០,០៦៦,០៦៧,០៦៨ និង ០៩។
អតិថិជនទាំងអស់គ្រាន់តែចំណាយប្រាក់ ១ដុល្លារ ឬក៏បង់រំលស់លេខណាមួយចាប់ពីតម្លៃ ៣ដុល្លារ នឹងទទួលបានលេខក្បាលនេះភ្លាម។
អតិថិជនអាចរកជាវនូវក្បាលលេខទាំងនោះនៅគ្រប់ស្ដង់លក់តាមទីតាំងនៃផ្នែកចែកចាយ និង Showroom របស់មិត្ដហ្វូនទូទាំងប្រទេស។
យោងតាមរបាយការណ៍ចេញផ្សាយដោយក្រុមហ៊ុនមិត្ដហ្វូន បានបង្ហាញថា ក្រោយពីធ្វើកិច្ចសហការជាមួយក្រុមហ៊ុន Sotelco (Beeline) ជាបណ្ដាញទូរស័ព្ទចល័តប៊ីឡាញរួចមក ក្រុមហ៊ុនមិត្ដហ្វូន បានបន្ដអភិវឌ្ឍឲ្យកាន់តែប្រសើរនូវហេដ្ឋារចនាសម្ព័ន្ធ និងធនធានរបស់ខ្លួន។
របាយការណ៍ បានបញ្ជាក់ថា មិត្ដហ្វូនគឺជាក្រុមហ៊ុនទូរគមនាគមន៍នាំមុខគេនៅក្នុងព្រះរាជាណាចក្រកម្ពុជា ដោយមានអតិថិជនប្រើប្រាស់បណ្ដាញរបស់ខ្លួនដ៏ច្រើនលើសលប់។ ដូច្នេះសបញ្ជាក់ថា នេះគឺជាជំហានមួយនៃផែនការពង្រីកវិសាលភាពដែលបានផ្ដល់ភាពងាយស្រួលជូនដល់អតិថិជនរបស់ខ្លួនជាមួយនឹងការប្រើប្រាស់សេវាកម្មល្អប្រសើរជាងមុន និងហេដ្ឋារចនាសម្ព័ន្ធធំទូលាយ ជាពិសេស មានតម្លៃសមរម្យ។
ដើម្បីទទួលបានលេខពិសេសតាមចំណូលចិត្ដជាមួយក្បាលលេខទើបបើកដំណើរការក្ដៅៗ សូមរួសរាន់ឡើង អញ្ជើញទៅកាន់ស្ដង់ណាមួយដែលក្បែរលោកអ្នកបំផុតនៅថ្ងៃនេះ៕
© រក្សាសិទ្ធិដោយ thmeythmey.com